Ke Alaula, Volume VII, Number 11, 1 Pepeluali 1873 — Page 43

KE ALAULA. 48.

nae he pea, na ke Akua no ia i malama i ole e kahuli.
                He poe hewa kakou, e make ana, owai ko kakou hale lana e pakele ai i ka make? Iesu. Ma keaha e pakele ai? Ma ka mihi i ka hewa a haalele; a, ma ka manaoio ia Iesu a komo iloko ona, a hoopili mau iaia, e like me ke keiki liilii i hoopili ai i kona makuwahine i malu oia.
                Mele - "Ka Iesu kamaiki au."

Helu 6 - Febuari 9.
Kumuhana - KE ANUENUE MA KE AO. Pauku Baibala - KINOHI 9.8 - 17.

                E hoopaa naau i keia pauku 13:
                Ke kau nei au i kuu anuenue ma ke ao, i hoailona ia no ka berita mawaena o'u, a o ka honua.
                Ua ko ka olelo a ke Akua, ua pau ka honua kahiko i ke kaiakahinalii, na kanaka, na holoholona, na mea ola apau, koe owai? Maloko o keaha? Pehea ka loihi o ke kaiakahinalii? Hookahi makahiki.
                Mahea i maha'i ka hale lana? Ma na mauna o Arerata. Malaila i iho ai Noa ma a i hea ? I ka aina papu ilalo.
                Na keikikane- Loko maikai ke Akua ia Noa ma, a hoopakele ia lakou i ka make, heaha ka hana mua a Noa mahope o ka puka ana iwaho o ka hale lana? Ka mohai ana i na mohai a pule, a hoomaikai aku i ke Akua. Mak. 8: 20. A pakele oukou i ka pilikia, e hoomaikai aku oukou ia wai ? Aole anei he pono ke mau ka pule a me ka hoomaikai ana? Ae, aole, ae.
                Na kaikamahine - Hoohiki ke Akua, aole oia e hoopau hou i ka honua i ka wai, heaha ka hoailona ana i haawi mai ai i akaka ka oiaio o kona hoohiki ana? Ke anuenue. Ua ike anei oukou i ke anuenue ? No hea ia ? Mahea ka la ke ikeia ke anuenue? Ma ia aoao hookahi no anei o ka lani me ke anuenue ?
                Oukou apau - A ike oukou i ke anuenue heaha ka oukou e hoomanao ai ? Aole ke Akua e hoopau hou ana i ka honua i ka wai. E mau ana ka wa hea ? p. 22. E mau ana ka wa kanu ka wa ohi, ke anu, ka wela, ke kau, ka hooilo ke ao, ka po, a hiki aku i hea ? i ka pau ana ka honua i ke ahi. E hoopaa 2 Petero 3:7, 10. Heaha ke oukou pono? Hoopaa 1 Petero 4:7. 2 Petero 3:11. E kuoo, e kiai, e pule, e noho pono, a hemolele, a haipule.
                Mele. - "E hahai ia Iesu."

Helu 7 - Febuari 16.
Kumuhana - KA HOOKAHULI ANA I NA OLELO.
Pauku Baibala - KINOHI 11:1. 0.

