Ke Alaula, Volume VII, Number 3, 1 June 1872 — Page 9

KE ALAULA

BUKE VII. HONOLULU, IUNE 1872. HELU 3.

KA MOOLELO NO KEKAHI KILO.

E hai ana au no kekahi keiki uuku, makua ole; aole ia he keiki hihiu, aole no hoi he pegana, aole nae ia he keiki Kristiano. Aole i aoia no ke Akua. Aole i noho oia ma na ululaau me he hihiu la; aia ma kekahi keena luna loa o ke kaona kahi ana i noho ai. He kumeka kona makuakane. I kekahi po ua loohia i ka mai a ua make. He pilikia nui keia no Keo a me kona makuahine. Hooikaika loa ka wahine i loaa mai ka ai no Keo. Mai ke ao a po kona holoi lole ana, a kau mai ka mai maluna ona. Mea ole loa ka laau lapaau nona; komo loa ia iloko o ka pilikia a kailiia kona ola, waihoia o Keo he keiki makua ole.

He makamaka, he hoahanau anei e malama iaia. Hookahi makuahine kona. He wahine ilihune, holoi lole no ia. Hookahi hebedoma ka malama ana ia Keo, aole nae he aloha nona. I kekahi la ua i aku ia ia Keo, "Aole hiki ia'u ke hoomau i ka malama ana ia oe; e hele oe."

Ihea la e hele ai o Keo? Auwana hele no oia ma na alanui. Pehea hoi e loaa ai kana ai? I kekahi wa ua aloha mai ka hoalauna kahiko iaia, a ua haawi i wahi apana berena iaia. I kahi manawa ua hoounaia e ka malihini kau wahi, a ua loaa he keneta ma ia hana.

Mahea kona moe,ana? Haawi oia i keneta i uku no kahi moe, a ina ua nele i ke keneta, ua moe malalo o ke kaa a ma ka ipuka paha o na hale.

Ua loaa he mau hoalauna hou nana iwaena o ka poe makua ole e ae. I ka wa makalii ua hooholo lakou e hele pu i kahi kuaaina e noho iki ai. Manaoia paha he oluolu, he lealea ka hele ana ma na kula uliuli, a noho ma ka malu o na laau nui. Nolaila ua hoomaka o Keo me kona mau makamaka opio e hele ma ke ala loa. Hele no lakou i ka po, no ka oluolu o ia wa, a ua hoomaha i ke ao malalo o na laau.

A hala ka hebedoma, ua hiki keia poe makilo i kahi o lakou i manao ai e noho. I iho la lakou kekahi i kekahi, "E hui kakou i kela la i keia la ma keia wahi malu, ma keia punawai, a e mahele iho i na waiwai e loaa ia kakou ma ke noi ana." Alaila ua hele aku lakou ma kahi hele ai.

Hui mau lakou i kela la i keia, la ma ia punawai e ai pu i na apana palaoa a e inu i ka wai huihui; aole nae i lawa ka lakou ai, no ka mea ma kahi kuaaina he kakaikahi na kanaka, a he hapa loa ke kala i loaa mai.

Aia a hiki i ka wa anu, ua pilikia loa keia mau kamalii ma na alanui poho, a hookahi ka manao o lakou e ku a hoi i ke kaona. Malaila loaa ia keo he wahi hou e moe ai, ma ka hale i hoomakaukauia no ka poe auwana wale, aole home e noho ai, maloo, a ua haawiia i ai no kakahiaka.

Ua weluwelu kona lole a pau, aka ua haawi kekahi lede i aloha iaia he mau lole a kana keiki i haalele ai. Kuai aku o Keo i kona mau welu kahiko no na keneta eha, a ua aahu i na mea hou mai.

Hoolimalima kekahi keonimana iaia e lawe i kona pahu i ke kaa ahi. Manao o Keo e uku ana iaia he hapaumi paha, aka ua i ke keonimana iaia, "E ke keiki ilihune, eia kanalima keneta nau, e kokua paha ia i ka hoolako ana ia oe i kahi mau mea." Kahaha o Keo a olioli no hoi, a me kana moni ua kuai i kamaa hou.

Aole aihue o Keo; ua ao kona: makua iaia i ka hewa o ka aihue ana. Malia paha ua lilo ia i aihue no ka nele pinepine ana i ka ai i ka wa pololi, aku ua kokua aloha mai ke Akua i keia keiki makua ole.

E kiai ana o Keo i ka puali koa i kekahi la, a hoopaa kekahi mei iaia ma kona poohiwi; huli oia e nana, a he kanaka e nana oluolu mai ana iaia, a i mai kela, "E hele mai anei oe me ia'u?" Hauoli no o Keo e hele pu me ia, a ua hahai iaia. He misionari keia o ke kaona e hele ana i o a ia nei e haiia ana? na hana maikai. Alakai oia ia Keo ma kekahi hale i hoomakaukauia e kekahi keonimana naau aloha i home no na keiki ilihune, me na keiki makua ole.

I aku ke kumu ia Keo, e makaala, e hoolohe, a e hooikaika ma na hana maikai, i ole lilo i ka lalau, a i ka huhu, me na mea iho e ae, a e ao pono ia ma keia wahi.

Ua ao ia e heluhelu, e kakau a me na helu, a ua aeia e hele oia iloko o ke keena hana kamaa e aoia, i lilo ia i kumeka like me kona makuakane." Mea e kona olioli i keia wa, aole like me ia mamua. Ma ia home ua lohe oia no ka makamaka nana i malama iaia mai kona wa i hanau ia, a nana i hoopakele iaia mai loko o na pilikia.

Owai ia Makamaka? Oia no ka Makamaka o ka poe hewa, ka Makua o ka poe makua ole. Aole i lohe o Keo i ka hoouna ana o ke Akua i kana Keiki e hoola i ka poe hewa. Ma keia home ua hele oia i ka halawai a malaila ua lohe i ka pule o ke anaina e kalaia ka lakou mau hewa. Ua lohe i ke kahunapule e hai ana no ke koko makamae o Kristo, a me ka hiki ana mai o ka