Ke Aloha Aina, Volume I, Number 18, 21 September 1895 — Page 6
| This text was transcribed by: | Cathie Muschany |
| This work is dedicated to: | Awaiaulu |
KE ALOHA AINA
Ka Helu Kanaka o Honolulu nei
Mamuli o keia hoea ana ae nei o ka ma ʻ i e kapaia nei he Kolera, ua heluia ka nui o na kanaka a pau, maloko o na wahi e kokoke ana i ke kulanakauhale o Honolulu, e like me na mahele apana i hoonohoia ai, a oia keia,
Na Hawaii a pau ----------10,419.
Na Pake a pau---------------7,522.
Na Iapana a pau-------------2,069
Na Pukiki a pau-------------3,845.
Na haole o na ano a pau----4,206.
Huina pau loa---------------28,061.
Aole i koakakaia ma keia huina na kama kane a wahine hoi, aka, ma ka huina nui wale no i hoikeia ae nei.
NA ULUKU O LOKO NEI
Eia na poe waiwai i uluhua i ka hoopaa loa ia o ka pono o ko lakou mau pono mahiai ko, a me na poe i kipakuia mai e na mana o ka lahui, ma na mokupuni mawaho aku o Oahu nei, ke oni nei i o a i anei, a ke koi nei kehahi poe i na poo o ke Aupuni e kokua aku ia lakou, a e hopuia kela poe o Kauai a me na mokupuni e ae, e hoole mai nei i na rula, a me na kuhikuhi ana a ka Papa Ola.
Ke kena aku nei e kiiia kela poe e hopu no ke kipi. Auwe! Kupanaha maoli! O lakou iho no keia e noke mai nei i ke nali kehahi i kekahi.
O keia paha ke ano o ke Aupuni e kue aku ana kekahi i kekahi? O ko Maui hoi, ua lawe lakou i mau rula no lakou iho, e hiki ai ke malama i ko lakou ola. Pela no hoi ko Hawaii poe. Ke hoopaa ia la ko lakou Makai Nui iluna o ka mokupuni o Mokuola.
O keia ke ano o na mana iloko o ke Aupuni e hukihuki nei iloko o keia wa o ka pilikia.
Nohea mai la keia mau hana? He like loa lakou mamua, aka, he uuku keia wahi mea o ka ulu ana ae nei o keia ma'i, ua lilo nae ia, i mea e hehiia ai kekahi mana e kekahi mana. A au oi aku na mea i hanaia mamua o ka mana i kukuluia ai e lakou.
Ke Hoole la ko Amerika.
Ma ke ku ana mai o ka mokuahi Coptic i ke ahiahi Poakolu nei mai Kapalakiko mai; ua loaa mai na hoike, e pili ana i na ninaninau ia ana, o ka mea pili i ka mokuahi Belgic, nana i lawe wai nei i keia mai kolera (e olelo ia nei) ma Honolulu nei.
Mamuli o na ninau ana o ke Kauka Nui Wyman o na Halemai Aumoku no na lono e pili ana i ka make ana o 3 poe pake maluna o k mokuahi Belgic, ua kauoha mai oia ma ka uwea ia Kauka Godfrey, ke kakua nana e malama ana ka Halemai Marine ma Kapalakiko, e huli pono ia na mea a pau loa e pili ana ia mea.
Ma ka huli ana, aole loa he mau olelo ike e hoike ana au make kela mau pake ekolu no ka ka mai kolera.
Nolaila, ua manaoio lakou, aole no ka mokuahi Belgic mai keia kolera e laha nei ma Honolulu nei, ina hoi he kolera keia?
Ina hoi he oiaio keia mau hoike ana ma Amerika, alaila, pehea i loaa ai ko Iwilei poe i keia mai korela? Aole hiki ke manao ia na na papai i laweia e ai ma kela paina ma Iwilei, i loaa ai ko laila poe. Ole loa iho la! Alaila, ua pololei no ka makou i olelo ai he mau manao koho wale me ka oiaio ole, e hapala ana i o a i anei, i mea e nui ai ka hoopailua ia o ka lahui Hawaii, no ka ana i na papai mai kolera.
