Ke Aloha Aina, Volume I, Number 12, 10 August 1895 — Page 5

This text was transcribed by:	Kate Motoyama
This work is dedicated to:	in honor of Emma Kalanikaumakaamano Kaleleonālani Naʻea Rooke

KE ALOHA AINA

KE ALOHA AINA, POAONO, AUG. 10, 1895 5

@ A LAKOU I MAKEMAKE AI

@mea a lakou e kaumaha loa ai.

@hoakaka nei makou i ka@ maoli, a kekahi poe @ a hoopaakiki ku-@

@ a makou e hoo-

@ mea ua ike pono ia

@ mau maka, a i lohe

@ko makou mau pe-

@he lohe olelo wale

@aii mamua aku nei,

@ku ka malama malu-

@la sabati, mamua o

@ka Huipuia a makou

@pono ai. E hoomaka oe

@ma Kapalakiko ma Ka-

@ae nei, ka mokuaina ko-

@loa o Amerika, e ike

@no oe i ka la sabati, aia

@ puhiohe he lehulehu

@ kela wahi keia wahi o

@kauhale, a maluna o

@ hoolealea ana, e hula

@ e like, a oia loa aku i

@kahi la noa.

@aa poe kinipopo e paani

@ma kekahi kahua akea, me

@tausani o na poe makaikai,

@waiwai ana kekahi poe @

@Aia na poe hana keaka

@ana imua, o na tausani

@kahi akea, a e awa ana mi-

@huro o ka piha lealea

@ole.

Oia ke ano maoli o ka @

@a kekahi poe i ilio ole

@Aole loa e hiki i kekahi

@keokeo ke hoola mai i ka

@ ka mea a KE ALOHA

@ e olelo nei.

@ mea kuhihewa loa nae

@Karistiano hookama-

@ka hoopilimeai wale aku

@a ke koiia mai e kekahi

@e hoohui aku i keia aina

@a malama la sabati, me

@i makolukolu i na

@hai maluhia, a i hoo

@hana like ana ia hana

O ka makou e olelo akea aku

@ke aeia ka hoohui aina, ua

@pololei ka olelo a keia haole

@Richards i olelo ai: "E nui aua

nei na aina aha mele lealea."

Nolaila, o ka mea a lakou i makemake nui ai (oia ka hoohui @ oia no ka mea a lakou e kaumaka loa ai, (no ka wa@ o ka maluhia o ka la sabati.

Ua Waiho aku Makou

Ua hoopau makou i ko ma @hailio ana me Samaria poha@ a; no ka mea, (1) he kuaaina kona kulana e pane nei (2) he nona oe i kou inoa o ikeia ae, (3) he mea i maa i ka hoo@ai wale. Nolaila, aole makou e hoopau manawa i ke kamailio ana me oe.

@ oe e hoea ae ma kou inoa ponoi i ikeia oia oe, alaila, ua makaumakau makou e pane aku me ka hopo ole i na wa a pau loa.

Na Manao o Kalivilana no Ha-

waii nei.

NA HOOPONOPONO PALANEHE A

ENELANI

Ke Hoi nei ke Au Iluna! Ke

Kupopopu nei na Lawaia!!

Hoomauia.

Ka Hana Hoopoeleele Nui.

Aole kumu e ae ma ko ka Peresidena waiho ana aku e koi ana e ae ia mai ka apono ia o ka uwea moana Beritania iloko o ka Ahaolelo Lahui i oi ae mamua o kekahi mea kupono ole e hoea wale mai ana. O ke noi ma ka aoao Beritania Nui, ua hanaia maluna o ke kahua kalepa. Ua noonooia e ka Peresidena, in a e hoomoeia keia uwea, alaila, ua kupono loa ia no ka hoohana ana o Amerika Huipuia ma na ano a pau loa. o keia hooholo ana ua hookahuaia no ia maluna o ka hana hoopoeleele nui o ke kulana o ka hoonohonoho ana pili palapala aina o na paemoku, a me ke kahua kalaiaupuni o Beritania Nui.

