Ke Aloha Aina, Volume I, Number 5, 22 Iune 1895 — Page 8

KE ALOHA AINA, POAONO, IUNE 22, 1895.

------------

NUHOU KUWAHO

---

NA NUNE MA IAPANA.

            Mamuli o ke ku ana mai nei o ka mokuahi Coptic i ka la Sabati nei, ua loaa mai na mea ano hou no Iapana a me Kina mai penei.

            Tokio Iapana Iune 1.  O ka ulumahiehie ohohia ia o ka Aha Kuhina, ua loli ae nei ia a ua mau ka ikaika kue ma Iapana i na la a pau loa.

            Pela no hoi, aohe mau mea i ikeia ae no ko Count Ito haalele mai.  O kona ike ole ia mai iluna o ke kahua kalaiaina, he mea e hoomaopopoia ai, he kumu io, a ke nana pono aku nei na papa kalaiaina i na ninau e hoea mai ana no ka mea e pani ai i kona kulana.

            He mau hoike kai hiki mai Tioto mai o Count Yamagata ka mea e noiia aku ana e wae i Aha Kuhina hou, a o ke kulana i nohoia ai e Viscount Mutsu, e haawiia aku ana ia ia Viscount Aoki, ka Elele hou i kohoia no Geremania, a i ole ia, ia Count Okuma.

 

KA HAAWI LILO IA ANA O FORMOSA.

            Shanghai, Iune 5.  Ua hoi mai o Li King Fang i ka po nei, o ka hana hoolilo aku i ka mokupuni o Formosa mawaena o na Komisina, ua hookoia maluna o ka mokukaua Iapana.

 

COREA ME NA MANA AINA E.

            Yokoham Iune 5.—Mamua aku nei, ua waiho aku na aupuni o Rusia, Farani a me Geremania, he mau manao ano nui i ke aupuni o Iapana, e pili ana ia Corea, aka, o ka pane mai, aole loa ia i ike ia.

 

O MR. RANSOM PAHA?

            Ke koho wale ia aku nei o Mr. Ransom ana paha ke kanaka e pani ai i ko Kuhina Nui Gresham wahi, aka, aole nae i ike maopopo loa ia ia mea.

            Penei ka hoike ana a na nupepa:

            Wasinetona, D. C., Iune 3.—He manaolana ko na kanaka o Caroline Akau, e koho mai ana o Peresidena Kalivilana ia Senatoa (mua) Ransom, (oia ke Kuhina noho o Amerika ma Mekiko) i Kakauolelo no Amerika Huiia.  O ke kumu o keia hana ia ana pela, eia o Mr. Ransom ke huli hoi mai nei mai Mekiko mai.  He mau palapala kai loaa mai, mai ia Ransom mai, i kakauia mamua o ka make ana o Gresham, aole nae i hoikeia kona manao no ka hoi koke ana mai; a o ke kulana o kona ola kino ia wa, aole no ia he mea e ikeia ai kona kauoha ia ana e hoi mai, mai a i ole ao ia aku paha.

            O na hoaloha pili paa loa o Mr. Ransom ma Caroline Akau, ke manaoio la lakou, e hoopii ia ae ana oia iloko o ke kulana o ka Aha Kuhina.

 

KAUA KA REPUBALIKA ARGENTINE ME KILI.

            Wasinetona, D. C., Iune 2.—He mau hoike kai hiki mai mai ka repubalika mai o Argentine, e olelo ana, ua makaukau loa ka hoolale kaua ana aku me ka repubalika o Kili.  Ua huli hoi mai ke Komisina Palena Aina mai Kili mai, a hoike mai i ka holopono o ka hana, aka, ua hoomau no nae na nupepa i ke kamailio ana no ke kaua a penei na lono i loaa mai.

            Iloko o keia mau uluaoa o na manao a me na hana o na papapa'i o kakou, a o ko kakou poe kanaka kaulana no hoi ua hookipa mai la i na liuliu o na haunaele ma kekahi mau alanui maloko o ke taona, o na hana hoino liilii i na hae lahui a me na hana kahiko o na keneturia i hala, ke hoea mau mai nei no.

            Me he mea la, ua hooweli ia ke aupuni repubalika Argentine i na poino a ua komo pono iloko o ke kulana makaala loa.

            O ka puali kiai lahui, ua hoolakoia me na lako kaua, a ua paikauia, a ua hoounaia na alii koa i Europa e kuai mai ai i na loko kaua.  He aie dala hoi o $3,000,000 kai noonoo ia i mea e hoopau ia ai na hoolilo i manaoia.

            He hoike hoi mai rosa Nosata mai, e olelo ana, aia he ohohia kaua a hoea ae, a no ia mea, ua hoonoho paa ia ka mo nita El Plata iloko o ke awa, i makaukau mau e lele kaua aku i na wa a pau.  A ma kahi e hoea ae ai ka haunaele iloko o ke taona, ua hoonohoia aku la na pualikoa.

 

KAUA MA CUBA.

