Ke Aloha Aina, Volume I, Number 7, 6 July 1895 — Page 5

KE ALOHA AINA, POAONO, IULAI 6, 1895

 

 

??, a he 208 wale no ma- ??? a malalo loa ma ke kila, ??? 185 kapuai wale no. O ??? laula, he 32 kapuai, o ?? a hohonu he 17 kapuai me 5 ??? He kila holookoa keia ???kukuluia ai mawaho a ???

            ?? lua ole kona keena ??? a me na keena e ae, ??? lako hoonani o loko, ??? na kii pena, na keena ??? puke, na keena kakau; ??? nani, na pohaku nani, ?? e hiki ai ke hoohala ?? i na la kuloia, ma ka ?? ka moana. Ua hanaia na ??? hoonani, mai na laau ??? Mahogany mai, a me na laau ??? loa, a i uhiia me na pohaku ??? Ua hoonaniia hoi me ??? paku veleveka, na silika ??? a pela aku, aole pau ke ??? aku.

?? ka hoonohonoho ana, o ??? kanaka o keia moku. O na ??? a me na poe kolu o ??? O ke Kapena C.W. ???, 2 Aliimoku, 1 Kauka, 3 ???, 1 Kamana, 4 mau ??? o na uwaki, 4 mau ??? ao, he 15 poe sela, 4 puhi ???, 2 mea hoomaemae, 3 hamo ??? mikini, 6 kuene, ? kahi ??, 2 pake holoi lole, me ??? oneki. He 7 ona mau ??? hookahi nae lana he 28 ??? kona loihi.

 

                                                            _______________________

 

            ???UEHU MAU O SAMOA

 

            na lono i loaa mai nei ??? mokuahi Alameda mai o ??? 27 nei, ua loaa mai na ??? ano hou no Samoa a hiki ??? la 15 aku nei a i o Iune.

            ?? hoikeia mai, aia ka lehu-?? na kanaka ke liuliu la, ?? hooulu kaua ana aku me ??? mana hoomalu o keia wa. ??? ia na kulanakauhale ?? na kauhale no ka ai e ho-??? ai no ka hooulu kaua ana, ??? huli ia ma kela a me keia ??? o ka aina e loaa ai ke kalo ??? ka uhi i ai e hoolawa ai ??? na tausano o na poe liuliu ?? kaua.

            Ua akoakoa ae na kanaka ma kekahi kauhale, mai na wahi mai a pau o ka Paemoku o Samoa, no ko lakou kuka ana ina mea a lakou e hana aku ai i ka mana hoomalu. O ka ninau no ke kaua me ke Aupuni ma Malinuu, he mea akaka ole kona hopena, o na mea hiki wale no ke koho aku oia he kaua e hoea mai ana, oiai, o ka poe e ake ana e kaua, he poe makaukau a ikaika loa lakou mamua ae o ke Aupuni.

            Aohe mea e ae e kamailio ? ia ana ma Samoa, o ke kaua wale no, o ke kaua ke ao a me ka po, aole pio na kama-ilio kaua ana.

            O keia no ke ano o ke aupu-ni aole mamuli o ka makemake o ka hapanui o ka Lahui Samoa.

           

E HOOKUU AKU IAIA

 

                                                            _______________________

 

 

            Ua hoike aku makou i ko makou manao no W.R. Ka-kela, aohe o makou noonoo no kona kohoia a koho ole ia kona holo aku, a noho iho i anei; no ka mea, ua paa mua ka Kakela hana a me kona mo-olelo i ka Aha Kuhina o Ka-livilana ma Wasinetona.

            O ka hopena o kona kulana ma Wasinetona, aia wale no ka kakou e nana aku ai; ina paha he persona gratis oia, a ina pa-ha he kanaka non gratis oia.

 

                                                            _______________________

 

                                                KE AKE NUI IA AKU NEI

 

                                                            _______________________

 

            O kela hana pili i ka Papa Kahu o ke Ku;a o Kapunahou, no ka huli ana i na mea i lono lauahea ia ae mamua iho nei, no na kumu poo o ke Kula, ua ake nui ia e ikeia ka hopena e hoopau ia ai na manao hopoho-po a hilinai hou ole ia aku o ia Kula. He mea nui keia, a he mea pono hoi ma ka aoao o na makua mea keiki, ke ike pono i ke ano a me ke kulana o ke kula a kana keiki e hele ana, ke ano a me ke kulana inoa maikai o na kumuao a me ko ke kula.

