Ke Alaula, Volume VII, Number 1, 1 April 1872 — Page 3

KE ALAULA. 3

a pau paha, o ka papapa haole. E nana i ka ke Akua hana nona. I na e weheia kona ili lahilahi a palupalu e hiki ke mahele wale ia i mau hapa elua. Ua kapaia keia mau hapalua, he mau lo be hua. Akahi, elua, ekolu, aha, a oi aku na lo be o na hua. Na lobe elua o ka papapa ua huiia me kekahi mea liilii loihi me he alelo ami ia. Oia ke kumu omaka, a no loko mai ona e kupu a e ulu ai ka mea ulu mahope. Ua ike oukou maloko o na mala i ka puka ana mai o na lo be hua elua iluna a lilo i paa lau mua, a like ole me na lau mahope. E hoopaa pono, oia ke kumu omaka iloko o ka mea ano o io waliwali; aia kanuia ka hua iloko o ka lepo, komo ka wai ka mea hoomau mai ka lepo ae iloko o keia mea waliwali, a palupalu iho, a pehu ae, a nana i hanai mua i ke kumu omaka.

E nana oukou i ka niu, aia ka wai maloko a lilo ia i mea waliwali me he barena la, a nana i hanai mua i ka niu opio e puka mai ana mai loko ae o ka piko o ka niu makua, a mahope, loaa ka ai no kahi e mai. Nani ka hana a ke Akua. Ua lawa paha keia kamailio ana.

HE HAAWINA HUI NO KA HOIKE MALAMA

O NA KULA SABATI, NO

APE RILA.

NO NA MAUNA O KA BAIBALA.

Ka Pule a ka Haku---Ina keiki liilii.

Mele---"Hui na hoa," Hae Hoonai.

Ke Kahu me na Haumana---Heluhelu kike i ka Halelu 125.

Pule---I ke kahu a i kekahi kumu paha.

Mele Kike---"Ili iki," Hae Hoonani.

Pualu paanaau na kamalii---Halelu 148.

Hai paanaau na makua---Isaia 2:1-3.

Mele na keiki liilii---"Ano no."

Kekahi papa keiki---Ma ka mauna hea i ili ai ka Halelana?

"I ka hiku o ka malama, i ka la 17 o ka malama, ili iho la ka Halelana ma na mauna o Arerata." Kinohi 8:4.

I kekahi papa Makua---Aia mahea ka mauna o Aremia?

Aia ma Armenia, ma Asia-komohana, mawaena o na kai elua, ke Kai o Karepiana a me ke Kai Eleele.

Na keiki liilii---Nawai i hana ka Halelana?

Na Noe.

Imea aha? Imea e pakele ai oia a me kona ohana i ke kaiakahinalii.

Ehia ka poe i pakele? Owai? Owai?

Owai ko oukou halelana? O Iesu.

E Mele, e hoopaa i keia pauku.

"Ie su ka Halelana,

Ka hale malu e,

E holo iloko ona

I ola na pokii."

Daniela---He mea nani ka i pio mua ma ka mauna o Arerata, heaha ia mea nani?

Ke anuenue. Kinohi 9:13.

Ka papa makua - aia anei ka Halelana ma ka mauna o Arerata i keia wa?

Pela ka olelo a kekahi poe, ke paa aia no kekahi hapa iloko o ka hau malaila; aka, aole akaka ka oiaio, he kuhihewa paha.

Iuliana---Ma ka malama ehia, a la ehia i ili ai ka Halelana ma Arerata. Kinohi 8:4.

Na Makua---Ehia kapuai ke kiekie o Areria?

Ane 17,000 kapuai.

Pela anei ke kiekie o Mauna Kea? Aole. 13,000 kapuai ona.

Paa mau anei kona piko i ka hau. Ae.

Ka papa keiki---Hoopaa a hai like mai i keia himeni:

Mauna nani, Arerata;

Mauna ihiihi e;

Kahi o ka Halelana

I ku mua a maha'i;

Kona lei ke anuenue

I kau ae la ma na ao;

Kona kalaunu, kilakila,

Oia no ka hau paa mau.

Mele--"Aloha ko na mauna.''

Pule---I kekahi kumu.

Na kamalii pualu paanaau----Halelu 114.

Kekahi papa keiki---Owai ka mauna kahi i hoa oia'i ke manaoia o Abrana ma? Mauna o Mo ria. "E lawe aku oe i kau keiki i kau ponoi, ia Isaaka, ka mea au e aloha nei, a hele aku iaia i mohai kuni maluna o kekahi puu a'u e hoike ai ia oe." Kinohi 22:2.