            Ki Komohana, Florida Iune 3.—He mau lono malu kai hiki mai, mai Havana Cuba mai, e hoike ana, o Guardia, ka agena civila o na makai ma Puerto Principe, ua kau aku oia maluna o kekahi waapa pailata Enelani no Liverpool.  O kekahi mau hana ana i hana aku ai i kekahi pio Maurico Monolojo i oi aku mawaho o kona mana, a i kauoha ole ia aku iaia e hana, ke kumu o kona mahuka ana.  Ua hoowahawaha o Kapena Generala de Campose i keia hana ia ana.

            Havana Cuba, Iune 2.—Ua loaa mai he olelo mai Guantanamo mai no ka hopu pio ia ana o kanahakumamaha o ka poe kipi i kau liilii, mahope iho o ke kaua ana me Jaboon i Mei 29, ka wa i haule pio ai na poe kipi malalo o Maceo a pepehiia ai ke Colonel Paniolo Bosch.  Ua haalele o Generala de Campose ia Santiago no Hawana.

------------

Na Hookaau o ka Manawa.

------------

MEI 29, 1895.

            O ka pakiko, oia ka huaolelo kiai.  O na manao o ke Aupuni a me na kanaka pakahi ua kuleana like no iloko o na ninau kalai wai wai.  O ka pepehiia ana o ka Auhau Loaa ma Amerika Huipuia, he mea hoopahaohao loa ia ia, e na kanaka he lehulehu, aka, ia wa no nae aole no ia he mea e hoopahaohao ia ai ka hapa nui.

            Ua hoohoihoi ia makou, no ka mea, o ka Aha Kuhina a Kalivitana, ua piha loa kona mau lima, a ua like loa me makou e puiwa nei no na pilikia o ka repubalika o Hawaii.  Ina ka Independent he manao, eia ke holohope nei ke aupuni i kela a me keia la.  Aohe aupuni e hiki ke hapai hana me ka poe uka auhao ole, e makaukau ana e kokua iaia, o ka eleu nae ke uhi iho i na wa a pau.

            I ka hoea ana i ka manawa, ua hiki ia makou ke hoike aku, ua loaa ia makou he "bebe" i oi kona ike ma na ano a pau i ku i kona ano.  O keia "bebe" he mekini humuhumu ia a o kona kulana ua kulike me ko ka bebe naauao ma keia ao.  Ua hiki ia oe ke humuhumu i kahi mea maluna o na e like ka maikai me ko mekini mahu hehi wawae.  O ka bebe ka mea wili ma ka lima, a nana e hoopiha i ke kikiki i na wa a pau.

            I ka wa hune nae ua hooemi iho no makou i ke kumukuai o keia mea humuhumu a ua hoolilo aku makou no ka $5.00 o ka mea hookahi.

            E hoao no makou e hoike aku na loaa ia makou kekahi Ulli, i kapaia ka Ulili Develine he ulili hoopuiwa loa.  Ua hiki kona leo ke hoopuehu liilii i na hudalamu o Kamaki Kuea, a @ ole o ka poe Makai Kaulio pu no kahi.

            O ka makou pahi oki mauu Seymour o ia ka mea makahehi loa ia e na poe ona pa hale a pau.  E hooemi loa ana makou i ka makou kumukuai ilalo, i na e pii hou ae ana ka auhau iuna.  Ano e hele mai a e wae nou iho.

 

Hawaiin`an HARDWARE Co., Ltd.

------------

KA HALE KUAI KAULANA

M G SILVA

---

            E loaa no na wehi he nui wale ma loko o keia HALE KUAI, no na kane na wahine a me na keiki.

            Maanei no na lole Kasimia eleele a bolu no hoi.  Na lole Kinamu nahe, me na Lilina Ume a me na ano silika he nui wale.

            Na lole no na keiki opio, na kane, na wahine a me na kamalii.

            He nui na kihei huluhulu no na wahine a me na papale pua no na kane.

            E kipa mua mai i keia hale mamua o nahale e ae.

my20—6ms.

------------

Henry Waterhouse

AGENA KOMISINA

WAIWAI PAA ME HOOPAAOLA.

---

NO KE KUAI AKU.

            Helu 1—Ma kaneohe, He 11 eka aina maikai, ua kanuia i na laau huaai, a me na laau hoonani, na palai, a he pa mea kanu me na pua nani e waiho nei ma ka aoao akau o ke kaikuono o Kaneohe, a he kupono hoi no ka home noho kuaaina.

            Helu 2—He Aina Mahi Laiki ma Heeia.

            Helu 3—Aina Mahi Laiki ma Kapalama.

            Helu 4—Pa-hale ma ke alanui Vineyard.

            Helu 5—Pa-hale ma Alanui Liliha.

            Helu 6—50 eka aina kupono i ke kope, e waiho la he 1 1/2 mile mai ke awa pae o Napoopoo aku, he 1200 a i ole 1300 kapuai maluna o ka ilikai.  He alanui kaa maikai ke hana ia aku ana malaila a ke awapae.

