Ke Aloha Aina, Volume I, Number 2, 1 Iune 1895 — NUHOU KUWAHO Hookuu Paha Auanei o lapana. [ARTICLE]

NUHOU KUWAHO

Hookuu Paha Auanei o lapana.

UA WAIHO AKU O FARANI HE KUE ME KE KOKUAIA E BERITANIA. Ladana, Mei 10: - He hoike kai loaa mai Shanghai mai, e olelo ana, ua waiho aku ke Aupuni o Farani he kue i ke Aupuni o Iapana no ka hoohui ana aku i ka mokupuni o Fomosa, a ua hoomaopopo pu aku hoi no kekahi mau koi mamua iho. Ua hoomaopopoia ae e kokua ikaika ana o Beritania i keia koi ana a Farani. He hoike no hoi kekahi ma ka Nupepa Standard mai Maderida mai, e olelo ana, o na mea i oleloia ma Sepania no kela kue o na mana ekolu ia Iapana, no ka hoohui ana mai i ka mahele aina o Manchuria, he ae wale ana no ia ma kekahi mau kumu e koi aku ana na mana ia Iapana e haalele ia Formosa. LOAA IA BOLIVIA HE AWA KUMOKU. Wasinetona, Mei 10: O ka hooholo ia ana o ke kuikahi mawaena o Chili a me Bolivia, ua oleloia, ua hiki aku ia ma ka hopena ano nui pomaikai no Bolivia, oiai, ua loaa hou ia Bolivia he aina pili i ke kapakai o ka Pakipika mahope iho o kona paniku ia ana iloko o ka aina, no na makahiki he umi i hala aku. Ua hoike aupuni ia ae, i ka mana wa a Chili i lanakila ai maluna o Peru a me Bolivia, ua hului paa aku oia i na kapa kahakai a pau loa o Bolivia a hookoe aku la iaia, ua panikuia iloko o ka aina, e like me Helevitia me ka loaa ole he wahi pono ma ka oihana kalepa ma ka Pakipika, a ua hiki ole ke malama aku i aumoku kaua. Ma ka 1884, he kuikahi maluhia ka hanaia mawaena o Chili a me Bolivia aka, aole nae i hoihoi hou ia na aina pili kahakai ia Bolivia. Mahope iho o keia waiho pu ana no umi mau makahiki, ua loaa hou mai ia Bolivia kona awa kumoku ma ka Pakipika a me na aina pili kahakai. O keia ka loaa hou ana iaia o kona oihana kalepa ma ka Pakipika, me ka aʻe ole aku maluna o na aina o Chili, a e hiki ai hoi ke kukulu hou i kona aumoku kaua moana. UA MALUHIA Buenos Ayres, Mei 10: - He hoike mai Valparaiso mai i keia la, e olelo ana, ua hooholo ia ke kuikahi maluhia mawaena o Chili a me Bolivia, a ua ae o Chili e hoihoi hou aku ia Bolivia i kekahi aina loihi e pili ana ma ke kahakai o ka Pakipika mawaena o Iguigue a me Pisagua. Ma keia hoihoi hou ia ana, e loaa ana he kalepa hou ana i oi aku ia Chili. HOOMAKA KE KAUA. New York, Mei 11. - He hoike kai loaa mai i ka Nupepa World ma Colon mai, e olelo ana, o ka aoao hema a pau loa o Ecuador, ua uluaoa kaua kipi ae. O na kanaka o Ora, he wahi aina e pili pu ana ma na palena o Peru, ua hoomaka ka uluaoa.