Hoike Piha no ke Kulana o ke Ola
A hiki mai i ka hora 7 a.m. o keia la, aohe ma'i i hoea ae nei. Nolaila,o na mea mua no i maheleheleia ma na kulana like ole, oia keia malalo iho nei penei:
NA ANO LAHUI.
Na Hawaii maoli ------------75
Na Hapahaole------------------2
Na Hapa Hawaii Paele--------1
Na Amerika--------------------3
Na Pukiki----------------------2
Na Iapana----------------------1
Na Pake (Kina)----------------1
Huina ---------------85
NA POE E OLA NEI
Na poe i ola ola -------------22
Na poe ma ka halemai--------3
Huina pau loa ------25
NA MAKE
Na make mamua-------------59
Na make i ka po nei--------- 1
Huina make---------60
NA MAKE O NA LAHUI.
Na Hawaii maoli-------------55
Na Amerika--------------------3
Na Iapana-----------------------1
Na Pake-------------------------1
huina make----------60
Hoike no ke Ola Sept 20
Koena mai ka la 13 o Sept., a hiki i Sept. 20.
76. Elias Sniffin (k) he 40 mak., loaa ma ka Halemai, Sept. 13, hora 7 a.m., he lahilahi loa nae, o Howard ke Kauka.
77. John Kapololei (k) no Puuhale, loaa Sept. 13, hora 11 a.m. o Rodgers ke Kauka.
78. Amone (k) no Kalihi, laweia mai Sept. 13, hora 6 p.m.
79. George Kekaulike (k) he 44 mak. no ke kihi o Alanui Moi me Liliha o Wayson ke Kauka.
80. Mary (w) he 60 mak. no ke kihi o na Alanui Moi me Liliha, laweia mai Sept. 14 hora 12:40 p.m. a make i ka hora 8:15 p.m. o Wood ke Kauka.
81. Annie Mary Sniffin (w) he 18 makahiki no Kapalama, laweia mai i Sept. 15, hora 8 a.m. o Howard ke Kauka.
82. Mahoe (w) 80 makahiki no ka huina o Alanui Moi me Liliha, laweia mai i Sept. 5, hora 6:30 p.m. a make i ka hora 7:40 p.m. o Emesona ke
Kauka.
83. W. Kekipi (k) 34 mak. no ka huina o na Alanui Moi me Liliha, laweia mai i Sept 16 hora 7 p.m. a make Sept 17, hora 1:40 a.m. kakahiaka, o Wayson ke kauka.
84. Pakele (k) he 65 mak. no ka Halemai iho no, loaa i Sept. 17, hora 8 a.m. o Howard ke kauka.
85. Louisa Fisher (w) he 23 makahiki no Kapuukolo, loaa i Sept. 18, hora 8:05 a.m. o Smith ke kauka.
Na Aina Mamao
Ma ka mokuahi Coptic mai nei i loaa mai ai ka hoike, no na moku heihei Defender o Amerika a me Valkyrie III o Enelani.
Ka la heihei mua: Oia ka Poaono Sept. 7. Ma ia heihei ana, au lilo ke eo na ka moku Amerika, oiai he 8 minute a me 49 sekona kona mama mamua ae o kona kokoolua.
Ka la heihei elua: Oia ka Poalua mai Sept. 10. Ma ka holo ana, au lilo ka eo na ka moku Enelani, he 47 sekona kona mama imua o kano hoa heihei.
Ua hoohalahala nae o Mr. Iselina, ka ona nona ke Defender, a ua koi oia i ke Komite New York Yacht Club, e noonoo a hooholo mai no ka mea nana ke eo. Ua hooholo mai lakou na ke Defender ke eo. Nolaila, alua ana eo iloko o keia kau heihei.
