Ke Aloha Aina, Volume I, Number 4, 15 June 1895 — Page 2

KE ALOHA AINA

 

                                                            He Moolelo --no--

                                                                        ANADAREA,

                                                                                A ME

                                                                        TIDORA,

                                                                           A I OLEIA, NO

 

                                                            HIRALIA

                                                                       

                                                                        KA UI NOHEA.

 

                                    NA IPO ELUA I KE ALO HA HOOKAHI

           

                                                                        MOKUNA I.

 

                                                KE KAMAHELE O KA PO.

 

            HE EKOLU mau keneturia a oi i hala ae nei, o na hoku a me ka mahina e hoike ana lakou i ko lakou nani piha ma na paia lani e like me keia a kakou e ike nei, aka, ia mau la e kilohi ana lakou maluna o na mea like ole he lehulehu wale.  O Konaiinopela, ke ka pitala o Tureke, oia ke kikowaena o ka naauao, ka mana, ka waiwai a me ka waihona o na hana haihai kapawai, e like me na la o ka mana o Roma e pahola ana me ka weliweli, pela na hana i hana ia maloko o keia kulanakauhale.

            O Kusitino a me Tidora kana wahine, o laua na Moi e rula ana maluna o ke aupuni o Tureke ia mau la.  me ka uhauha a me ka puni lealea, me ke ake ana e hoopoiho wale i ka waiwai o na poe ilihune.

            Iloko o ia mau la i aui aku, la, aole he mau kukui nana e hoomalamalama i na huina alanui o ke kulanakanhale o Konatinopeia i ka po, a i ahona wale no i ka malamalama uiuiki o na hoku e imoimo malie iho ana, a mai ka wahina mai hoi i kekahi manawa.  He kulanakauhale oia i piha me na poe hoohaunaele, powa, pepehikanaka a me kekahi mau hana karaima e ae he nui wale, aole e hiki i na malihini ke hele ma na alanui mahope iho o ka napoo ana o ka la, koe wale no na poe i kamaaina, no ka mea, ua piha na huina alanui i na kanaka haihai kanawai, a o ka malihini e maalo ana iloko o na hora o ka pouli aaki e hekau ana, e poino ana oia ke loaa ole he kokua ma kona aoao.   

            I ka poha ana mai o ka la i ke ka kahiaka nui, ia wa e mahalo ai a e hoomaikai aku ai na koa a me ka lahuikanaka i ko lakou Moi, aka, ma ka po iho, e ohumu ana lakou e hookahuli i ka nohoalii, a e kaili aku hoi mai ka Moi Kusitino

aku.

            I kekahi po malie, i ka wa e hookokoke ae ana ka mahina e oili ae maluna o na kuahiwi o Tureke, a o na hoku hoi, e leha pono mai ana ko lakou mau maka maluna iho o ka ilihonua, aia hoi, ua maalo ae la kekahi wahine ma na huina alanui me na kaina wawae wikiwiki, a he mau nanaina kona i hookaumaha ia no kekahi mea ana i noonoo nui ai.

            He nui no na wahine e ae e hele ana ma na lanui o ke kulankauhale  i ka po me ka lanakila, no ka mea, aole o lakou komo i na lole nani e hiaai ia mai ai e na poe haihai kanawai.

            E hele ana ua lede nei me ka noonoo ole, heaha la na ulia poino e halawai mai ana me ia mamua o kona ala hele, a o kona ini a pau, me he mea la, no ka hiki koke aku i kahi ana i makemake ai.          

            O kona helehelena, aole ia i ike ia aku, ua nalowale aku ia maloko o kekahi uhimaka bolu, a o kona mau kaina wawae he mama, e hoike mai ana hoi ia, aole oia he luahine, aka, he lede opiopio.

            No kekahi wa loihi keia hele ana o ua lede la, ua haalele iho la oia i ke alanui mua, a kamoe aku la kona he.  e ana ma na alanui mehameha kanaka ole.  Aole ona hoahele e hele pu ana, a ina no he mau hana lapuwale kekahi e hana ia maluna ona ma keia mau alanui, aole oia e pakele, a he kakaikahi loa na wahi kanaka e hele ana ma keia mau alanui, aka, aole ia he mea e hophopo ai ua lede la.

