Ke Aloha Aina, Volume I, Number 2, 1 June 1895 — KA PUALI PUHIOHE LAHUI HAWAII. NOI KE OHOHIA IA A ME KONA KAULANA MA KALEPONI. [ARTICLE]

KA PUALI PUHIOHE LAHUI HAWAII.

NUI KE OHOHIA IA A ME KONA KAULANA MA KALEPONI.

(Mai ke CALL mai o Mei 17 21.) Ua hiki mai ka Bana Lahui Hawaii kaulana iloko o keia kulanakauhale nei o Kapalakiko. He kanakolu-kumamaiwa ka nui o na poe puhiohe malalo o ko lakou alakai oia o Senor J. Lihonio, he mea i noho eono makahiki he kumu puhiohe no ka Pualikoa Mahele Ehiku o Sepania ma Manila, a i keia wa hoi, he Kumu Puhiohe no ka Puali Puhiohe Lahui Hawaii no elua a oi ae nei makahiki. O R. W. Aylett ka mea nana e puhi i kte Cornet, ua haalele oia i ka puali puhiohe aupuni me kekahi heluna nui o na poe keiki pu me ia, iloko o Feberuari, 1893, a hoomaka iho la e kukulu i puali puhiohe ponoi no lakou iho. Oia a me kekahi mau poe hoa ona, he 19 ka nui o na makahiki i uoho ai iloko o ka Puali Puhiohe Aupuni Moi. O ka elua keia o ko lakou kipa ana mai ianei nei no ka hoohiwahiwa ana i ka Hui Knight Templar, iloko o kekahi mau makahiki i hala hope aku nei. Ua haawi mua ae lakou he anaina puhiohe manawalea ma ko Mr. Spreckel Home i ke ahiahi nei. O ka inoa o na lala a pau loa o keia Bana Hawaii, oia iho no keia: Porofesa J. Libonio, R W Aylett, S. Kamakia, James Brown, A K Kaiwi, Thomas Silver, J. Kanoho, P. Anakolio, Josia Kahele, H. Bern, W C Kaikana, Kaaua, J Aiu, K S Kauai, Solomon Hiram, Joseph Aea, Joseph Pawaa, O Keoki, J Ioela, Paakai, J Kuamoo, D Kau, J Inea, M A Kealakai, R Spencer, C Palikapu, Dan Kaleikoa, Z Kapule, A H Erona, J. Poohina, P Kalani, R Faustino, M Kalei, R Pedro, Sam Kaili, J Akana, D Wiliokai a me K Aylett. KE OHOHIA NUI IA O KA BANA LAHUI HAWAII. Ua hiki ke akena ia no ka holomua o na hana a ka Bana Lahui Hawaii, ma Kapalakiko. He mau mele lea loa kai ha-

awiia ae ma ka Metropolitan Tample i ka po nei, (Mei 20) he mau leo mele i lohe ole ia ma Kapalakiko. O ka hale ua piha loa, a ua hoopihaia ke anaina me ka hauoli nui ma na haawina i hanaia mai, me he mea la, ua kauia iho maluna o na akemama o ka poe makaikai aku. Hoi no nae ka ulumahiehie ia iluna o na mele Hawaii maoli. He mea hiki ke akena ae e like me ka hele ana a ka olelo, pela ke mele, ua maopopo no ka hoolohe ana aku. O ka hoomaka ana o ke imele, he leo pakahi no ia, i hui pu ia me ke kani ana o ka ohe, flute, ka picolo a me ka vaiolina, alaila, hoomaka na leo hui o ka puali holookoa, a pii ikaka ae la ke mele ana me ka maikai loa a hiki i ka pau ana. Ua makahehi nuiia kela me keia mele ana, a ua ku kela a me keia me ka makaukau maoli. O ka mahele mua o ka Papa Hana i kela po aku nei, oia ka leo Codina's March, ʻLacatecasʻ i ukaliia e kekahi mau mele i hakuia e Rossini, a me ka Bellini, "The Pirate." Na Senoa Libornie, i puhi i ka ohe Saxophone no ka leo "Liliuokalani," a no ka maikai loa o ka hookani ana, ua kahea ia elua a kolu manawa o kona ku ana. Iwaena iho o ka po, ua hoolealea hou ae o Libornio me ua ohe nei, me ka leo mele, "Keoni Ko," a nui no ka piha hauoli o ke anaina. Mawaena o na mele Hawaii ia ahiahi, o ka oi i ike ia, oia no o "Lei Lehua," (The Blossom of Hilo) ua uluahewa ke anaina, nolaila, ua paipai nuiia, a hiki i ke mele hou ia ana mai e ka Puali Mele Lahui. Ua hoopiha ka Papa Kuhikuhi me na mele puhi mawaena o laila kekahl o na leo maikai loa a Mr. Brooks i kapaia, "Boston Bake." I ko Libornio ike ana, ua ohohia ia na mele Hawaii e ke anaina, ua hooholo iho oia, e pakui hou iho i hookahi leo hou iho. Nolaila, i keia po ana, he eha mau mele pakui hou, a ina i ohohia loa ia, pakui hou iho ewalu leo mele Hawaii hou, mamua o ka hookuuia ana o ke anaina. Ua olelo ae o Porofesa Libonio penei, "He ano like no a like na mele Hawaii me na mele Paniolo, e hoomaka mai ana mai ke aheahe malie, a he mau mele kaua no hoi ka makou i ku i ka walohia a hooniua puuwai. O ka makou mau mele a pau na makou no i haku. O ke ano o na mele he mea ohohia loa ia e makou, aohe kahua a rula paa no ia mea, aka, oia iho la no ke ano o ka lahui Hawaii, he poe puni mele me ka paulehia palena ole.