Ke Aloha Aina, Volume I, Number 7, 6 July 1895 — Page 2
| This text was transcribed by: | Gloria Vlachos |
| This work is dedicated to: | Na Lei Hulu I Ka Wekiu |
KE ALOHA AINA
KE ALOHA AINA, POAONO, IULAI 6, 1895
He Moolelo
--NO--
ANADAREA,
--A ME--
TIDORA
A I OLEIA, NO
HIRALIA
KA UI NOHEA
NA IPO ELUA I KE ALOHA HOOKAHI
-----
MOKUNA II
KA MOIWAHINE
-----
I ka manawa o ua kanaka la i lalau iho ai i na iole ana, aia hoi, ua hoopuiwa ia oia i ka ike ana iho, he hookahi wale no iole i koe, a o kekahi mau iole elua e holo ana i ke alanui mai luna iho o ka hale.
Alaulu aku la oia a loaa hookahi iole, a o ka lua nalowale loa aku la.
Ua kokoke e uwe ua kanaka la no ka nalowale loa ana o kela iole ana. Aka, nakiikii iho la oia i ka huelo o kekahi iole ana me ka lopi silika, a he spana waiu bata maluna pono o ke poo, alaila, lawe aku la oia ma ka paia o ua hale kiekie la a hookuu iho la, malalo pono hoi o kahi o ka pukaaniani e hamama ana.
Honi koke ae la na pukaihu o ua iole la i ka hohono waiu bara a hoomaka aku la e pii iluna, me ka hahai ana i ua waiu bata la.
Ua hoomau aku la oia i ka pii ana me ka huki pu ana i ka lopi silika i hoopaa ia ma konahuelo, e ake ana e loaa ka apaua waiu bata la.
I ka wa a ua iole nei i hiki aku ai i ka pukaaiani, ua hopu mai la ka wahine, aka, aole nae i loaa, no ka mea, ua puiwa ua iole la i ka wa i lalau ia mai ai, a haule aku la oia i ka honua a make loa.
Uwe iho la ua kanaka la me ka ehaeha nui, me ka minamina nui hoi no kana iole i make, a ku ae la oia e hoi me ka manao e haalele iho i ua wahi la, pka, pa-e mai la ka leo o ua wahine la me ka haalulu a me ka walohia:
E aloha mai ia'u, e ke kanaka malihini, a e hoopakele ae hoi ia'u, a na'u e uku i kou mau luhi a pau. E oluolu ana anei oe e hoopakele mai ia'u?
Ia wa, ku iho la ua kanaka la me ka noonoo ana i kana mea e hana ai, a hooholo iho Ia ia e haawi hou i ke ola o kana iole i koe no ka hoopakele ana i kela lede.
Hana hou iho la oia e like me kana i hana mua ai, a pii hou aku Ia keia iole no ka lua o ka manaawa.
Ua pii aku la iole la a hiki i kona kan ana iluna o ka puka, hopu mai la ka wahine iaia a paa aku la hana iho la oia i ka lope a loaa iho la e paa ana ma ka huelo.
Ua loaa ia'u ka lope me ka iole! wahi a ua wahine la i pane mai ai.
Nakiikii iho la ke kanak ai ke kaula kuaina, a kahea aku la:
E huki aku i ka lkope silika a hiki i ka loaa ana o ke kaula kuaina, alaila, hai mai.
Huki aku la oia i ka lopi, a i ka loaa ana o ke kaula kuaina ua hai mai la oia.
Loaa i'au neia kaula hou.
Nakiikii hou iho la oia i ke kaula ana i lawe mai ai, a i ka paa ana, ua huki hou aku la ua wahine la a hiki i ka loaa ana o ke kaula, a nakii aku la a paa ma ka poheoheo puka, a iho la oia ma ua kaula la no ke alanui.
I kona hiki ana aku ilalo, ia wa, unuhi ae la oia he mau apana dala hula a haawi aku la i ua kanaka la, a o ko laua wa no ia i haalele iho ai ua wahi la me ka puahi nui, oiai ka leo hauwalaau o na koa e hookokoke loa mai ana no kahi a laua e ku nei he mau anana wale no koe.
