Ke Aloha Aina, Volume I, Number 4, 15 Iune 1895 — He Hoalohaloha i ka Ohaua o Miss Hanaia Kanahele [ARTICLE]

He Hoalohaloha i ka Ohana o Miss Hanaia Kanahele

la Mrs. Mahole Moanauli, no ka ohana o Miss Hanaia Kanahele. Me ka walohia: O makou o na Lala o ka Hui Aloha Aina Kuwaena o na wahine o Honolulu, mokupuni Oahu; ma o ko makou mau Luna Nui la. Ano, ua ili iho maluna o makou na Lala o ka Ahahui i olelo ia ae la maluna, na haawe o ka ehaeha, a me ke kaumaha, no ko makou Hoahanau iloko o ka manao kuio, no ke aloha i ka Aina a me ka Lahui, a oiai, he mea hiki ole ke hoopoina ia kana mau hana, no kana mau hooikaika pauaho ole ana, i ka imi ana i na mea e kokua i ka poino i ili iho maluna o kekahi mahele o kona Lahui, a he Kiahoomanao hoi ia no kona inoa, nolaila; E Hooholo ia: Ke komo pu aku nei ka Hui Aloha Aina Kuwaena o na wahine ma Ho-

lulu iloko o na hoomanao ana e auamo pu ana me oukou ka ohana, ma ke kanikau ana no ko makou Hoahanau Miss Hanaia Kanahele, i hala e aku i kela aoao o keia ola ana. Hooholo hou ia: Ke nonoi nei makou i ke Akua Mana Loa, Nana, iloko o kona lokomaikai nui, e hoona mai ia oukou mai na kaia maluna o oukou a pau. O makou iho no me ka pau- [illegible]. KUAIHELANI CAMPBELL, Peresidena, KAHALEWAI CUMMINS, Hope Peresidena, JANE CLARK, Kakauolelo.

MEMORIALA NO HANAIAKAMALAMA KANAHELE. Ua hanau ia o Hanaia Kamalama Haneoo Hana-Uala-[illegible] ma Maui Hikina, i ka la 6 o Mei, A. D. 1859, a make hoi ma Kapalama Honolulu, Oahu, ma ka hora 11 a. m. [illegible] mua, ma Honokaupu ia [illegible] mahope mai, a Haliimaile; [illegible] kamaaina loa ai o Hana[illegible] kona poe makamaka a me [illegible] aloha ma Honolulu nei [illegible] makahiki loihi loa. Ma [illegible] makahiki hope iho nei o kona ola ana, ua noho pu oia me [illegible] hoaloha Mrs. Nawahi, me [illegible] o Joseph Nawahi, ma ko lakou wahi noho ma Mauna-aala, Kapalama, Honolulu, Oahu. He wahine opio o Hanaia Kanahele i hoopihaia me ka oluolu, ka heahea, ka lokomaikai a me na hookipa pumehana o ka hoaloha oiaio. He puuwai kona i hamama akea no ka hookipa ana i na makamakama, na hoaloha, a me na mea a pau loa e kipa aku ana iaia, a maluna ae o na mea a pau, he [illegible] nui oia i kona mau makua i hala aku a me ka ohana e ola nei. Mamuli o kona oluolu, ua [illegible] he mau hoaloha, a he [illegible] aikane, a he mau hale kipa o keia ola ana. Pela i lau-

loa ana i ka ehukai o Niihau, a huli hoi mai no Honolulu nei. He oia mau kona manao a me kona aloha no kona aina hanau. Oia kekahi o na hoa hooikaika kino no na hana i kukuluia e na wahine o ka Hui Aloha Aina o na Wahine, ma Honolulu nei, iloko o Maraki, A. D. 1893, ka wa e hakoko ana no ke kulana o ko kakou aina. Pela hoi i ka wa i hoala ia ae ai o ka hui kokua manawalea no na poe pio kalaiaina, ua hele kino oia e hooikaika i loaa na kokua no ko lakou mau ohana e noho nei. He mea hiki ole iaia ke noho wale, a ke nana maka wale aku i na hana ku i ke aloha no kona iahui ponoi. Ua nui na keakea ia mai a me na hana e alai mai ai i kona alahele, aka, ua pale ae oia ia mau mea, a ua moni iho i na luhi a me na inea a hooko aku la i ka hana a ke aloha no kona poe o kona lahui popilikia. Ua hala aku oia ma kela aoao o keia ola ana, aka, ke waiho nei no kana hana a me kona inoa, he kia hoomanao no na hana aloha i kona lahui Hawaii. Ua waiho iho oia he makuahine a me hookahi kaikaina opio, a me hookahi wahi kamaiki uuku loa, e o ana i ka inoa o kona makuakane Kanahele. He nui no na ohana pili ia Hanaia Kanahele, ma Maui e ola nei, a ke lohe aku, e ilihia ia ana lakou e ka ehaeha makolukolu a me ka minamina nona. Ke komo pu aku nei makou i ke kumakena me ka ohana o ko makou hoaloha i hala aku, a ke uwe pu nei hoi iloko o na kaumaha a me na luuluu no ka hoonele ia ana mai i ka makamaka a hoaloha oiaio. Me ka pule i ka Makua Lani, e hooluolu mai ia kakou iloko o keia wa popilikia e kau nei maluna o kakou.