                Hoopaa i keia pauku:
                Hookahi no lehelehe, hookahi hoi olelo a ko ka honua apau.
                Ma ka hoomaka ana e hoopiha hou i ka honua i kanaka, ehia makuakane? Ehia makuwahine? Ma ka hoomaka mua ana, ehia makua ? Owai? Ehia ka oi o keia mamua o kela ?
                Na keikikane - Noho no Noa ma mamua ma ka papau malalo iho o Mauna Arerata; a mahuahua lakou, hele lakou i hea e noho ai ? Mahea Sinasa ? Ma Asuria, e pili ana no i Babulonua. E kuhikuhi ma ka palapala aina.
                Na kaikamahine - Ehia olelo mamua? Hookahi wale no. Aole anei he olelo Hawaii, Beretania, a Farani, a Pake, mamua aku ? Aole no; ua kamailio kanaka, kamalii ma ka olelo like. Owai la ia olelo like a hookahi wale no? Owai la hoi? Heaha ka manao o na kanaka a Sinasa? E kukulu i aha? Me keaha? No keaha? E hoopaa pauku 3,4. Manao lakou e noho mau ma kahi hookahi, a e hana i hoailona kiekie loa i mea kaulana loa ai ko lakou inoa. Pono anei ko lakou manao? Ae, aole.
                Na keikikane - Nawai i hookahuli i ko lakou manao? Pehea ke Akua i hookahuli ai i ko lakou manao? Ma ka hookahuli ana i ka lakou olelo, a huikau a maopopo ole. Aole lohe kekahi i ka olelo a kona hoa.
                A oki iho ka hana. Owai ka inoa hou o ia wahi? Babela, oia hoi ka hookahuli ana.
                Oukou apau. Owai ke kulanakauhale nui i ku mahope ma kahi o Babela? Babulona. A hookahuliia ka olelo, pehea kanaka? p. 9. Hele liilii io; ia nei.
                Ehia olelo i keia wa? 3000 paha ke huiia na olelo kumu me na lala.
                Owai ka inoa o ka oukou olelo? Ehia olelo okoa i oleloia ma Hawaii nei? Ehia hoi? Pehea na manao hookiekie o kanaka? Nawai e hookahuli? Mahea e loaa hou ai ka olelo like a hookahi wale no? Ma ka lani. He olelo lani no, e loaa ana anei ia olelo ia oukou? Ae, ke noho hemolele makou maanei.
                Mtle - "He aloha ko Iesu."

Helu 8 - Febuari 25.
Kumuhana - KA BERITA ME ABERAHAMA.
Pauku Baibala - KINOHI 15: 1 - 7.

                Hoopaa naau i keia pauku:
                "Mai makau oe, e Aberama, owau no kou palekaua, a me kau uku nui loa."
                Na keikikane - Owai ka makuakane o Aberama? Tera, Mokuna 11: 27. Mahea kona noho ana mamua ? Ma Ura no ko Kaledea. E kuhikuhi ia wahi ma ka Palapala Aina. Ua haalele oia ia wahi ao keaha? No ke kauohaia e ke Akua. Mokuna 12:1. A hele i hea? I Kanuana, p. 5. Mahea Kanaana? Kuhikuhi. Owai kekahi i hele pu? Kana wahine. Tarai, me Lota :
                Na kaikamahine - I ka hele ana i Kanaana, owai ka i make ma ke alanui? Tera, ka makuakane. Make mahea? Ma Hosana. Kin. 11:32. Mahea Hosana? Ma Mesepetomia. Kuhikuhi. Mahea ke Kanaana maikai loa? Ma ka lani. Nui ka poe hoomaka e hele i ka lani, puka anei lakou a pau ilaila? Aole, make e. Ka ke Akua kauoha ia oukou apau e hele i ka lani, i ke Kanaana hou. Ua hoomaka anei oukou e hele? A hea hoomaka? Ma keaha e hele ai? Ma ka manaoio. Owai ke alakai? O Iesu. Pehea e hiki ai ia Iesu ke alakai aku ia oukou? Ma ko makou manaoio a hoopili aku, a malama iaia.
                Oukou apau - He keiki anei ka Aberama iaia i puka mai ai i Kanaana? Aole. Owai i olelo e loaa ana ke keiki nana, he keiki hooilina? O Iehova. "O ka mea e hele mai ana mailoko mai ou, o kou hooilina ia." Owai ia keiki? Isaaka. E like ana na manao a Aberama me keaha? Me ka nui o na hoku. Hiki anei ke helu i na hoku o ka lani? Aole paha. Manaoio Aberama i keia olelo hoopomaikai a Iehova, a lilo ia i aha nana? I pono, i mea e aponoia'i oia e ke Akua, a lilo hoi oia i makua o ka poe manaoio.
Aberama, Tarai, ua hoololiia anei ia mau inoa mahope? Ae, Aberahama, Tara, na inoa hou. Isaaka ka hooilina ma ka pili mua, owai ka mamo, ka hooilina nui? O Iesu. E lehulehu ana na mamo a Aberahama, hiki anei ia oukou ke lilo i poe mamo nana? Ae, hiki no ke manao io ia Iesu.
                Ua haawi ke Akua ia Kanaana ia Aberahama me kana poe mamo, owai na mamo mua? Ka poe Iseraela, oia hoi na Iudaio. He hoailona ia Kanaana no keaha? No ke Kanaana hou ma ka lani. E haawi ana ke Akua i ke Kanaana hou ia wai? I ka poe manaoio ia Iesu, lakou na mamo oiaio. Ae, pela io no, e komo ana oukou iloko o ke Kanaana hou, ka aina maikai loa, ke lilo i poe maikai, i poe aloha ia Iesu me ka malama pono iaia.
                Mele - "Owai ke Alakai?" Ma ke Alaula, Iune, 1872.