O ka haku o keia poe koa, he kanaka elemakule ia i piha kona mau aa-koko me na hana puuwai eleele. ka pakaha a me kk hao wale.
A i ko lakou hiki ana aku i ua hale la, ua haawi hou ae la ua poe nei he mau leo huro, e hoopaiakuli ana hoi i na paia o ka lewa.
Pii aku la lakou a mawaho o ka rumi o Dora, wehe mai la kekahi koa i ka puka a ahuwale mai la na mea o loko, aia hoi. ua hala ka Puulena aia i Hilo, a o ka hoka ke ahu ana i kapakai.
Huli iho la lakou me ke kue kaa ana ia loko o ua rumi la a pau, he ole nae ka loaa, no ka mea, aia ke ahai laka pupuhi me Palalauahi, he i'a no ka naele.
Ua hoomau aku la o Dora ma i ka hoi ana ma kekahi ala okoa me ka awiwi, a i ko laua hoea ana aku mawaho o kekahi puka pa, ua komo aku la oia iloko o laila.
He pa nani keia me na pua aala like ole e popohe ana, a e ku ana hoi kekahi hale kiekie me na towela, a o ka mea nona keia hale, oia no ka Moi Kusitino a me karla aliiwahine Tidora.
Komo aku la oia iloko o kekahi rumi a noho iho la maluna o kekahi noho pulu i kinohinohi ia meke gula, a hoomaha iho la no ka mea, ua hele oia a maluhiluhi.
Lawe mai la he mau kauwa i kona mau lole aahu a hookomo iho la, a ikeia ae la, aole ia he mea okoa, aka, oia no ka Moiwahine Tidora a ka Moi Kustitina, ka mea hoi e rula ana i kona lahuikanaka iloko o ka honohano a me ka piha hookiekie.
Maanei kaua e ike ai e ka mea heluhelu i ka piha maalea o na hana a keia Moiwahine malalo o ka inoa huna, a ua lilo hoi ka pouli o ka po i mea ole iaia.
Aka, o ke kumu o kona hana ana pela, oia no kona aloha ia Anadarea, ke kanake pena kii, a o ka opio hoi nona na papalina i like me ka ula oheloheloo kekahi pua rose. Auwe ka nani e! Ka ui e! aohe on a lua!! A o ke aloha kaili pauuwai.
MOKUNA III
-----
NO HIRALIA KA UI
-----
Aole loa I loaa iki ia Anadarea he wa e hiamoe ai i kela po, a ua kohu hehena maoli oia e holo ke ana i o a ianei iloko o ka rumi, a aia hoi na kuko he heluhelu wale ke lalawe Ia i kona nui kino.
Aka, aole i liuliu iho, komo mai la kekahi aliikoa a ma ka rumi a Anadarea e noho ana, a haawi aku la i kona lima akau no ke aloha ana me Anadarea.
He mau nanaina ano e kou e kuu hoaloha e keia kakahiaka wahi a ua aliikoa la me ka noho ana iho ilalo.
Ae, he ano omaimai au i keia manawa e noho la.
Ua makaukau anei oe no ka kakou apana hana nui e lawelawe aku ai?
Ae, ua makaukau au no ka hookahuli ana i ka nohoalii o Tureke me ka'u pahikaua, wahi a Anadarea.
-----
E hoomanawanui iho kaua e ka mea heluhelu i ka alawa ana iho i na hana hooni puuwai a Anadarea ke make oia a ola hou mai i ka la hookolokolo hope loa.
(Aole i pau)
Nalowale.
-----
He WATI GULA Wahine me ke kaua me kakahi puuwai e paa pu ana, E loaa n@ he uku makana kupono ke hoihoi ae ma ke keena uihana o
327, Alanui Moi @@@@@
-----
Hoolaha Papa.