Ua hoike ae o Haku Dunraven i kona manao, e pili ana no ka olelo hooholo a ke Komite, penei: E heihei ana au i ka la apopo malalo o na rula o ka poe ike maoli; no ka mea, aohe au mea e hana aku ai ma ke ano e ae. Ua manaoio au i ka hoopono o ke Komite Heihei, o ka Hui Heihei Moku o Nuioka. Aole ou manao, he mea kekahi e hoohuli ae ai i ka lakou olelo hooholo. Ua manao au he poe keonimana lakou, a he poe maa holoholo moku hoi.
Aole o'u manao e haawi aku ana o Mr. Iselina he manawa, no ka heihei ana, a mea e ae paha oia ano.
Oiai, he mea e maopopo loa ana e lilo aku ana ke kiaha Amerika, mamuli o ke ano o ka Valkyrie heihei ana, e hoike ana, aole pela e ikeia ana iloko o kekahi manawa, aole no ke kiaha e leweia ma kela aoao o ka moana Atelanika.
O ka olelo hooholo a ke Komite, aole loa ia he mea e hoopihoihoi mai ai ia'u. He manao ko'u he hana a-a ka ke Defender i hana ai ma ka Poalua aku nei. Aohe o'u manao o ka olelo hooholo a ka Hui New York, ua kukuluia oia maluna o ka lakou mau hooholo akahele ana, e like me ia i waihoia aku ai ma ko lakou lima. Aohe like o ko'u manao me ko lakou.
NUHOU KULOKO
Eia mai o Anadarea ke oili aku la ka ipo honihoni a ka huapala.
I ka hora 5 p.m. o ka Poalua nei i holo aku ai ka mokuahi Waialeale no Kauai.
Ua puiwa ae kekahi kaa lio me ka ka ohua ole o luna i keia kakahiaka ma ke Alanui Moi.
Ke ano akakuu iki mai nei ka laha nui ana o ka ma'i kolera i o kakou nei i keia mau la.
Aia ma ka pukaaniani o ka halekuai o Dilinahama ke kii o ka Hui kinipopop "Star" kahi i kao ia ai.
Eia ke noonoo ia nei, e haawiia i la hoomaemae no ka kulanakauhale hoookoa nei.
Ua lawe ia ae no ka Halewai no ka uku ole i ka auhau, he Pake me ke Kepani ma ka la inehinei.
Ma ka la inehinei i pau aku ai kekahi mau moku holo pili aina o kakou i ka holo no ko lakou mau awa maa mau.
Ua nahu ia ae ka wawae o kekahi keiki Pukiki e kekahi Ilio nui eleele ma ke Alanui Beriania ma ka la inehinei.
He eha poe Pake i paa i ka hopuia ma ka la inehinei, no ka hele ana iuka o ke awawa o Palolo me ka loaa ole o ka Palapala ae.
E haalele iho ana he heluua nui o na poe haole kamaaina o kakou nei no ka Ipuka Gula, ma ka Auseteralia o ka la 2 ae nei o Okatoba
LEAHI -- Hora 3:15 p.m. Pa kolonahe ka makani me he ip la, a ko mai la na ea huihui o ke kuahiwi a nalo aku la. He ulua nui nepunepu ia i maalo ae la a holo aku la. SURE!
Eia ke Aupuni o Beritania Nui ke hoomau nei i ka hana ana i na mokukaua hao kila paa loa nona, a ke hana pu nei hoi oia, he mau topido oi loa aku o ka maikai, a he mea no hoi e ho koia ai na olelo kaulana a ka Haku Nelesona. "Na Beritania Nui e rula na ale ahiu o ka moana"
DR. W. D. JONE.
(Kauka Keone)
HE KAUKA LAPAAU makaukau loa oia no ke hoola ana i na ano mai a pau, oia hoi ke taifoda fiva maka eha, niho hui, puu eha a me na mai o ke kino.