Ua waiho mai ke aupuni o Beritania i keia nonoi i mea e kaokoa loa ai ka uwea oihana koa ma ka moana Pakipika, e like me ia e ikeia nei ma ka moana Atelanika, a ma na awhi no paha a pau loa.

Ina e aeia e hoopae i keia uwea ma Hawaii nei me ka ae aku o Amerika Huipuia, e ike ia auanei, in a paha e ulu mai ana kekahi mau hana kupono e hana ia ai aole loa e hiki ia Amerika Huipuia ke hoouna aku i kekahi kauoha no ka holo ana mai o kekahi o kona mau mokukaua ma ua uwea la. Ua hooikaika nui o Beritania Nui i keia uwea i mea e hooikaika ai i kona pualikaua.

Ua kukuluia ke Alanuihao Canada Pakipika, he alanui no ka lawe oihana pualikoa. O na laina mokuahi e hui pu mai ana me keia alanuihao ma kona welelau komohana, ma ka moana Pakipika, oia kekahi mea e pakui hou mai ana i keia mana pualikaua o Beritania Nui.

O keia uwea a Beritania e hooikaika nui nei e hoomoe mai Vanekona mai, ka welau komohana loa o ke alanuihao Canada Pakipika, a i ka paemoku o Hawaii, he hoike no ia o ka han ama ke ano he agena pualikaua no ke aupuni Beritania Nui. O ke ano maoli o keia uwea, aole ia ma ke ano kalepa wale no. Ina he uwea keia no ka oihana kalepa, no keaha la i hoopae ole ia ai ma Honolulu, kahi hoi o ke kahua oihana kalepa o na mokupuni o Hawaii? Kahi kupono no hoi no ka hoopae ana me ka hoopalaimaka ole no kela kuikahi mua mawaena o Amerika Huipuia a me Hawaii nei, kahi hoi a ke Aupuni o Amerika i nonoi ole ia aku ai?

Ina he makemake ko ke Aupuni o Beritania e hoomoe i uwea pili kalepa wale no mawaena o Vanekoua a me Honolulu, aole loa he mea keakea ia mea ke hana ia. Aole loa he kanalua o ke Aupuni Repubalika o Hawaii i ka ae pono ana mai e haawi i kona apono, aole hoi he noi ana aku i na mana o waho no iwa mea.

Ke Kumu Oiaio Maoli

Aka, o ka mokupuni i koiia ai e haawi mai e like me ke noi a ke aupuni o Beritania i na mana a Amerika Huipuia e hoopae ai i keia uwea, he wahi puko'a pohaku wale no ia iloko o ka moana, nona ka loihi he hapaha mile wale no. Aole he awa kumoku malaila, a he mea kupono ole no in a no he wahi moku uuku, koe wale no iloko o ka wa pohu loa.

He ahua pohaku kiekie wale no e ku ana ma kahi kupono ole i ka oihana kalepa. Aole moku e hiki ke hookokoke aku ilaila. A he mea e hoolilo nui ai i kekahi haawina dala mahuahua, no ka hooponopono ana i awa no na moku pananaiki e komo aku ai ilaila. Oia wahi, he pali pohaku wale no (o Neka Ailana keia). Ina e hoopae ia aku ka uwea malaila, aole loa ia he mea e hooholomua ai i ka oihala kalepa o Honolulu, a i ole ia, o ko na aina e aku paha. Aole e hiki i na moku ke hoolei ukana malaila. He uwea kuikawa kai manaoia e hoomoe mailaila mai a i Honolulu nei, ma keia mua aku, i mea e hoopomaikai ai i ka uwea. Aka, in a he uwea pualikaua ia, malalo hoi o ka mana hoohana o Beritania Nui ma na ano a pau, he mea hiki loa ke hoomaopopo aku, no keaha la ke aupuni o Beritania i makemake ai i kela wahi puu pohaku oneanea neoneo a kohu ole malalo o kona hoomalu ana? O ke kumu io maoli, he mea i noonooia, he uwea hoohana pualikaua e pili ana no ka pono o Beritania Nui, a pela e hiki ai iaia ke noho mana maluna o ka moana Pakipika, a o keia no hoi, ua kokoke no oia i kahi e hemo mai ai ke alawai o Nicagua, ma ka aoao komohana nei.