-----
$10 --- HE MAKANA --- $10
E ike auanei na kanaka a pau loa ma @@ ke papa ia aku nei na kanaka o ua ano lahui a pau, aole lakou e hele wale maluna o ka makou mau kai lawaia, oia hoi ke Kai Lawaia o HONUKU a me MOKAUEA, a me na Loko I'a Ekolu, oia o ANANOHO NUI, ANA NOHOIKI a me PAHOU-NUI, e waiho ia ma Kalihikai, mokupuni o Oahu. Ua hana loa ka hele ana, ka @@@ia ana maluna o @ mau wahi. O ka mea a mau mea e kue ana e hoike mai, a e hooiaio hoi i ka hana hewa maluna o na wahi i hoikeia, a hoahewaia h@@ imua o ka Aha Hookolokolo, e haawiia no ka uku makana he $10 nana.
UNG WO A CO.
Honolulu, Iulai 1, 1895 @@@
-----
HOOLAHA@ HOOLAHA!
Owau o ka mea nona ka inoa malalo iho nei ke hoike aku nei au i na kanaka a pau loa, ua makauku wau i na wa a pau loa, no ka hana ana i na piula a me na palpu wai a pau loa ke loaa mai na kauoha ia'u, he oluolu ka uku a he mau ka paa o ka'u mea e hana ai. E loaa no au ma Leleo kokoke i ke alanui Kaa Ahi o Dili@eha ma.
S. K. KILA
@@@@@@
$10 -- Makana!
Ua nalowale ma ka auina la o Iune 24, 1895 mai loko o ka pa mai Manoa mai, he Lio ka @@ kookoo, ka wawai keokeo hema i kuni ia me ka hal. @@@
O ka mea e loaa a@@ e hoihoi ae la See Yick Chan, ma ke kihi o Alanui Liliha e pili ana i ke Alanui Moi ma ka hale hana Poi.
SEE YICK CHAN
Honolulu, Iune 27, 1895 1@@@
-----
YAU FAT $ Co.
HE HALE HANA PALAOA HOU
Ua kukulu ae nei o YAU FAT & Co. he Hale Hana Palaoa Hou, aia ma kahi kokoke i ka Uwapo o Kmika, maka aoao mauka o ke Alanui Be@@lania, ma Honolulu nei.
He hiki hoi ke hoolako i na omoomo palaoa ono a me na berena hou loa e pahee ai ka puu @oni ai.
E hoomua ia ana na palaoa me na berena ma ka hora 4 a.m., hora 12m., a me hora 4 p.m. o na la a pau loa. O ke kuai ana he makepopo loa. Elua omoomo palaoa, he @@ kenela ia. He to papaa berena no @ keneta.
E hele nui ae e kuai i ike pono i ka ono o ka makou palaoa.
Yan Fat & Co.
jun 17 - 1 @@
-----
PEPA HOONANI HALE!!
A no mai nei i hiki mai ai na Pepa Hoonani Hale ano hou loa ma ka Hale Kuai o Waila ma, ma ke kihi o na alanui Papu me Moiwahine. He oluoluy loa ke kumukuai, no ka mea, he nani maoli no na Pepa o na anowaihooluu like ole.
E kipa nui ae, a e kuai makepono ia na Papa i mea Hoonani no ko oukou mau home. WAILA MA
mu 20 ---3 ma.
-----
Halekuai Hou!!
-----
E IKE IA KAKOU HAWAII
Eia ka Halekuai makepono a na Hawaii e kipa mai ai. Ianei e loaa ai ia oukou na lole o na waihooiuu like ole, i like ko lakou alohilohi me ko ke Kamiliona. Maanei na ano Kalakoa he nui wale, na Makalena, na Aoa Nahenahe Vitoria, na Halu'a na keokeo he nui wale aole e pau i ka helu ia.
E Nana Pono i keia Halokuai! Mahea? Auhea? Ihea e Loa @@@@
Aia mauka o ke Alanui Moi, kokoke i ke Kihi a Alanui Konia.
E ae, e hele a kipa, a e komo e wae a e kuai no oukou iho me ke dala kaike a ma ia ano he emi loa na kumukuai
M. E. SILVA
Jun 26 - 3@@ L@@ Nui