Ke Aloha Aina, Volume I, Number 1, 25 May 1895 — KELA HOOPII A KE KEIKI ALII. [ARTICLE]

KELA HOOPII A KE KEIKI ALII.

Ma ka la i nehinei, ua noho iho ka Aha, me elua Lunakanawai wale no, no kela hihia a ke Keiki Alii Kalanianaole, e koi ana e hoopukaia oia ma ka Palapala Kuu Kino la. Ua noho ka Aha, o Hartwela me Thurston na Kokua ma ka @ o ke Aupuni, a o Mr. Numana hoi ko ka mea hoopii. Ua hoopanee aku ia ka hoolohe ana a i ka la 31 o Mei nei. Ua noi o Mr. Numana e ae ia ke Keikialii ma ka Bela, a ua hoole ka Aha, nolaila, ua hoihoi hou ia oia ma kahi hoopaa o ke Aupuni ma Kawa. He hihia ano nui loa keia no ka mea, ina e hooho'oia ka pono no ke Keiki Alii, alaila, e Ioaa auanei, he puka e hoea pau loa mai ana i poe Aloha Aina i komo like iloko o kela kaua o lanuari 7. He mea nui hoi keia i na Aupuni o Beritania, Amerika a me Geremania, na aupuni nona kekahi poe kupa i hoopaahao ia ma kahi @ o ke aupuni, a i hookuke ia hoi kekahi poe o lakou mai anei aku. O ka mea i maopopo ia makou, he hauoli ko keia Aupuni ke ao ia ke koi a ke Keiki Alii, no ka mea, ia wa e ike ai na Aupuni owaho, ua hoopaa kumu ole ia ko lakou poe kanaka, alaila, ua maalahi loa ko lakou la alanui e koi mai ai i ko lakou poho. Eia hoi kekahi hauhili, o na poe i hoopaila iho nei, a ua hookaaia kekahi hapa o ka manawa hoopai paahao a o kekahi poe hoi ua pau ko lakou hana paahao ana, a o kekahi ua hookaaia na dala uku hoopai, a pe aku. A ina o ka ae ia keia o ka hookuu, alaila, ma ke ano hea la ke Aupuni e panai aku ai i ko na poe i hoopaahao ia mau koi poho ana? O ka ae ana o ke koi, oia no ko ke Aupuni ae ana i ke koi, he hoi ke moakaka loa ia o ko ke Aupuni Repubalika ae ana aku, ua hewa kana hana imua o ke ao holookoa. Hookahi mea moakaka o ka hopena i ka makou koho aku; a oia wale no ke alanui hookahi e pale ae ai i keia noi a ke Keiki Alii. E hookuu pau loa ia na poe Paahao Kalaiaina mamua o ka hookoia ana e noho ka Aha no keia koi. He naauao paha ke Aupuni ma ia mea, aka, ua hala loa ka wa kupono no keia koi e no ai, oia no ka la mahope mai o ka hoole ia ana o kela hoole ana i ka Mana Hookolokolo o ka Aha Hookolokolo Koa. O na hoopanee ana o ka Aha mai kekahi manawa a i kekahi manawa, oia no ka hoike, he mea pono e hookuu ia na poe paahao i hoopaa ia mamuli o ka olelo hooholo a kekahi Aha i loaa ole kona mana malalo o ke Kumukanawai o ka Repubalika o Hawaii. No makou, he makemake loa e loaa ka maha i na poe Hawaii a me ko na lahui e i komo pu ma kela hana o Ianuali 7; aka, i ka ike aku nae a ko makou manao aku, o keia wale no ke alanui e hele ai a loaa he hooku koke ia o na poe paahao.