He oluolu ka uku ma kana lawelawe ana a he ola no ka mai ke hoolohe i na kuhikuhi ana.
Ke kono aku nei au i na poe a pau i loaa ka popilikia a ka mai, e hele mai ma ko'u Keena Oihana.
Aia ma ke Alanui Kunia, ma Honolulu, ma kekahi keena mauka iho o kela hai o Brito.
MANAWA HANA: - Hora 9 a 11 a.m. mai ka hora 1 a 4 p.m. o na la noa. La Sabati hora 0 a 1 a.m. hora 1 a 2 p.m.
my20 -- ti
PEPA HOONANI HALE
A no mai nei i hiki mai ai na Pepa Hoonani Hale ano hou loa ma ka Hale Kuai o Waila ma, ma ke kihi o na alanui Papu me Moiwahine. He oluolu loa ke kumukuai, no ka mea, he nani maoli no na Pepa o na ano waihooluu like ole.
E kipa nui ae, a e kuai makepono ia na Pepa i mea Hoonani no ko oukou mau home. WAILA MA
my 20 -- 3 ms
**************** this column does not display correctly, due to the fold of the page. The latter portion of each line is cut off. ****************
J. MAHIAI KANE
LOIO *******
He loio a he Kokua ma**********
a no Aha Hookolokolo a p************
ma ke kuka ana.
Keena Oihana: Aia ma********
haku ma ke kihi o na*******
j. L. Kaulu********
He loio a Kokua ma ke*********
na Aha Hookoloholo a **********
ma ke kuka ana.
Keena Oihana: Aia ********
Pohaku ma ke *******
Betela.
J. K Hahoo*****
Loio****
He Loio a he Kokua ma****
oluolu ka uku ma ke *****
Keena Oihana: Ma******
ENOCH JOHN****
LOIO***
He Loio a he Kokua ****
oluolu ka uku ma ke
Keena Oihana
JOSEPH M******
LOIO*******
He Loio a he kokua****
o na Aha a pau, a ua ****
palapala pili i kana ****
me na kuka ana.
He Notari hoi no***
kela APana Hookoloholo****
Keena Oihana: Aia*****
mauka iho o ka Hale ***
Honolulu.
Hora hana: Mai ka *****
JOSEPH N******
HE*****
He loio a Kokua ma ***
Aha a pua. He hiki****
na ano a pau, me ka ****
Keena Oihana: *****
0 Mr. Damon, ****
** ma Honolulu*****
hiki i ka 4 p.m. *****
S. K. KANE
LOIO*****
He loio a Kokua ma****
no Aha a pau o k****
ka uku ma ke kuka ma*****
Keena Hana: ****
ka Hale P****
me Betela.
JAS. K. K****
LOIO*****
Loio a he Kokua ma*****
na Aha a pau o ****
uku loio mamuli*****
no na kauoha pili*****
aku o Honolulu nei ****
wawe loa.
Aia kona Keena Oih****
o na Alanaui Moiwahine***
kahi keena maluna o ka ****
ma Honolulu. Na****
ka hora 9 a.m. ****
J. K NAKO****
Mea hana palapa**
ano, ohi aie, ag***
wai paa a me na ***
mai i ike. He oluolu***
Keena hana, ma ***
o ka hale aina mau****
Leta (New Modle L****
HOOLA****
AIa no he 17 Apona***
kokoke ana ***
kuai ia aku no n****
uku liilii hoi i kela a***
aka panee ole n***
aku a ke kuai an***
home e like me keia***
nawa. E hele mai ***
Aia no hoi he***
ae, Kalihi, maeka***
**he ala***
Apana Aina ***
nohi, a e uku ***
*****
ke kuai ana.****
Aia hou no ***
no ka noho ***
ko ana i ka hale****
no me ke em***
Aia no hoi ***
ka halepule o K****
**, ua hoopuni ***
loa ke kumuk***
Aia hou ***
ma Kalihi. ****
Honolulu, Augate 29*******