Ke Aloha Aina, Volume I, Number 10, 27 July 1895 — Page 5

KE ALOHA AINA

POAONA, IULAI 27, 1895.                                5

@ mea ole ka nui o ka ke @ mau hana hoikeike ma@ kona hele mau i ka pule,  @ noho kumuao ma na @u Sabati, kona kokua ana i @a poe popilikia.  Aole nolaila ke kumu e koma ai i ke ola mau loa.  Aole loa!  O ka Karisto aloha wale mai, oia ke Kumu e ke ola , a na Kona Uhane e hoo@ha i ke kanaka i ka manaoio iho kona ola ma o Karisto.

 E ka hookmani!  Aole i haalele @ Lunahooponopono o Ke A@ Aina i ke Akua a h@a la, no ke mea, ua ike @a i ko ke Akua aloha @ii kona wa opiopio mai  @ komo a ua paa loa iloko @ ia olelo ao a kona makua (@le) i hala aku a pela pu hoi oia ke ao ana a ka makua ha@ David Bereman Lyman, a’u i @ha nui ai.  Nana i hoomo akaka nui mai ia’u no ke Akua a me ka Hoola Karisto a’u e paulele nui nei.  Ua nui ko’u mahalo ia laua, no ke ao pololei ana no ka pono, i ku like ole loa me keia poe Kahunapule hookamani e hana nei.  Ua hala aku laua i ka make a ke ola nei au me ka aie nui i ko laua hoonaauao ana mai ia’u.

  Ua hoomau aku au i ko’u alahele no ka hooikaika e loaa he oluolu iloko o’u ma na hana Karistiano ma ka home, a ma ka oia kipi, a hiki i ka la 17 o Sabati 1893, ka wa a’u i ike @ loa ai me ko’u mau maka, @ lawelawe maoli ana na Kahunapule i ka hana kipi hoo@i aupuni Moi o Hawaii! Ia ua iho la i ike ai au, ua komo ae nei ua poe, Kahunapule kokua kipi nei iloko o ka Halepule laa, a hoolilo iho la ia wahi i ana no ka poe powa!  Mai ia wa mai, ua pau ko’u  makemake e hele iloko o ka halepule i hooliloia, i wahi e aole ai no na Kahunapule hookamani me ke kipi!

  Ua olelo hoi o Karisto:  “E hiki mai auanei ka manawa a oukou e hoomana aku ai, aole ma keia mauna wale no, aole hoi ma (ka luakini) ma Ierusalema.” – “O ko oukou kino iho no, oia no ka luakini o ke Akua.

  Maanei, ua akea loa kahi e hoomana ai i ke Akua.  O ka mua, maloko o ka naau, ma kahi malu loa i ike ole ia e Samaria!  O ka hope aku, ma ke keena mehameha. O ke kolu, ma ka home me kou ohana; a o ka hope loa, ma na anaina akea iloko o na luakini, a o na @ halawai paha.

  A ma ua nohoia ka luakini o ke Akua e na poe tiga aikanaka, mai komo oe iloko o laila, e hoi oe ma kou home, a hoomanao oe i ke Akua me ka oluolu. Aia a pau na tiga i ke kipakuia a hala loa, alaila, komo oe iloko oia wahi.

 

  Hilahila makou i ko Samaria akena mai, e olelo ana me kona maka keleawe:  “Ua hoomau lakou (na kahunapule) i na hana pono, a ko ke ao nei e hoohewahewa ole ai.”

  E ka hookamani!  Ua helu anei oe i ka nui o ka poe Kahunapule o oukou i haule a nalowale loa iloko o ke kiolepo o ka hewa moekolohe?  Ehia o oukou i haalele i ka Oihana Laa, a noho pu me na wahine manuahi, a hanau na keiki kamehai?

  Ua ike makou i ka nui o ia poe i make aku, a e ola nei no hoi, ko lakou mau inoa, a me ko lakou mau ekalesia i noho hookamani ai.  O lakou anei kau e olelo nei, ua hoomau lakou i na hana pono, a ko ke ao nei e hoohewahewa ole ai?

