Ke Aloha Aina, Volume I, Number 1, 25 May 1895 — KAUMAHA LUULUU Ua make o Mons Verleve. [ARTICLE]

KAUMAHA LUULUU

Ua make o Mons. Verleye.

Ma ka hora 10 p.m. o ka po nei, ua oluolu i ka Mea Mana Loa, ke kii ana mai a lawe aku i ke ola makamae o Heneri Leon Verleye Kuhina Komisina o ke Aupuni o Farani ma Hawaii nei. He omaimai kona ola kino iloko o keia mau la i hala ae nei, a i nehinei nae ka ikaika loa o ka mai, a pela a hala wale aku la no oia. O ke kumu ka o kona make, aia aia i ka puuwai. Ua hiki ae na Kauka Wahie a me Herbert e kokua no ka mea pilikia, aka, aole nae he mea hiki ia laua ke hana aku. Ua kipa aku ilaila na Luna Aupuni Kiekie o Potugala, Amerika, ka hope o ke Komisina i make Giffard me kekahi poe e ae he nui e kokua, a e hoonana hoi i ka wahine a ka mea i make, ke kokoolua hoi o ka au ana mai o na kai loa, a me na aina puni ole o ka honua. O keia ke Kuhina Komisina i hoouna ia mai e ke Aupuni o Farani, me kona Palapala Hookohu no ke Aupunl Moi ia Liliuokalani iloko o lanuari 1894, ua hana ke Aupuni o Farani pela, mamuli o ka hoike ia ana aku, e hoihoi ae ana ke Aupuni Amerika i ke Aupuni Moi. O keia Kuhina i make aku Ia, aia mawaena o ke 40 a 45 paha kona mau makahiki. Aole i hoike ia ma ka manawa o kona hoolewa ia aku. Me kona kokoolua ko makou a me ko ka Lahui Hawaii aloha.