Ke Aloha Aina, Volume I, Number 13, 17 August 1895 — Page 4

KE ALOHA AINA

 

4          KE ALOHA AINA, POAONA, AUG 17, 1895

 

KE - ALOHA - AINA

Hoopukaia no ka

Pomaikai o ka Lehulehu, a he Nupepa na ka Lahui Oiwi.

 

@. NAWAHI, Lunahooponopono a me Puuku.

@. L. LIKE, Hope Puuku.

 

HONOLULU, AUGATE 17, 1895

 

Mai Haalele i ke Aloha o ka Aina Hanau.

            Ua haalele kekahi poe Hawaii i ko lakou aloha i ka aina hanau, a ua ae aku e noho malalo o ka poe alunu, no ka manao ana, he mea e poino ai, a e hoopilikia ia mai ai no ka ae ole aku e hooko aku i ko lakou makemake.  Pela anei ?

            Eia no hoi kekahi poe o ka Lahui Hawaii, ke noho nei me ka hoomanawanui i na popilikia o keia noho ana; aka, aole nae lakou i poino loa, aole hoi i make maoli no ka pilikia, mamuli o ko lakou ae ole i na manao o ka poe alunu.

            He kaumaha ka manao a me na helehelena o ka poe i haalele i ke aloha o ka aina hanau, a he hauoli mau me ka ulumahiehie ka nana ana aku o na helehelena o ka poe i paa ke aloha i ka aina hanau.

            He paweo lakou la ke ike mai ia lakou nei.  He wiwo ole hoi lakou nei ke hoea aku imua o lakou lakou la, me he mau punalua la, ka poe aloha aina a me ka poe hoolilo aina, alawa mai la a hoolalau aku la, kulou iho la a kiei mai la.  Kupanaha no paha kakou !

 

E HOOMAU AKU NO.

            E like me ko kakou hooikaika ana e hoomau i ka hoomanawanui, iloko o elua makahiki a me ehiku malama e hele nei, pela e hoomau hou aku ai no ka manawa i koe mamua o ko kakou hiki ana aku i ka pahu hopu hope loa o ka ninau o Hawaii nei.

            Wahi a ke kupinai olelo a Mr. Hilborn, ua loheia na aheahe lau olelo i pae aku.

            O ka ae ole o ka hapanui o ko oukou lahui Hawaii, e hoohiki malalo o keia aupuni, oia ka mea nana i paa i ka mana lahui kiekie no ko oukou pono.  Aohe lahui ma ke ao nei i ikeia ke kupaa e like me keia !  Aole loa hookahi !  O ke aupuni o Amerika ke hoi mai e hooponopono i kana hana i kukulu ai, e like me ko oukou paulele nona e hooko ana oia.

            Nolaila, e homaopopo mai no kakou, a e nana aku i na mea e hoea mai ana ma keia mua aku, e pili ana ia Hawaii nei.  E hoolana i ko kakou mau manao, me ka ulumahiehie mau aku.

 

KA MEA HUNA POHIHIHI

 

Eia ke Hoike Pono @a Mai Nei Imua o ke Akea.

            Mamuli o na mea a makou i hoike aku ai imua o ko makou lahui ma ka olelo nane, eia ke hoea mai nei imua o kakou, ma ke ano kino maoli, e hiki ole ai i kekahi mea ke hoohewahewa iho.

            Ua hoikeia ae nei ua waihoia aku no he mau koi poho na ka poe kupa Beritania i hoopaahao ia ai, no kela kaua kuloko o Ianuari i hala aku.

            Ua hoea mai ka hopena o na mea i hanaia, a ke koi mai nei ia oukou e uku aku ma ke dala, ma na umi tausani, a me na haneri tausani !

 

            O keia ka wehewehe o kela nane a makou i hoopuka aku ai mamua aku nei, e pili ana no kela laau kupanaha loa, i kapaia ke Coptic.