            Ua hoomau aku la oia i ka hele wikiwiki ana no kekahi mau minute, me ka nana pono ana i na hale e maalo ae

ana ma kona mau aoao, me he mea la, e nana ana oia i kekahi mau hoailona nana e alakai aku i kahi no ka hale ana e makemake nei e ike.

            Aole i liuliu, ua ku iho la ua lede nei me ka hoopuka ana ae i keia mau hua olelo. O ke kihi paha keia, ke ole nae au e kuhihewa, he ekoulu puka pa mai ke kihi hikina akau mai, alaila, hiki aku i kahi o ka hale.

             Ia wa hele aku la oia me ka helu ana i na puka pa, a i kona hiki ana aku mawaho pono o ka puka pa ekolu. ua kikeke aku la oia mawaho, aole nae he pane ia mai, nolaila, ua kikeke hou aku la oia me ka ikaika.

            Aole i liuliu, ua lohe aku la oia i ka nehe aha mai o na kapuai waewae o ke kahi mea e hele pololei mai ana no ka puka pa.  A he mau sekona mahope iho, hemo mai la ka puka pa, a oili mai la he poo ohule o kekahi kauwa elemakule, e paa ana ma kona lima akau he pahi hou puuwai, a ma kona lima hema, he ipukukui hele po.

            "Heaha kou makemake e ka malihini, o ka hiki ana mai nei i keia po? ʻ

            "Eia no anei maloko o keia pa ke kahi kanaka ma ka inoa o Anadarea?"

            "E komo mai, eia no oia maloko nei, a e hai mai oe, owai kou inoa, a heaha kou makemake iaia?"

            "E hai aku, he wahine na makema ke e ike iaia, a oia wale ae la no."

            Ua nana pono mai la ka elemakule me ka manao e ike lihi mai i kona mau. helehelena, eia nae, aohe e hiki iaia ke ike mai no ka paa i ka uhimaka.

            Ua huli ae la a he ʻ e aku la e hai i kona haku.  aia he malihini iwaho kahi i kali ai, a aole i liuliu.  ua hoea mai la ua kauwa elemakule nei a pane mai la me ka pupuahulu.

            "E hahai mai ia ʻ u."

            ʻ Oia wale no anei ko loko o ka hale e ka elemakule."  Wahi a ka lede ninau aku ai i ke kauwa.

            "Aole oia i hai mai nei ia ʻ u, he nui lakou e noho ia.  E hele no oe malailaila e nana ai nou iho," i pakike aku ai ka elemakule.**

            "Na ko haku e ao ia oe me kana uwepa no kau mau olelo hookano i pane mai nei." wahi a ka lede.

            "E kaka mai ia ʻ u e ka malihini, aole au i manao e hana inoa ia oe, aia no kuu haku ke noho la oia wale no, a e ae mai i ka ʻ u noi, mai hai i ka ʻ u mau olelo kikoola iho nei ia oe i kuu haku," wahi a ua kauwa nei me ka eo haalulu.

            Ua hoomau aku la laua i ka hele ana imua me ka papa olelo hou ole a hiki i ko laua hoea ana ma kahi a Anadarea e noho ana.

            "Eia ka malihini," wahi a ke kauwa a Anadarea."

            Ua pani ia ka puka, a oia ka wa i kulou koke iho ai ke poo o ua malihini la ilalo, me ka manao e huna i kona mau helehelena mai na maka  aku o Anadarea.

            ʻ O oe anei ka mea i huli mai nei ia ʻ u." i ninau aku ai o Anadarea, O kona leo i pane aku ai, he oluolu a he waipahe maoli, e lawe ai a liio i ka noonoo o kekahi wahine opio.

            "Ina o oe o Anadarea, ke kanaka kalaikii."  wahi a ua lede.  opio la me ka leo nahenahe malie, a he nani kaili peuwai maoli no.

