Ke Aloha Aina, Volume I, Number 16, 7 September 1895 — Page 7

KE ALOHA AINA

POAONO, SEPT. 7, 1895.

 

@ WHOLE FIRST COLUMN.

 

5.  Nohoanu (k) he 2 mak. no Iwilei, laweia  mai Aug 21 a make Aug 23 o Murry ke kauka.

            6.  D.K. Maalo, he 20 mak. no Alanui Moiwahine, laweia i Aug. 24 make i Aug. 25, o Wood ke kauka.

            7.  Simeona (k) he 30 mak. no Kamanuwai, laweia mai i Aug. 24, oia hookahi ke ola loa ana, o Wayson kona kauka.

            8.  W.H. Gesbul (k) he haole no ka mokukaua Benington.  Loaa ia i Aug. 30 a make no ia la.

            9.  Annie (w) he 28 mak. no Leleo, laweia mai i Aug.30, a make no ia la, o Wood kona kauka.

            10.  Kaehalii (k) he 70 mak. no ka pa ha'e o Limaikaika, laweia ia Aug. 30, a make i Aug. 31, aohe paha o na kauka.

            11.  Mary Keliiwohi (w) he 41 mak. no Kopuukolo, laweia i Aug. 30, a make i Aug. 31, o Wayson kona kauka.

            12.  Pi ipo Kakimilo (k) he 35 mak. no Peleula, laweia mai i Aug. 30, a make i Aug. 31, o Herbert kona kauka.

            13.  Paaaina (k) he 50 mak. no Alanui Papu, laweia mai i Aug. 30, a make i Aug 31, o Wood kona kauka.

            14. Emalia McKeague (w) no Alanui Papu, he 24 mak. laweia mai i Aug 30, a make i Aug. 31, o Howard ke Kauka.

            15. Mrs. Alex Smith aole i maopopo na makahiki no Kapuukolo, laweia mai i Aug. 30, make i Sept. 2, o Herbert ke kauka.

            16. Jack (k) he 50 mak. no Aala, laweia mai i Aug. 31, a make no ia la e Wayson ke kauka.

            17.  Keakelekia (w) he 13 mak. no Aala, laweia mai i Aug. 31, a make i Sept. 1, o Wayson ke Kauka.

            18.  Papu (k) he 50 mak. Alanui Kekaulike, lawe ia mai i Aug. a make no ia la, o Smith ke Kauka.

            19. Haawinaaupo (k) he 50 mak. no Kukuluaeo, laweia mai i Aug. 31, a make no ia la, o Ryder kona Kauka.

            20.  Kahana (k) he 35 mak. no Kikihale, laweia mai i Sept. 1, a make no ia la, o Wayson ke Kauka.

            21 Kainoa (k) he 45 mak. no Alanui Kekaulike, laweia mai i Sept. 1, a make i Sept. 2, o Smith ke Kauka.

            22. Waianuhea (k) he 60 mak. no Kakaako, laweia mai Sept. 2, a make no ia la, o Wayson ke Kauko.

            23.  Napoleona Kalilikane (k) he 60 mak. no Kapuukolo, aweia i Sept. 2, a make no ia la@

            24.  @ he 70 mak. no @ Sept. 2, a make Sept @ .

            25.  Kahakauila (k) he 17 mak. no Kawa, loaa i Sept. 2, a make i Sept. 3, o Wayson ke Kauka.

            26. Lono (2) (k) he 30 mak. Alanui Puowaina, laweia mai i Sept. -a make i Sept. -o Smith ke Kauka.

            27.  David Pau (k) he 35 mak. no Kalihi, laweia mai Sept. 3, ua make no, o Wayson ke Kauka.

            28.  Keluia (w) he 33 mak. no Alanui Moi me Maunakea, loaa i Sep. 3, o Smith ke Kauka.

            29.  Kahilo (w) he 43 mak. no Kapuukolo, laweia mai i Sept. 4, a make ia la no, o Myers ke Kauka.

            30.  Kealakai (k) he 65 mak. no ka Lunalio Home, make no ia la, no Sept. 3, o Wood ke Kauka.

            31.  Paku (k) he 14 mak. no Kapuukolo, laweia mai i Sept. 3, o Myers ke Kauka.

            32.  Keawe (k) he 40 mak. no Auwaiolimu, laweia mai, ua make no i Sept. 3 o Smith ke Kauka.

            33.  Kukaulalii (k) he 63 mak. no Kapuukolo, laweia mai i Sept. 4, o Howard ke Kauka.

            34.  Kauekalo (w) he 60 mak. no Kapalama, laweia mai i Sept. 4, hora 4p.m. ua make no, o Myers ke Kauka.

            35.  Louisa Kapai (w) he 32 mak. no Kapalama, laweia mai i Sept. 5, hora 4am make i ka hora 8 am oia la no, na Kauka Howard.