            Penei ka hoomaopopo ana@  O kela puolo laau ano hou loa i hiki mai ai, oia no kela palapala koi poho a Amerika i hoouna mai nei i na luna o ke Aupuni Repubalika o Hawaii nei.  O ka laau iloko o ka wa-hi, oia no na huaolelo iloko o ka palapala koi poho.  O @a poe nana e wehe i ka puolo laau, oia no na poe Kuhina.  O na olelo kuhikuhi o ka puolo laau, oia na olelo oolea iloko o ka palapala koi poho.

            I ka wa e nana iho ai na poe Kuhina a loaa na hua $25,000.  Auwe ! loaa e ae la i ke ehu o ka laau, alaila, hoomaka ke nahu o na opu, a ono ole mai la ka ai, a hiki ole ke hiamoe o ka po.  O ka poe kiekie wale no ke loaa i keia ano mai ano e, aole no e pilikia ka poe ilihune a kulana haahaa.

            O ke kumu i kapaia ai ka inoa o keia laau hookalakupua, he Coptic, no ka mea, oia ka inoa o ka moku nana i lawe mua mai i ke koi poho a ke Aupuni o Amerika ia Hawaii nei, no ka uku aku i ka $25000.

 

            He poe kanaka akamai loa i ke kanawai keia poe nana e hookele nei i keia Aupuni Repubalika o Hawaii, aka nae, i keia la, ua haule ko lakou ike i ko ka wahine, a ua ili keia moku iluna o ke ko'a mokumoku o Heeia !  Aia ke okuu nei na Aliimoku a me na luina iluna o na waapa me ka manao e haalele i ka moku i pakele ko lakou ola.  O keia ka hopena o na mea e hiki io mai ana a ua ike no lakou ne@ ia mea.

 

Ke Kulana o ka Waihona Waiwai o ke Aupuni.

            Mamuli o ko makou hoomaopopo ana iho i na hoike huahelu a ke Kuhina Waiwai i hoolahaia ai ma ke Star o Augate 6, ua hoike mai la ia i ke kulana maikai ole o ka hookele ana o na hana pili dala.

            Ma kana mau hoike hoohalikelike no ka mahina e pau ana i Iulai 31, 1894, me ka mahina e pau ana i Iulai 31, 1895.  Ua olelo ae oia, o na dala e waiho ana ma ka waihona, ua emi iho ia a he $146,725.88 iloko o ka makahiki, a o ka haawina aie iloko o ia mahina, ua mahuahua ae ia he $37,558.71 ke hoohalikeia aku me ko Iulai o 1894.

            Aia he $42,569.64 ua malama ia malalo o ke kanawai aie dala.  Ua loaa mai he $24,600 no ke kuai ana i na bona aupuni, a ua waihoia aku la iloko o ka Banako Hale Leta.

            No na dala i unuhiia a me na nota o ka Waihona Waiwai i ukuia, a me na hoolilo malalo o ke Kanawai Aie, he $14,1@9.07 i hoolilo ia aku.  Mawaho ae o keia mau hoolilo ua ae mai ke Aupuni, ua aie oia no ka makahiki mua i hala aku 1894, no na bila i uku ole ia, he $59,588.91.  A ma ka la 31 o Iulai o keia makahiki nei no, ua ae hou mai nei ke Kuhina, he mau aie no kekahi i koe aole i ukuia, he $92,267.86.  O ka aie Lahui, ua pii hou ae ia he $200,000 iloko o hook@hi makahiki@  Mawaho ae o keia aia he mau haawina i uku ole ia

 

            Mamuli no o keia mau hoike a ke Kuhina Waiwai o ke aupuni, ua hiki ia makou ke hoike aku i ko makou manao, @a maikai ole maoli na hoolilo dala ana o ka waihona aupuni.

            Ma kahi o ka loaa mai, @a emi loa iho la@ ma kahi hoi o na hoolilo, ua pii loa aku la iluna, ma ia hana ana, ua mahuahua mau ka aie a hiki i keia la i na huahelu $3,704,349.70!

 

Ka Poe e Auhau aku ai

            Ina o ka manao o ke Aupuni ka liuliu kuai moku kaua, ka hoomoe uwea telegarapa, alaila ua ikeia no ka poe kupono loa e kau aku ai i na auhau kuikawa, i mea e loaa ai ke dala e haawi aku ai no ia mau mea.