                        Na ia leo i hoohuli pona mai i ke kanaka kalaikii, a haka pono mai la kona mau maka maluna o ka lede nona ka leo oluolu e ku aku nei.

            Owau no o Anadarea, ke kanaka kalaikii." wahi a ua opio la i pane mai ai.

            O oe anei ka mea i loaa ke kauoha no ka hana ana i mau kii pohaku no ka halepule Katolika?"  i ninau hou aku ai ka lede.

            "Owau no ia," wahi ana me ka minoaka ana iho.

            "Alaila, o oe ka ʻ u i huli mai nei," i pane aku ai ka lede.

            Ia wa ua wehe ae la ka lede i kona uhimaka a me kona lole helepo, a me ka hiehie nui, ua ahowale mai la na helehelna o kekahi wahine ui opio.

            He ui eia ma na ano a pau e hiki ole ai i kekahi mea ke nema ake, a o kona mau maka, e nana mai ana ia me ka oluolu, a e lohe ana hoi kona mau maawe lauoho maluna o kona mau kipoohiwi, e hupa ana hoi i ke ahuwale loa ana o kona ili aiai.  He wahine Hebera oia ma kona nanaina.

            "He aneia anei keia a ʻ u e ike nei wai ka lani mai.  a i ole, o Venusa paha ka hoku kau ahiahi, he ui oia aohe lua?"  wahi a ua opio la iaia iho.  No kekahi mau kekona kona-hamau ana, ua hoopuka mai la oia me ke ano pihoihoi.

            "E oluolu anei oe e noho iho ilalo.  a hai mai heaha kou makemake o ka hiki ana mai o keia po.

            "He hiki anei ia ʻ u ke hilinai ia oe ke hai aku au i ku ʻ u kumu i hiki mai nei?"  i ninau aku ai ka lede me ka hoomai.  kai pu ana aku ia Anadarea no ka haawi ana mai i noho nona, eia hae, aole oia i noho iho iluna o ua noho la.

            "E hoolohe no au i na mea a pau e olelo mai ai, aka nae e noi mua aku ana au i kou oluolu e noho iho iuna o keia noho."

            "Alaila, e ho ʻ olohe mua oe i ko ʻ u kumu o ka hiki ana mai, mamua o ko ʻ u noho ana ilalo."

            Ua pahola ae la ka ula ohelohelo ma kona mau papalina, a o na minoaka ana a ua lede nei.  me he la e i okoa aku ana no.  "He ikaika oe, a he palupaiu au, o ka puuwai nae ka ʻ u i makemake ai e aloha mai, no ka mea, o ko ʻ u mau manaolana a pau aia no ia mahope on."

            Aka, minoaka wale ae la no o Anadarea a pane mai la.  "E hai mai hoi ha oe ia ʻ u?"

            Ua hohola ae la ka minoaka hoomahie ma kona mau papaline, a ninau ma la:

            "O oe anei ka mea nana e hana nei ke kii o Mele, ke kii pohaku hou no ka halepule?"

            "Ae, a heaha kou mea i makemake loa ai e ninau i kela kii?" wahi a Anadarea.

            "Ua hoomaka a nei oe e hana?"

            "Aole; a heaha kou imi loa no kela kii?"  i ninau hou aku ai o Anadarea.

            "Alaila, aole oe e hana koke ana?"

            "Aole no i maopopo loa ko ʻ u manawa e hana ai, aka, makemake au e pane mai, heaha kou makemake no kela kii?"**

            Na  keia ninau i koi mai ua lede nei e pane, a oia kana i pane aku ai:  "Ua kuhihewa au, e kala mai ia ʻ u, aole au e hoouluhua hou ia oe, e hoi ana au."

            ʻ Aole pela, ua hiki mai nei oe ianei no kekahi kumu au i makemake ai na ʻ u e hooko aku, aole anei pela?"

            "Ae," i pane aku ai ka lede me ka leo malie.

