Ke Aloha Aina, Volume I, Number 1, 25 Mei 1895 — E na Hoa Makaainana. [ARTICLE]

E na Hoa Makaainana.

I ko makou Lahui Oiwi Ponoi, mai Hawaii nui o Keawe a Kauai o Manokalanipo; na makamaka a me na hoaloha a pau, ALOHA OUKOU; Ua hiki mai ka manawa, a ano i keia wa, ke hapai kino ponoi nei makou i keia hana he hoolaha nupepa mawaena o ko kakou lahui ponoi, no ka hoomau ana i ka manao aloha i ko kakou aina, ko kakou lahui a me kona noho lanakila mau ana. Ua ike no makou he wa nele keia o ka aina, a ua ilihune no hoi ko kakou lahui; a ua ike no hoi, he hana nui me ka hooikaika ka makou e hapai nei, a ke hana e hookuiia mai ai e na popilikia he nui, a he hana hoi e hoino ia mai ai e ka poe i kulike ole ko lakou mau manao me ko makou; aka,

oia @ A@ ko @ ma @ ia ai na ulia poino he nui wale i ili mai maluna o ko lakou aina; nolaila, ua hooholo iho la makou o keia ka wa e hana ai, oiai e kau ana ka la iluna." E hoao ana makou ma na ano a pau, e loaa i ko makou Lahui Oiwi, a me ko makou poe heluhelu a pau, ka ike maopopo i ka oiaio o na manao alakai no ka pono o ka Lahui Hawaii. E hoopuka ana makou i na manao naauao pili i na Home Hawaii, ke kihapai mua !oa e kanu ia ai ka manao Aloha Aina iloko o ka puuwai o na mamo a me na pua o Hawaii Lahui. E hoao hoi makou e like me ka hiki, e hoike aku i ka nuhou o na aina e mai a me ko Hawaii nei, a e hooponopono hoi i na mea hemahema a oiaio ole. E hooiaha aku no makou i na manao kalai aupuni laulaha, a e hoakaka aku hoi i ko makou manao apono a apono o!e paha ia mau manao me ka hopo o!e. E hookomo no makou i na manao kalai hoomana oiaio; aka, aole !oa makou e ae e hookomo ia na manao paio hoomana iloko o ka makou nupepa, oiai, he ninau ia mawaena o ke kanaka a me ke Akua ana i hoomana ai. Oiai, ua like ole ka manao a me ka makemake o na poe lawe pepa, no na moo!eIo kaao a me na keaka hoohala manawa, nolaila, aohe o makou kuleana e pane ai no ia mau mea, aka, aia no ia maluna o ka poe nana ia mau moolelo i hookomo mai. O na manao hooonaauao i hoouna ia mai ia makou, e hookomo ia no ia ma ka nupepap KE ALOHA AINA; aka, aole e hookomoia na manao lauwili hookuanui ano waiwai ole. Me ka paulele nui o ka manao e kokua pu mai ana na hoaloha oiaio o ka Lahui Hawaii ma keia hana ku i ke aloha me ka hoonaauao pu mai ia kakou, ma na aiahele o keia mua aku e loaa ai ia Hawaii Ponoi ka malamalama alakai no kona mau pono pilikino maloko o kona Home Lahui o ka inoa maa mau i kukulu ia ai kona mau kaupoku. Me keia mau kanaenae pokole ke puana malie ae nei makou, "E Ola o Hawaii i ke Akua.*'