Ke Aloha Aina, Volume I, Number 10, 27 July 1895 — Page 1

KE ALOHA AINA

UA MAU KE EA O KA AINA I KA PONO.

BUKE @        HONOLULU, POAONO IULAI 27, 1895  HELU 10

 

Ka Maki Kiu

O KE

Keena Waihona Buke o

Nu Yoka.

--

SALIUKA OPIO,

AO

KE KAPENA MAKAI HAWADA.

--

KE PIHI I NA HA HA.

--

MOKUNA II.

NA NANA WELIWELI.

 

            @ e hiki ia'u ke olelo aku @au, wahi a Saliuka me @au ana aku:

@manawa hea la oe e hiki @?

@amua o ka wehe ana mai o @aula.

            Moho malie iho ia lakou a mahope, ninau mai la o Beami@ iaia:

O wai kou inoa?

O Saliuka opio.

@ oe!

Alaila, he makaikiu oe@

O ka'u oihana ia.

Hopu mai la ke pailaka i kona mau lima a lulu iho la me ka holo ana mai.

Ua lohe au nou a me kou makuakane.

@u aku la ka opio i kona mau lima a lulu po iho la.

Ka manzo nei au i na powa na @a o kahi moku kiakahi na @ oe i kiola mai nei iloko o @?

No keahaa la i alualu ai oe ia lakou?

            He pepehikanaka a me ka hoomahuka kaikamahine.

            Ua maopopo anei ia oe ko @akou alahele?

            Aole.  Koe wale iho no ma kekahi wahi kuaaina o Jersy @.

            Heaha iho la kau mea e ha@ ai?  E makemake ana anei @ a hoolele makou ia oe i uka o ka aina?

            Ina oe e olelo mai ana pela, @, ua mukaukau au e hooko @?

            No kekahi mau sekona mahope iho, ua haawi aku la ka makaikiu i kona mau hoomaikai palena ole no na hawina ko kua i haawi ia mai iaia.

            Ua hoopuka aku la ua opio la i keia mau huaolelo o ka mahalo:

            Me oukou ka'u hoomaikai i na mana lani, aka, aohe a'u ma kana e ae no ko oukou hoopakele ana ia'u.

            Aole e kuu keiki--aole no na mahaloia ko'u hookau au, ia oe iluna o ka waapa.

            Aka no ke aloha me ka lokomaikai mai o ke Makua Lani.

            Ua maopopo aku la ia'u ia mea, a e ae mai oe e hoakaka au ia oe.

            O ka'u wale no ake nei, o kou hoole a ae mai e hoolele i uka o ka aina?

            Aole, ke manao nei au, ke kue ole mai oe, e hele pu aku no au me oe.

            Ae, in a pela, ua pono.

            E hiki hou ana no anei ia oe ke ike a hoomaopopo i kela moku kiakahi?

            Ae.

            Alaila, oia ka mea pono au e hana ai.

            Ina oe e ike ana i ua moku la, alaila, aia he elua wale no mile ka mamao o kahi hoolulu o ke kaaahi mai kou hale aku e noho nei.

            Hoomau aku ia no ka holo ana o ka waapa ma ka ihu mua no, a pa ana hoi ka makani ma ka aoao.

            I ka malamalama loa ana ae, oia no ka wa a Saliuka opio i ike aku ai i kahi moku, kiakahi e ku ana ma kahi moku kiakahi e ku ana ma kahi mamao loa mai ka aina mai.

            I ko lakou kokoke loa ana aku, ike pono loa aku la oia i ua wahi moku nei, a oia kana i hooiaio aku ai imua o kona mau hoa.

            A ire pu aku la no hoi oia ia wa i kekahi waapa mai uka mai o ka aina me na kanaka elua.

            I kela manawa, ninau mai la o Beamisa i ka opio me ka leo malie.

            Heaha kau mea i makemake ai e hana?

            Ke nonoi aku nei au ia oe, e hoolele ae oe ia'u i uka.

            Aole anei oe i hoomaopopo, aia ka moku kiakahi ke liuliu mai la no ka huli hoi hou aku i Nu Ioka?

            Ae, ke ike nei au pela.

            Aka nae, o ka poe kolohe na lakou i hoomahuka i ke kaikamahine a'u i alualu ai, ke kanaloa ole nei au, ua pau loa lakou i ka lele i uka.

            A o ka'u hana nui wale no, o ka honi aku i ko lakou meheu no kahi a lakou i huna ai i kela kaikamahine.