            "Heaha la ke kumu o kuu koi ana e hoi, no kou manao anei he kauaka puni waiwai au, a no kou lawa ole i ke dala kou mea e huna loa nei ia u i ke kumu o kou hiki ana mai?"

            "Aole, aole pela.  Mai hoopuka huhu mai ia ʻ u, no ka mea, he wahine hawawa no au i ke kamailio ana.

            Ua pane aku ka lede me ke ano ho pohopo a me ka makau, a e haloiloi mai ana hoi kona mau waimaka wai kona papalina mai.

            Ia wa ua ku ae la o Anadarea.  iluna a he e oki ia i kahi o ka lede e ku ona, a he ʻ e aku la i kekahi o ka lede e ku ona a paa aku la i kekahi o kona mau iluna a hoomaile aku la me ka leo malie a ua ike iho la oia i ka hoolulu e ea lede nei iaia e paa ana ma kona helu lima.  Auwe no hoi--e i ka apa wale iho poho ka manaolana o ka imi ana o nei popouli.**

            " E kala mai ka lede no ka nei ko ʻ u ko, aole nae au i mahao he mea ia e hoopilikia ai ia oe.  E hai oiai, heaha la kou makemake no ka mea e pii ana i ke ku o Mele, aole anei ae e hai mai ana ia ʻ u?"

            "Pehea e hiki ai ia ʻ u?"

            Ua hoopuka ae la ua lede nei i keia mau huolelo me ka makahaalulu ana o kona mau lehlehe, a na ia mea i hoopiha aku i ke kanaka opio me na manao waiohia o ke aloha.

            Ke ike la oia i kona aloha no ka lede malihini ka oiwi nona na heehe lena nani ana e ke nei aloha anei la i ka i o poli.  Ua hoii pono ma kona aloha Anadarea me ha wai@ e hioio ana, ua aneane hiki ole ia Anadrea ke hoomanawanoi ihu no keia aloha loa i keia lede.  a ua kokoe loa oia e puliki aku ma kona mau wale a e hoopili mai ho iaia ma kona umauma.  aka, ua hilahila iho la nae oia i ka hooko ana me ke ano kakaua no luna o kekahi lede opio wale no.

            "heaha la ka ʻ u mea e hana ai?  He malihini oe ia ʻ u, a pehea la e hiki ai ia ʻ u ke kokua aku ia oe, ma oe e huna ana i kou makemake?  E oluolu oe e hai mai."

            "Au--we,"  wahi a ua lede la i pane mai ai me ke ano haalulu no.  "He oluolu maoli oe ia ʻ u."

            "Aole, aole, i ka wa hea oe e halai mai ia ʻ u?"

            "E kala mai, ua kuhihewa ia au e a hana koke ana oe i ke kii pohaku o Mele."

            "Aka, heaha?  Heaha kou makemake e ka lede maikai?" i ninau aku ai ka opio me ka leo olu waipahe.

                                                (Aole i pau.)

 

                                                            PEPA HOONANI HALE

 

            A no mai nei i hiki mai ai na Pepa Hoonani Hale ano hou loa ma ka Hale Kuai o Waila ma, ma ke kihi o na alanui Papu me Moiwahine. He oluolu loa ke kumukuai, no ka mua he nani maoli no na Pepa o na ano waihooluu like ole.

            E kipa nui ae, a e kuai makepono na Pepa i mea Hoonani no ko oukou mau home. WAILAMA.

                                                                                                                                                                                                                                                                                                                                    my20--3mb.

 

                                                Halekuai a me --Inukope.

 

            UA WEHE AE NEI AU HE HALE kuai me Inukope hou, na mauka o Kapala ma ke  Alanui Moi, kokoke no ma ko pau wahi.

            He emi ke kumukuai o ka ʻ u mau lole na lako o na ano a pau.  Maloko o kekahi @, malaila e inu ai i ka Kope ono loa mai Kona mai.  Malama no e loaa ai na Iʻo ua nioa, a he lawe wale aka no a ai iho me ka pumehana, he makepopo loa hoi.

                                                            Lum Hee.

  jun 3 1 mon.