            36.  Kalewa (w) he 30 mak. no Puunuik laweia i Sept. 5, hora 6:20am ua make mua no o Myers ke Kauka.

            37.  Kaluakini (w) he 40 mak. no ka Halepule Mamona ma Auwaiolimu laweia mai Sept. 5 hora 8:45am.

            38.  He kaikamahine 4 mak. no Kapuukolo, laweia mai Sept. 5, hora 8:15am na Kauka Wood.

            39.  Pono (w) 9 mak. no Kapalama, laweia mai Sept. 5, hora 8:15am na Kauka Rodgers.

            O ka huina nui a pau, he 39.  O ka poe i make  he 32; he 7 wale no koe e ola nei a hiki ka hora 12m. o keia la. He 31 poe Hawaii, a 1 Amerika i make.

_____

A Ka Lili a me ka Huahua.

 

            Akahi no a hoikeia mai ia makou, ke kumu i laweia mai ai ka noonoo ana e pili ana no ka nupepa KE ALOHA AINA, iloko o kela halawai ana a ka Papa Ola, ma ka auina la Sabati aku nei Sept. 1.

            No ka piha manaoino, a no ka lili, ua laweia aku na olelo oiaio ole i hakuepaia, i mea e hiki ai ke hopuia ka Lunahooponopono o KE ALOHA AINA a hoopaa ia hoi kana nupepa i ole e hoolahaia maloko o ka Paeaina o Hawaii nei.

            O keia mau manao ino lapu wale nae a pau loa, a me na kuka ohumu ana, e pepehi i ka mea hewa ole, ua hoohoka loa ia aku la oia, e ka oiaio a me ka hewa ole o KE ALOHA AINA, a o ka hopena, eia no makou ke ola nei, a ke hele nei, a ke au nei ma na ale hanupanupa iwaena o ka moana o na kowa o keia Paemoku.

            Na ke Akua e kokua i KE ALOHA AINA, a e hoohoka loa hoi i kona poe enemi.

_____

E Kalaia Anei na Pio Kalaiaina?

 

            Ma ka halawai ana o ka Aha Kuka ma ka auina la inehinei, (Paokolu) Sept. 3, ua manaoia e kala aku he 47 poe paahao kalaiaina, koe aku o Wilikoki, Gulick, Rickard, Walker, Seward a me Bowler.

            Aohe mea i maopopo i hoike ia ae, ina paha e hookuu, a hookuu ole ia ka Moiwahine Liliuokalani.  O keia na mea i ikeia ma ka P.C. Advertiser o keia kakahiaka.

            Ma ka nupepa Star hoi o ka la inehinei (Poakolu) Sept. 3, ua hoopukaia ae kekahi papa inoa o ka poe e hokuu ia ana, a oia iho keia:

            Carl Widemann, Joe Widdifield, Junius Kaae, Cupid Kalanianaole, Hikilea, Keki, Paulo Hokii, Kema Kekipi, Kaohi, Kekaula, Kahalewai, Kanehe, Kamela Pat. Lane, Wm. C. Lane, Jim Lane, Lot Lane, Mahoe, Kane, Kaili, Aikike, Beni, Elia, Henry Edwards, Enoka, Kiliona, Kaona, Kaloa, Kamaka, Mahuka, Makalena, Moepali, Nahinalau, Pahia, Pehu, Manuel Rosa, Kekoa, Keawe, Kamai, Kanohe, Kahoomahele, Kaauhue, Kolomoona, Keamopohaku, Koa a me Ulukou, he 46 ka nui o keia poe.

            Ina o keia ka poe e hookuu ia ana, alaila, ua koe aku keia poe nona na inoa malalo iho nei, oia keia:

            Joe Clark, John Wise, John Lilikoi, J.W. Bibikane, Palau, RW Wilikoki, Gulick, Rickard, Walker, Serward a me Bowler.

 

            O ko ke Aupuni Repubalika Hawaii kala ana iho la keia.  Ua hoopaahao ia na poe kipi e hana paahao no na mahina ehiku ae nei, alaila, ua hookuuia kekahi poe, a koe aku no kekahi poe no ka manawa mahope aku?

 

            O ka hana hoi a ka Repubalika Nui o Amerika Huipuia i ke au e noho Peresidena ana o Linekona, ua kala piha aku oia i na poe kipi a pau loa o ka aoao Hema, mai ka Peresidena Davies a na Generala, na Lunakoa, na Koa, a me na mea a pau loa i komo i kela kaua huliamahi o Amerika i ka 1861 1864.  Aole hookoe ia hookahi.

 

@ WHOLE LAST COLUMN.