            Alaila, ke makemake io nei oe e hoolele aku au ia oe i uka o ka aina?

            Ae.

            Ina pela, ua pono!

            I kela manawa, hoohuli ae la ke pailaka i ka ihu o ka waapa i ka aina, a ninau mai la oia i ka opio.

            He mau mea make no anei kekahi au?

            Aole.

            E poino ana oe ia lakou.

            Pela no, aka, ke manao nei au, ua hiki no ia'u ke hana ma kekahi ala okoa.

            Nanao iho la ke pailaka iloko o kona pakeke, a hu'e ae la i kekahi mau mea ai, a haawi aku la i ka makaikiu.

            Haawi pu aku la no hoi oia he pahi me kekahi pu panapana Ilio Belekane ka mea a Saliuka opio i hauoli loa ai.

            Mamua ae o ka pili ana aku o ka waapa i ka aina, lalau aku la ka opio ka puolo kapolena a uhi iho la iaia a paa loa.

            I ka pae ana aku waapa iuka o ka aina, wehe ae la ka makaikiu i ke kapolena e uhi ana, a ku ae la iluna.

            Ua kahaka loa ke pailaka me ka piha pahaohao, i kona ike ana mai i ka makaikiu ua loli ano e kona mau nanaina.

            He kanaka okoa keia e ku aku nei imua on a me ka lauoho loloa, a he umiumi hina loihi a hiki i ka opu.

            Ua mimino kona mau papalina, a e uhi ana ka alu i na maka, a he kulana kona o ke kanaka hanai holohoiona.

            Lele aku la oia i kahaone, a pane mai la i ke pailata:

            E hoouna leta aku ana wau nau i ko'u wa e hiki aku ai i ke kulanakauhale o Nu Ioka.

            Haawi mai la oia i kona aloha i na poe o luna o ka waapa, a i ka pau ana, huli ae la oia a naue aku la ma kona alahele.

            O kahi a ka makaikiu i hoolele ia ai, aole no ia i mamao loa mai kahi aku a Mado ma i lele ai.

            I ka waapa e huli hoi ana, ua pane aku la ke pailata i kona mau hoa:

            Ma ko'u hanau ia ana a hiki i keia la, akahi no au a ike i ke kupanaha i lohe wale ia no na makaikiu.

            Ua hiki loa i ka makaikiu ke hoololi i ka helehelena a lilo i kanaka elemakule a me ka luahine.

            He kohu akua ka opio, wahi a kekahi.

            Aole oia wale, i olelo aku ai ke pailata.  He keu no a ke koa ma kona kulana ke nana aku.

            Me keia mau olelo, niau loa aku la ka waapa me ka palanahe, a pau aku la ka lohe ia ana o ko lakou mau leo.

            I ka makaikia hoi e kuoe nei ma na pali nihinihi kahakai, lohe aku la oia i ke pahupahu o na kapuai o kekahi mea, a aole i liuliu iho, ike pono aku la oia i kekahi nika nui iluna o ka pali.

            He nika nui key, ua like kona mau nanaina me ko kekahi moo kahiko.

            Huli mai la oia a nana mai i ka makaikiu me ka piena nui, alaila, auau aku la oia maluna o na kiokio pohaku me ka mama nui.

            Unuhi ae la ka makaikiu i kana po panapana a paa ae la ma kona lima.

            Manao iho la oia e kahea aku i ua nika la, aka, noonoo hou iho la oia, malia paha he hoa hui oia no Mado, a mai laila mai oia.

            Ua oia aku keia mau manao on a mamaa o ka mea hiki ke hooia ia.

            Kakali malie iho la oia a hiki i ka wa i nalo aku ai ua nika la a pau aku la kona ike ana iaia koe wale no ka hoomaopopo aku.

            Me ka eleu nui, pii aku la oia iluna o ka pali pohaku, no ka nana ana i kahi a ua kupueu la e noho ai.

            Hele aku la oia a ma kekahi olaelae kahakai a noho iho la ilalo me ka hooinakaukau ana iaia iho.

            O keia kahi kupono nona e kiai ai i kona enemi, in a oia e hoi hou mai ana i hope.

            Aole loa e hiki i kekahi mea ke hele ma keia wahi, oiai he laumania ka pali.

            A o keia no hoi ke ala e hiki aku ai no ke ana, kahi hoi e kanalua ole ia ai, aia iluko olaila i hoopaa ia ai o Maud me ka poe powa.