            Helu 7—Elima mau hale noho ma kela aoao mai o ka Hale Kula o ka Pakipika Akau ma alanui Puowaina.

NO KA HOOLIMALIMA.

            He mau Apana ma ka ai kai o Waikiki no ka hoolimalima loihi.

HOOLIMALIMA.

            He hale hou, he eono rumi e ku ala ma ka aoao komohana o ke alanui Kula me ke alanui Nuuanu.

HE AGENA NO KA UNION FIRE O LADANA.

            No ka makemake e maopopo pono loa, e kipa mai ma ko'u Keena Oihana, ma ke alanui Moiwahine, e pili koke la no me ko J. T. Waterhouse.                my23—1m

------------

KAUKA

Yong Kam Pang.

APANA.

Helu 306 Alanui Hotele.

---

KAUKA LOEA O KA AINA PUA.

            Ua hiki ke hoolaia kela a me keia ano ma'i, mai ko na kane, na wahine a na keiki liilii.  O na ma'i Hano, ua hiki loa ia ke hoola ia, na ma'i Akemama a me na ma'i Puuwai a me na ano ma'i a pau.  Pela hoi na ma'i lele, Kolera, Hebera, fiva Lenalena, Lepera Maialii ke oki a me ka hoola ana pau pu me na mai koko ino.  Ua hiki loa i ka'u laau ke hoohemo i ke keiki i ka wa nahunahu me ka poino ole.  He laau no ke kahi no ka hooponopono ana i ka waihona keiki, a i ka wa e inu ai i keia laau me ka malama i ka rula e loaa no he keiki i ka poe loaa ole he keiki mamua aku.

 

            E NAUE MAI I IKE MAKA.  He po maikai nui keia no na makamaka i hooneleia me keia haawina makamae.  E hauoli no au ke ike aku i na makamaka e kipa mai ana e kuka pu me a'u ma na ano a pau e pili ana i ka'u oihana.

 

            E kipa mai e ka poe i hooluuluuia me na haawina pilihua a ka ma'i a na'u oukou e hooluolu aku.

my27—1yr.

------------

Elia Kaululaau.

---

KAUKA HANA NIHO

---

            Ke hoike hou aku nei au imua o ko'u ho@ makaainana a puni ko kakou nei Paeaina eia no au ke hoomau nei ma ka'u oihana hana niho, ma ko'u Keena ma ke kihi o alanui Moi me Betela ma ake alanui Moi ka puka e komo mai ai.

            Ke kono aku nei au i ka poe a pau i loaa ko lakou mau niho i ka eha, a na'u no e hoopau aku i na haawina ehaeha iloko o ka manawa pokole loa, me ka'u mau laau i kaula@ iwaena o ka poe a pau hele i mai io'u nei.

            He wai auau no'e ka huki ana i ka niho a iloko o ka imu ana a ka maka me ka pale nehe launa ole ua hemo ia niho eha, a na hiki hoi ke hoopiha i na niho me ke Gula, Kala @ Iwi paha, me na uku haahaa a oi loa aku o @ mala@ o ka hana ia ana me ka maiau nui.

            He kipa mai e o'u mau makamaka, a e @ no au ma ko'u keena hana, me ka makaukau mau e haawi aku i na ao ana i ka mea kupono e hana ai @k@ @akou mau niho, me k@ ole aku ia oukou no iaao ana.

Elia Kaululaau,

Kauka Hana Niho

Keena Hana, kihi o Alanui Moi @ Betela.

my29—6ms.

------------

HOOLAHA!  HOOLAHA!

---

            E ike auanei na kanaka a pau, ma keia @ makaukau ka mea nona ka inoa malalo iho nei no ka huki ana i na hale, a i ole, kuai hale hoi ma ke kumukuai makepono. Lawe @ pohaku no ka hoopihamoku, a kukulu hale lawe one (eleele a keokeo) no ka halii alanui ana, kawili puna hale, lawe i na lepo kip@ mea kanu, a hoopiha aina paha.  O ke k@ kuai, he oluolu a haahaa lo@.  E loaa po ma Kapalama ao nei, a i ole, ma ko'u k@ hana ma ke alanui Pauahi, mawaena o @ alanui Kamika me Nuuanu, ma kahi keena o ka hale o C. B. Maile.  E hooko ia no @ kanoha me ka eleu.

H. K. ALAPAI

my23—3ms.

------------

HOOLAHA KUAI AINA.

---

            Ua makaukau ka mea nona ka inoa m@ iho nei e kuai aku he o mau apana aina @ pono no ka Pa-hale, ma kela wahi ko@ makai o Kaluaopalena, ma Kalihi, ma@ iho o ka @iakini e pili@ me ko Kam@ wahi.

            O ke ano o na pa, he 83 kapuai pili ma ke alanui, a he 131 kapuai ka hohouu aku @.  E ikeia ao ke kii o na aina ma ko'u ki@.  Loio ma ke kihi o na alanui Moi me Betela.

J. L. KAULUKOU.

my22—3ms.