NALOWALE.

                Owai ka i nalowale? He mau kaikamahine uuku elua, Hati ka inoa o kekahi, Alise kekahi.
                E pule oe, wahi a Alise ia Hati. Ua pule no au, wahi a Hati, me ka luliluli ana io, ia nei, me ka paa o na lima, a kulou iho ke poo, a me ka ume nui wa e ana.
                E Alise, e Alise, ke makau nei au o ike hou ole kaua i ko kaua home.
                Ke paupauaho nei au i ka uwe ana, aole hiki ke uwe hou, wahi a Alise me ka hilinai ana ma ka uha o Hati. Ke anuanu nei au, a maeele, e mauleule ana. E oluolu oe e Hati, e pule me ka leo nui; malama e hoolohe ke Akua, a kokua ia kauo.
                Pule no Hati mamua, me ka uwe wai maka ana, hoopuka oia i ka hua olelo: E ko makou Makua ; mahope emi ka uwe ana, a ikaika mai la kona leo paa na lima, lehae na maka iluna i ka lani, alaila hoopuka oia ia pule apau i paa naau ia oukou, na keiki Hawaii: E ko makou Makua iloko o ka lani, a pela'ku. A pau ia pule, olelo oia me ka uwe kaumaha no: He mau kaikamahine liilii maua a elua, ua nalowale maua ma keia wahi papu i uhi ia e ka hau, a akaka ole ke alanui; e oluolu oe e kokua ia maua, i ka loaa hou ana o ko maua home; ina hiki hou maua ilaila, e lilo no maua i mau kaikamahine hana maikai.
                Ua hele keia mau kaikamahine ma kahi papu a maikai, a loihi, me ka manao ole e kaawale aku ana ko laua home i hope. Ua hoomaka ka hau e haule mai, a uhi i ka aina, ka nalo noia o ke ala, a nalo wale hou laua. Huli no nae, a nani i kahi i manao ai, aia ko laua home. Hele nae me ka makau, a pihoihoi a uwe nui. Pehea la e loaai ko laua home? Ma ko laua manao, o ka pule i ke Akua ka mea e pono ai, a pule hoi laua, a mahope puka no laua i ka hale a hui pu me na makua a olioli pu iho la.
                E na pokii, a hele oukou a nalowale ma ka nahelehele paha, ma ka mauna paha, e pule i ke Akua e; kuhikuhi i ke ala a e hoihoi i kahi o na makua.
                A auwana a nalowale iloko o ka hewa, a makemake e hoi i ka hale o ka Makua ma ka lani, e hoomanao no i ke Akua, e pule iaia, e kokua i ka hoihoi ia oukou i ka home ma ka lani. E