  Aole anei ua lawe maoliia kekahi poe Kahunapule o oukou imua o na Aha Euanelio e hookolokoloia ai, a ua oki maoliia, a hoopau loa ia ko lakou noho Kapunapule ana.  No keaha ke kumu?  No ka hoomau anei i na hana pono?  Ua kiola mai la ke Akua ia lakou mai luna mai o kahi kiekie loa, a haule ilalo loa, i oi loa aku ka haahaa a me ka pelapela i ko ka poe kulana haahaa loa i hoonaauao hapa ia!  Mai kaena, aole hoi e olelo hookano ae!  Ua oi ka pono i na Kahunapule e noho ana iloko o ka haleaniani, aole e hailuku mai i na pohaku i ka poe mawaho aku.

  Ua kuhikuhi mai o Samaria, o ka Lunahooponopono o KE ALOHA AINA, kai wiliia e ka huelo o ka nahesa nui, oia ka Bila Loteri.

  O keia ka mahele mua o ka manao i hoopukaia malalo o ke poo-manao, “ Paulele Kapekepeke.”   Aka, no ko makou ike, ua komo keia kumu malalo o na hana kalai-aupuni, nolaila, ua waiho makou mahope e pane ai, i kaawale na hoakaka e pili ana ia mea.

  Heaha la ia mea he Bila Loteri?  A heaha ka Nahesa Nui?

  Ma ko Samaria manao kuaaina, eia kana unuhi ana: Bila loteri, oia no Nahesa Nui!

  Ma ka Baibala, o ka nahesa oia ka Moo-Kahiko, ka mea hoowalewale, o Satana, a o Diabolo hoi.  Aole he olelo mai o ka nahesa, oia ka Bila Loteri!  O ke ano o ka Lottery (Loteri) he mahele ana i na makana mamuli o na ulia laki.  Aia no a ulia laki, loaa ka makana, a ina no hoi e pakalaki, ua nele iho la no hoi.

  He like no a like na hiona o keia hana Loteri, me na hana heihei lio, na haua kinipopo, na lulu o ke ano Pakapio, a Chefa hoi, a pela aku.

  Pehea na laikini kuai rama?  Na laikini hookamakama?  He ino loa anei ia aole paha?

  He kumulaau nui keia, a ke aiia nei na hua awahia ma kekahi aoao a ma kekahi mau lala a ke paipai ia nei hoi na lala a me na hua ma kekahi aoao.

NA HOAKAKA ANA O KA LOTERI.

   Maluna o kela a me keia kikiki o ka Loteri, ua hoailona ia na huahelo e loaa ana, a e loaa ole ana ia mau huahelu i na makana, e like me ka hoonohonohoia ana ina laki, loaa no ka makana, ina laki ole, aole no e loaa ka makana.

KA  PAANI  KINIPOPO

  Eia ke kula o Kamehameha ma kekahi aoao, a eia hoi ke Star ma kekahi aoao.

  Pili kekahi poe me ka manao e eo ia Kamehameha, a o kekahi poe hoi, me ka manao e eo i ke Star.  I ka ulia ana o ka laki ma ka aoao o Kamehameha, alaila, na loaa ka laki i ka poe ma ka aoao i pili ia Kamehameha.  Pehea ia?  Ua ikeia kekahi poe Kahunapule e noho ana mawaena o ia anaina.  Ua wiliia anei lakou e ka huela o ka nahesa?

  O ke kahua i laweia mai ai o ke Kanawai e kukulu ai i ka oihana Loteri ma Hawaii nei, he kahua kalaiaupuni ia, aole he kahua hai euanelio.

  O ka manao o ia Kanawai, oia no kahi e hiki ai ke hoopau aku i ka Aie Lahui o ke Aupuni Hawaii, a e loaa ai ke dala e hana ai i na alanui, na uapo, na alanui kaamahu, a me na pono hoomoe uwea telegarapa ana.