Ua Makaukau au e moe Ilalo, a e

Make hoi.

O keia na olelo a Lunamakaainana Hanuna o Hana Maui mai, ma ka Poalima Augate 2, e like me ia i hoikeia ma ka nupepa Advertiser nei o Augate 3. O ka hooholo loa ana o kana kamailio imua o ka Hale a puka mai ai keia mau huaolelo, oia no keia olelo ana ae a Hanuna penei:

He elua mau mea i makemake loa ia e na puuwai he nui o na Hawaii,--o ka mua, oia ka hoohuiaina, a o kekahi, oia no ka uwea moe moana e noonoo ia nei. I ka wa o keia mau mea elua i manao nui ia ai e hooko pono ia, alaila, ua makaukau au e moe ilalo a e make hoi.

Eia hoi keia, i ka wa e noonoo ia ana ka olelo hooholo a Rycroft, a piii ana no ka ae ia o ka Bana Aupuni, e puhi akea ma na la Sabati, no ka pono o ka lehulehu; ua hoole aku o Hanuna ia olelo hooholo, a ua hoopanee loa ia ua olelo hooholo la.

Eia hou no hoi keia, ia wa no e hoopaapaa ia ana ua olelo hooholo la sabati la iloko o ka Hale ma ka hora 1:30 p. m., ua hoopuka ae o Lunamakaainana Richards o Hilo penei:

Eia au ma ke kokua i ka hoike a ka hapa uuku o ke Komite, e like me ka hapa uuku (o ka lahui) e kokua ana i ka hoohui aina. Eia ka Aupuni a me kanaka ke koi nei i ka hoohui aina, a in a e hooholoia ka hoohui aina, alaila, e lehulehu auanei na aha mele hoolealea e weheia ana

I ko makou hoiliili ana ae i na manao keia mau Lunamakaainana, ua maopopo loa, o ka hoohuiaina a Hanuna i makemake ai, oia ka mea nana e wehe aku i na aha mele hoolealea ma Hawaii nei i na la sabati e like me ka olelo a Richards.

Nolaila, ua makaukau mua no o Hanuna e moe ilalo, a e make (kanu) hoi, e like me ka mea a kona waha i olelo ai.

Ka Bana Lahui Hawaii

Aia lakou ma ke kulanakauhale o Nuioka ma Amerika Huipuia. Ma na lono i loaa mai nei, ua maikai ka lakou mau huakai e hele ala. Aia no Prof. Libornio me lakou ma ia huakai hookahi.

Ke haawi la lakou he mau anaina puhi ole ma na kulanakauhale he lehulehu i @a mai na kono ia lakou, maloko o Amerika Hikina. O kekahi mea a makou e hauoli nui ai, oia no ko lakou malama pono loa i ke kulana o ka lahui Hawaii mai na hana e hoohaahaa ia ai ko kakou inoa maikai iwaena oia lahui nui. Ua lilo keia hana a na opio Hawaii, i mea hooi loa aku i ka pono o ka lahui i olelola, a i hoolaha inoino ia ai e lakou nei, a he pelapela, a pela wale aku. O ka hana ka mea nana e hoike aku i ka wahahee a me ka lapuwale, o na hana a ka poe manao ino ia kakou. Aka, aia kela poe o ka hikina ke ike pono la ike ano, a me ke kulana o ke kanaka iliulaula o Hawaii nei. He oiaio ka olelo a ka Baibala; "Ua oi aku ka inoa maikai, mamua o ka mea poni maikai."

I keia mau la iho e hoomaka la ai ka hoomaemae ana i ke kahua heihei o Waianae.