Papa kanaka makua---Heaha o mauna Moria? O ia kekahi puu kahi i ku ai o Ierusalema mahope.

Owai ka mauna ma ka hikina i Mauna Oliva.

Owai ke awawa mawaena o laua i Ke awawa o Iehosepaia.

Pehea ke kiekie o mauna Moria? 2000 kapuai.

He wahi aha ka aina o Moria ia Aberahama e noho ana? He wahi nahelehele, neoneo, ululaau.

Owai kona inoa i ka wa ia Davida? Kahi hehi palaoa no Arauna ka lehuai. 2 Sam. 24:16.

Heaha ka Davida me ia? Kuai oia ia wahi me Arauna, a hana i kuahi a kaumaha maluna iho i na mohai kuni a me na mohai hoomalu. A maliu mai ia o Iehova i ka aina a hooki ia iho la ke ahulau mai ka Iseraela aku. 2 Sam. 24. 24,25.

Na kamalii---Ka luakini owai ka i kukuluia maluna o Moria? Ka luakini o Solomona. 2 Oihanaalii 3:1.

Owai ka luakini e ku ana malaila i neia wa? Ka luakini Mahomeda, oia hoi ka Moseka o Omai.

Ehia makahiki mai ia Aberahama a hiki i anei? 4000 paha.

Ka papa keiki liilii---Owai ke keiki a Aberahama i lawe me ka manao e mohai aku ma Mo ria? Isaaka.

Ua mohaiia aku anei oia? Aole.

Nawai i kauoha e mohai? No ke aha?

I mea hoao i kona manaoio.

No ke aha ka mea i mohai ole aku ai iaia? Ua papa mai ka anela a Iehova.

No ke aha? No ka mea ua akaka kona manaoio.

Heaha ke puni no Isaaka? He hipa kane. Kinohi 22:11, 13.

Owai ka i mohaiia ma ke kea? Iesu ke Keiki Hipa o ke Akua.

I aha? I pani no kakou, i mohai kalahala, i pakele kakou i ka make, a loaa ke ola.

He poe i mamo anei oukou na Aberahama? Ae, ina he poe manaoio, makou ia Iesu, a malama i na kauoha a ke Akua.

Nawai i kukulu i ka luakini ma Moria? Na Solomona. Owai o Solomona?

Owai ka i oi aku mamua o Solomona? Iesu. Ma taio 12:42.

Ka papa makua—Owai ka luakini i oi aku i ko Solomona? Ke kino o Iesu. Ioane 2:21, a o ka poe pono ka ekalesia. I Korineto 6:19. 3:16.1 Korineto 6:16.

Auhea ka luakini pau mau loa?

E hoopaa a hai pualu mai na keiki i keia himeni

Mauna Moria, mauna maikai,

Kahi mamua i kaiia 'ku ai

Ke keiki aloha, o Isaaka e.

I mohai ia maluna, pakele ae la nae.

Mauna ihiihi, Poo nani e!

Ka luakini mua i ku la maluna'e,

Ka hale a Solomona i hookukulu ae.

Haumia nae kou kalaunu, ua lilo hope mai

I Moseka Mahomeda, a hiki i anei.

No ke aha? No ka hewa o na Iudaio e;

E pule no lakou la, i mihi o huli mai.

I maemae hou kou kalaunu a kau a nani ae.

Na manao paipai.

Mele--- "No Iesu ka honua," Himeni 69, leo:

"Ho sana kamalii," Hae Hoonani.

Pule Hookuu.

E HOOPAA NA KULA SABATI A PAU I

KEIA HIMENI.

1 Na keiki o Hawaii

I ike a naauao,

Aloha i na keiki

I noho naaupo,

Na keiki Galipati,

Me ko Makala pu,

Ko Korolina kini,

Kokua ia lakou.

2 E haawi i na kino,

Mai ana ino mai,

A lilo i lokoino,

Ke holo ole ae,

E haawi i ka moni,

Na hapawalu no,

E haawi me ke aloha;

E pule no lakou.

"E hooikaika ma na hana maikai. E hana maikai i kou hoaloha i oi kona aloha; a hana maikai i kou enemi i lilo la i hoaloha nou."

KE ALAULA.

He Nupepa Hoikeike Kii.

Hoopuka mau ia ma Honolulu, i kela malama keia malama o ka

PAPA HAWAII, no na Kamalii Hawaii.

25 keneta ka uku no ka makahiki no ka pepa hookahi, 20 keneta pakahi ka uku no na pepa he iwakalua a oi aku paha ma ke ope hookahi, ME KA HOOKAA MUA IA MAI. L. LAIANA, Luna Hoopuka.