            Oiai, ua nui na lono i pahola ia i o a ianei nei, no ua kula la o Kapunahou. Nolaila, he po-no e hooiaioia ka pono, a i ole, o ka hewa paha o na mea i lo-no wale ia, a e hoihoi hou mai i ka inoa hanohano o ia kula.

 

                        NA HANA KUPAIANAHA A NA MIKANELE

 

                                                            _______________________

 

            Ua lawe mai makou i keia mau hoike ana mai loko mai o na olelo a ka nupepa Indepen-dent o ka la 27 iho nei o Iune, 1895.

            Maloko o laila, ua hoikeia ko ka Papa Hawaii Misiona Aina E, hoole ana i ka lawe aku ma-luna o ka Hokuao i kekahi he-luna nui o ka baka no na mo-kupuni o ka Hema.

            O ka mea nana keia baka nau i manaoia ai e hoouna aku, oia no o J. Whitman o Kapala-kiko a maluna mai o ka moku Aloha ka laweia ana mai i Ho-nolulu nei, me ka mauao hoi, maluna aku o ka Hokuao e la-weia aku ai no na mokupuni o Maikonisia, i mea kuai, a i mea kalepa mawaena o na kanaka o ia mau paeaina.

            O ka nui o keia mau ukana, he 800 ope baka no na haleku-ai o ia mau aina. He heluna nui o ia mau ope, ua hoailona ia ma ka inoa o kekahi mea i kapaia, "Trade," i koho wale ia he mikanele no paha oia.

            O na lole, na lako pa, na pa-pale ooma, a me na lako mea kalepa e ae he nui wale, he mau waiwai ku no ia i ka hana Karistiano, Aka, o ke pahao-hao ia, aia he 25 mau puolo, iloko o laila, he 2750 paona ba-ka, a ua hoailona ia mawaho na Melander kekahi, a na Ekstrom kekahi.

            He mea pahaohaoia ka hiki i kela mau kanaka elua ke puhi no laua wale iho no i kela mau paona baka 2750.

            Ua mahalo aku makou i ka Papa Misiona no ka hoole i ka lawe ana i kela ano waiwai maluna o ka moku lawe Euane-lio Hokuao, no ka mea, mamuli olelo mau lakou, he baka Hokuao keia "The Morning Star Tobacco," a lilo ka inoa o ka halelana o ka Euanelio a ke Akua, i inoa no ka baka puhi o ka poe imi waiwai.

            Aka, ke hoomanao ia aku na hana hoouna Rama Alekohola mamua aku nei, mai ia W.W. Holo ma, ma na moku e holo ana i ka Akau, mai Honolulu aku, ua loaa mai he kumu e hoopuiwa loa ia ai keia mau hana hookomani lua ole.

            Olelo mai no lakou mikane-le, he mea ino loa ka rama, a he mea hoopoino i ka lahui, Eia nae, ia wa hookahi no, ke hoouna la no lakou nei i na pa-hu rama alekohola i na Ilikini o Alesekama, Amerika Akau.

            Pela no keia hana lawe baka. Me he mea la, ua maa paha, a ua hana mau pela, akahi no pa-ha ka puiwa ana ae, e papa i heia hoouna baka ana maluna o ka moku Hokuao, o ka Eu-anelio a Karisto.

 

                                                            _______________________

 

                        NUHOU KUWAHO

 

                                                            _______________________

 

Ko Venezuel Manao Aloha ia Gresham.

 

                                                            _______________________

 

 

Ua Hoike ae ka Repubalika o Venezul I Kona Manao Aloha no Greham ma o Kana Wahine la.

 

                                                            _______________________

 

(Mai ka Weekly "Call" mai o Iune 13.)

 

            Wasinetona, D.C., Iune 11. Ua hiki mai iloko o ke Ke-na Oihana Mokuaina o Ameri-ka Huipuia kekahi palapala ho-alohaloha hoomanao no ke Ka-kauolelo Gresham i make, mai Venezuela mai ma o Kuhina Andrade la, ma ke ano pala-pala hoike i haawiia mai iaia ma o Senor Jose Pulido la, ke Kuhina Venezuela o ko na Aina E. O ka palapala i hoo-una ia mai ai, he ano e loa i maa ole ia pela, ma ke ano o na mea i ikeia, e hoike ana, o ke Kuhina i make, he manao-lana kona e hooko i kana ku-muhana e pili ana i na hoopaa-paa palena aina ma Venezuela, a e hoike hoi i ke ohohiaia o kona Aha Kuhina. Penei ka heluhelu ana o ka palapala:

            "Aha Kuhina o ua Aina E, o Amerika Huiia, Mokuaina o Venezuela, Keena Oihana Kanawai Lahui.