  Ua hoohana ia keia ma kekahi o na  Mokuaina o Amerika Huipuia.  Mamuli o keia hana lulu Loteri i kukuluia ai kekahi kula ao ike maloko o ke Kulanakauhale o Bosetona ma Makekuseta, ma Amerika Huipuia.

  Mamuli o keia hana Loteri i kukuluia e  ke Aupuni ma Farani, pela i hookaa hikiwawe loa ia ai kela aie nui o Farani ia Geremania; he 1,250,000,000 hapaha Farani, oia hoi he $250,000,000!

  Ke hoomaopopo hou aku nei makou he kahua kalaiaupuni keia, i mea e hoopakele ia ai ka lahui mai na luuluu mai a ka poino, aole he kahua hai euanelio.

  E hoomanaoia, i ka wa a ke Akua i luku ai i na kulanakauhale o Sodoma a me Gomora, ua holo o Lota a me kana mau kaikamahine elua ma ka mauna a noho malaila.  Heaha ka kakou i ike ai ma ko lakou mooolelo?  Eia, ua ike na kaikamahine a Lota, aohe, kane i koe mawaho ae o ko laua makuakane ponoi, i mau kane na laua e hooulu hou ai i ka lahui kanaka.  Nolaila, ua noonoo laua i ke kahua kalaiaupuni, oia ka hooulu lahui.

  Ua kapae laua i ke kahua noho ana maemae o ko lakou ohana haipule i pili i ke Akua, alaila, hooholo laua, e hookina i ko laua makuakane a ona i ka waina a mahope komo aku laua a moe pu me ko laua makuakane ponoi, me kona ike ole ae, a hapai laua a hanau mai i na keiki elua, oia oa kupuna o Moaba a me Amona.

Ka ike nei kakou he hana hewa ka kela mau kaikamahine i hana ai, he moekolohe ma ke ano moe pio paha.  He mea i hoowahawaha loa ia e na Kahunapule o Hawaii nei.  Aka, ua lumilumi iho la kela mau kaikamahine i ka noho ohana maluhuia ana iloko o ke Ie-waina a uhai aku la iluna o ke kahua hooulu lahui, ke kahua kalaiaupuni o keia au e hele nei.  Alaila, @e hoomaopopo iho oe, mailoko mai o ka ohana o Moaba i hoea mai ai o Ruta, ke kupunawahine ponoi o Davida, a no ia lalani mai i hoea mai ai ko kakou Hoola, o Iesu Karisto i hanauia ma Betelehema.  Pehea la ia e ke kahunapule hookamani?  Aole anei, ua loaa i ka Lunahooponopono o KE ALOHA AINA he kahua moakaka onipaa, o ka hooko ana aku i kona manao kalaiaupuni no ka mea e paleia ae ai no poino o kona aina?

  Ina hoi he hana haumia loa ke kukulu ana i wahi e hoohanaia ai ka Loteri, alaila, o Amerika kai noho iloko o ka ponekoneko loa o ka haumia, no ka mea, iloko o kekahi mokuaina ona poino i kukuluia ai ka Loteri kaulana loa o ke ao nei  Ka Loteri Lusiana.  A ina hoi ua haumia loa ia o Amerika, alaila, no keaha oukou e koi hoomano nei e hoohui ia Hawaii maemae, me kela aupuni haumia i ka Loteri?  He oi ka hookamani!

  E nana mai hoi oe e ke kahunapule!  Heaha ka oi loa aku o ke ino a me ka haumia o ka laikini kuai rama paha, a o ka laikini no ka Loteri paha?  Eia ka rama ke kuaiia nei, a ke inu ia nei, ke pepehia nei kekahi poe, a ua make maoli aku kekahi poe no ia mea he rama.  O na dala he nui loa i loaa mai no na laikini rama, ua hooliloia no na alanui, a no na uapo kekahi.  Pehea oe e ke Kahunapule aole paha oe e hiki ana ke hele maluna o ke alanui a me ka uwapo i hana ia me ke dala i loaa mai no ka rama?

  Auwe! E au ana paha oe iloko o ka muliwai a pae ma kela aoao, e ike i ko kumuao Kahunapule!  Nui kou hookamani!