Ke Aloha Aina, Volume I, Number 4, 15 June 1895 — Page 8 Advertisements Column 2 [ADVERTISEMENT]

KAUKA Yong Kam Pang. APANA. Helu 306 Alanui Hotele. KAUKA LOEA O KA AINA PUA Ua hiki ke hoola ia kela a me keia ano ma'i, mai ko na kane, na wahine a na keiki liilii. O na ma'i Hano, ua hiki loa ia ke hoola ia, na ma'i Akemama a me na ma'i Puuwai a me na ano ma'i a pau. Pela hoi na ma'i lele, Kolera, Hebera, fiva Lenalena, Lepera Maialii ke oki a me ka hoola ana pau pu me na mai koko ino. Ua hiki loa i ka'u laau ke hoohemo i ke keiki i ka wa nahunahu me ka poino ole. He laau no kekahi no ka hooponopono ana i ka waihona keiki, a i ka wa e inu ai i keia laau me ka malama i ka rula e loaa no he keiki i ka poe i loaa ole he keiki mamua aku. E NAUE MAI I IKE MAKA. He pomaikai nui keia no na makamaka i hoonele ia me keia haawina makamae. E hauoli no au ke ike aku i na makamaka e kipa mai ana e kuka pu me a'u ma na ano a pau e pili ana i ka'u oihana. E kipa mai e ka poe i houluuluu ia me na haawina pilihua a ka ma'i, a na'u oukou e hooluolu aku. my27—1yr. Elia Kaululaau. KAUKA HANA NIHO. Ke hoike hou aku nei au imua o ko'u hoa makaainana a puni ko kakou nei Paeaina, eia no au ke hoomau nei ma ka'u oihana hana niho, ma ko'u Keena ma ke kihi o alanui Moi me Betela, ma ke alanui Moi ka puka e komo mai ai. Ke kono aku nei au i ka poe a pau i loaa ko lakou mau niho i ka eha, a na'u no e hoopau aku i na haawina ehaeha iloko o ka manawa pokole loa, me ka'u mau laau i kaulana iwaena o ka poe a pau hele i mai io'u nei. He wai auau no'u ka huki ana i ka niho, a iloko o ka imo ana o ka maka me ka palenehe launa ole ua hemo ia niho eha, a ua hiki hoi ke hoopiha i na niho me ke Gula, Kala a Iwi paha, me na uku haahaa a oi loa aku o ka maikai o ka hana ia ana me ka maiau nui. E kipa mai e o'u mau makamaka, a e loaa no au ma ko'u keena hana, me ka makaukau mau e haawi aku i na ao ana i ka mea kupono ole aku ia oukou no ia ao ana. Elia Kaululaau, Kauka Hana Niho. Keena Hana, kihi o Alanui Moi me Betela. my29—6ms. HOOLAHA! HOOLAHA!! E ike auanei na kanaka a pau, ma keia, ua makaukau ka mea nona ka inoa malalo iho nei no ka haki ana i na hale, a i ole, kuai hale hoi ma ke kumukuai makepono. Lawe i na pohaku no ka hoopihamoku, a kukulu hale lawe one (eleele a keokeo) no ka halii alanui ana, kawili puna hale, lawe i na lepo kipulu mea kanu, a ho piha aina paha. O ke kumukuai, he oluolu a haahaa loa. E loaa no au ma Kapalama ae nei, a i ole, ma ko'u keena hana ma ke alanui Pauahi, mawaena o na alanui Kamika me Nuuanu, ma kahi keena o ka hale o C. B. Maile. E hooko ia no na kauoha me ka eleu. H. K. ALAPAI. my23—3ms. HOOLAHA KUAI AINA. Ua makaukau ka mea nona ka inoa malalo iho nei e kuai akku he 9 mau apana aina kupono no ka Pa-hale, ma kela wahi kokoke makai o Kaluaupalena, ma Kalihi, mahope iho o ka luakini e pili la me ko Kaiheoela wahi. O ke ano o na pa, he 85 kapuai pili ma ke alanui, a he 131 kapuai ka hohonu aku iloko. E ike ia no ke kii o na aina ma ko'u keena Loio ma ke kihi o na alanui Moi me Betela. J. L. KAULUKOU. my22—3ms.