            Caracas, Mei 29, 1895.

 

"E ka mea hanohano:

            Ma ka hora noenoe loa o ka la ine-hinei, ua loaa mai ia'u kau telegarama e hoike mai ana i ka make ana o ka mea kiekie Mr. Gresham. O keia po-luluhi a ka poino, ua ili mai la maluna o na poe a pau loa iloko o na makahiki elua i hala, ma na anuu o na pono pili-paa e pili ana i ke kumuhana o Ame-rika i ko na Aina E, ka mea a ke ka-naka noeau pahaohao i ake ai e hoike i kona mau manao aloha oi kelakela. Oiai o Venezuela kekahi o na aina o Amerika i hoaahuia mai me na hana kamahao o ke kulana popilikia, ka mea nae a keia kanaka hoopono, wiwo ole, i hoike mai ai i kona ike kalaiolelo, me na manao oluolu a hoaloha hoi e pili ana i kela Repubalika.

            E oluolu ia, e lawe aku i ka hoike ohohia aloha nui o ko makou lahui, i ke Keena Oihana o na Mokuaina Huiia, mamuli o ke ano, e apohia pu ia mai ai o ka mea kiekie ka Peresi-dena Kalivilana. Ano i keia la no, ua hoohapa ia ko makou hae lahui, no ekolu la e kau ai pela ma na hale au-puni a pau loa, mamuli o ke kauoha aupuni.

            O keia hoike pili aupuni ana, he ho-omanao aloha ia Mr. Gresham no kona manao paa e hooko ia ka pono a me ka pololei, a e hoopau ia hoi na hoo-paapaa mawaena o Venezuela a me Beritania."

                                                            _______________________

 

 

            O ka poe Aloha Aina o Ha-waii kekahi ma keia kulana hookahi, a ua hala aku ka lakou olelo hoalohaloha ia Mrs. Gres-ham ma ka Alameda o ka Poa-ha nei.

 

                                                            _______________________

 

            Ke hoike nei ka lahui Vene-zuel i ko lakou aloha a me ko lakou minamina nui i ke kana-ka i paa mau kona manao e ho-oko i ka pono a me ka pololei, ma ka hana o ka lehulehu i pili i kona aina ponoi iho a me ko-na lahui o na aina e mawaho aku.

            Mamuli o ia ano, ua hoopu-kaia na kauoha aupuni, e hana a e hooko aku i kekahi mea a ia lahui e hoike ai i ko lakou komo pu ana aku iloko o na kanikau ana no Gresham.

            He oiaio, ua make, a ua hala aku la o Greshama. aka, ua koe iho kana hana i manaoio ai e hana no ka lahui Venezu-ela, a oia ka ia lahui e hoike ae la i ko lakou hoomanuo aloha nona.

            Pela no hoi makou i manaoio ai, he mea pono no i keia lahui Hawaii ke haawi aku i na hoomanao walohia no Gresham, ke kanaka i hooikaika maoli no ka pono o Hawaii nei.

 

                                                            _______________________

                                                            _______________________

 

            W.C. Akana, (KALAUKI.)

 

            He Maheleolelo mawaena o ka La-hui Hawaii a me na keiki o ka Aina Pua. He makaukau no oia i ka hana ana i na palapala hoolimalima, pala-pala kuai, etc., etc. He waipahe ma na kukakuka ana.

            HORA HANA: --- Mai ka hoea 9 a.m. a 4 p.m. o na la noa a pau.

            Keena hana aia ma ke kihi o ke alanui Nuuanu a me Moiwahine, ma kekahi keena o ka halepohaku o Mr. Dimond.

 

                                                            _______________________

 

 

            SAMUEL M. KAAUKAI.

 

            LOIO ME ANA AINA !!

 

            He loio, a he Ana Aina, a he Agena Ho-oiaio Palapala no ka Apana o Kona, Mokupuni o Oahu.

            He oluolu ka uku ma ke kuka ana, a he hooko kauoha me ka eleu.

            Keena Hana. Aia ma ke Keena malama o ka Hale Pohaku ma ke kihi o na alanui Nuu-anu a me Moiwahine.

                        my29--?? dly, wkly.