            O na poe huli waiwai nui maloko nei o keia aupuni, oia ua poe la, a o lakou ka pono e auhau ia.  Owai la ia poe ?  Ua hoomaopopo makou ia poe, ko lakou wahi e noho malama oihana nei, ka nui o ko lakou mau kumu waiwai, a pela aku, oia keia:

1.  Ka poe Kalepa he 10 hui   $2,783,000

2.  Na hui Mahiko he 40 ka nui          28,172,000

3.  Na hui Mokuahi me Pea    1,185,000

4.  Na hui Telepona, he 6 ka nui        127,355

5.  Na hui Pa'ipalapala, 2 ka nui         50,000

6.  Na hui o na ano a pau, 24 ka nui   2,612,000

7.  Na hui Kaahi a me na hui e ae      2,000,000

                                                            __________

Huina Waiwai                                     $36,929,355

            I na i kau ia ka auhau o hookahi hapawalu keneta maluna o ke kumu waiwai o keia poe hui a pau loa, alaila, he $3,838.34 wale no dala a ke Aupuni @ h@olawa iho ai, loaa kela huina $50,000 no ka uwea telegarapa.  A ina hoi e kau ia he hookahi hapaha keneta ka auhau maluna o lakou nei, alaila, @ ke dala he ($90,000) ka@ai@ tausani no ka moku manuw@ Hawaii, a koe ih@ no he $@,323.32.

            He mea makehewa loa @ manao ana e auhau malu@ ka lahui i dala, no na mea @

nui o na pono a me na pomaikai i ka ohana hookahi, @ ka poai hookahi paha, e noho @ iloko o keia aina.

            Ina he lako ka aina, a ina @ mau hana keia i hiki ole loa @ kapae ia aku e like me ka manawa e kupono ia, alaila, @ wale no ke alanui e pono @ hoomahuahua hou aku i na @hau ana.

 

HOI HOU I KE EHU ME HE MOI LA

 

Ke Hana Hou nei no a Oi Aku

            I ka wa oiai e mau ana k@ kulana Aupuni Moi, ua hoomaopopo makou  i na mea @ nui a lakou nei@ makaw@ la loa ai, a o ua mea la a la@ nei i kue loa ai, oia no ka lakou e kii hou aku nei a ai a @ iloko o ko lakou mau opu @ ka luai ole aku.  A heaha @ mau mea?  Eia no hoi la@

1.  Aohe makemake i pua@ koa.

2.  Aohe makemake i @ manuwa.

3.  Aohe makemake e @ no@oia ka ohana @ ilikana @ oihana aupuni.

4.  Aohe makemake i l@ na ano kuapaa e hooko@ mai iloko o Hawaii nei.

5.  E malama a e hoano @ ia ka La Sabati, a pela aku.

            I keia manawa ke ikeia @ eia ua poe nei ke hana nei @ nei i na mea a lakou i @ loa ai, a i hoole ai, aole he makemake.

            E @ana i na pualikoa!  @ i kana mai ka n@i o ke dala @ kiola ia nei no ia oihana.  @ pa-ha aku ka nui i ka wa o @ Aupuni Moi.

            Iloko o ke $50,000 no @ makahiki no ka oihana k@ nonoi ia mai ai iloko o ka @ olelo, ua pii ke kai o lakou @ nui na leo i ka olelo mai he @ nui lilo!  Eia iho ka ka oi @ aku, aia a he $200,00@, aol@ e lawa ana.

            O ka moku mauna, he @ ino lapuwale loa ia ia  lakou @  Eia nae, ke olelo mai nei @ mea pono loa e loaa ona mok@ kaua no ke aupuni, i hiki e @ omalu i na poe hele mai e p@ i keia Paemoku.

            Nui ke kue o lakou nei @ ka ae ia o na poe limahana @ e hookomo mai iloko nei o ka aina, aka, pehea i keia wa ?  Oia