Ke Alaula, Volume VII, Number 1, 1 April 1872 — Page 1

KE ALAULA.

BUKE VII. HONOLULU, APERILA, 1872. HELU 1.

MANAO PAIPAI.

Aloha oukou ka poe heluhelu i ke ALAULA mamua a me ka poe e komo ana.

Ua pau ka Buke ALAULA VI, a ke komo nei iloko o ka Buke VII. Ka helu mua keia o ka Buke hou.

O ka poe i hookaa ole e wikiwiki e hookaa mai i ke dala ia'u, ka lunahooponopono a i ole e haawi ne ia Rev. J. F. Pokue, ke kakauolelo o ka Papa Hawaii. Mai noho a hoopoina, ea.

E na kahu kula Sabati e hai mai i ka nui o na ALAULA a oukou e makemake ai. E hai mai ia'u a ia Pokue. Mai hoohala i ka manawa. E lawe nui i lako keia me keia haumana, na haumana keiki, a hoomana makou, o ke kula Sabati. No ka mea no na haumana a pau, haumana keiki, haumana makua na haawina hoi ke malama e paiia ana iloko o na ALAULA, ma keia hope aku. A pehea e makaukau ai no i hoike ke lawe ole i na ALAULA. Na kahu ekalesia hoi kekahi a hooikaika i lawe pono na hoahanau i na ALAULA.

Mai minamina i ka hapaha. He pepa momona loa keia. Aole e piha ana i na olelo hoolaha a me na kaao oiaio ole, me na kanikau Hawaii, aka, e piha ana i ka ai maikai na kaao  oiaio, na mele maikai, me na manao paipai ma ka pono, na haawina Baibala hoonaauao. Ke haawi aku nei au i kuu aloha a me kau Mahele i ka poe i kokua mai ia’u ma ke kakau ana a hoili mai i na manao maikai, na kaao momona no ke ALAULA. E hoomau i ko oukou kokua ana mai. A, e hoomanao ka poe ka kakau mele kanikau Hawaii, aole i aeia e komo ia mau mele iloko o ke ALAULA. Mai hooili mai ia ia'u aka, e hooili aku ia Wini no ke Kuokoa. Aohe wahi kaawale o ke ALAULA liilii no ia mau mele. E aeia aku e komo na mea e pili ana i na kula Sabati, na hoike kula Sabati, ke kakauia ma ke kauoha a na kahu kula Sabati me kona apono ana mai. He mau mea hoohauoli nae me ka hoowaiwai ana i ka poe heluhelu.

Olelo Pane i ka Palapala a Ioela no Kauaula,

Lahaina, Maui.

Aloha no makou i kou kaikuwahine, ia Naomi i hele mau i ke kula Sabati, a hoopaa pono i na haawina, a ao a mele i na mele maikai o ke ALAULA. He rose maikai no ia a nonohea, aala, onaona, a aloha nui ia. Ua luhe nae, a mae, a helelei na lau. Ua make. Na Iesu ka makamaka o ka poe kanikau, e hoona, e wahi i na naau eha, pepe a nana e ninini i ka bama o Gilieka iloko i oluolu mai.

A e hoomau oe i kau hana iloko o kau kula Sabati, e ao i na haumana a pau e hoopaanaau i na kanawai he umi me na mokuna Baibala he nui wale a e mele mau i na mele maikai o ke ALAULA, a e hoomakaukau e noho pu me Iesu a me ka poe pono a pau ma kai lani. NA KA LUNAHOOPONOPONO.

AWIWI KE HOOUNAUNAIA.

Hoounauna ke kuke ia Keoki, kahi keiki uuku, i ka hale kuai e kuai i wahi kamano no ka aina kakahiaka me ka olelo. "E awiwi loa oe, mai hooluhi ma ke alanui o nele kakou i ka ia ole."

"Ae, ae , e awiwi no au," wahi a Keoki; ka holo no ia ona me ke tini-pana ma kona lima. A halawai koke me kahi hoa, a olelo oia. "Ka, maikai, hinuhinu kou tini-pana;homai, kupono paha ia i ka pahu kani." Ka lilo no ia i ka hookanikani me na hua, "Lope lope loa." A manao o Keoki i ke kamano, a holo aku no. A nana aku, aia hoi kona haku, a ua helelei ka mau minute i ka nana ana.

Manao hou o Keoki i ke kamano, a holo a holo kiki a hiki i ka hale kuai, a komo iloko a aloalo ka maka io a i anei e nana i na iole nani, i na mea kuai he nui wale. A mahope kuai oia i ke kamano, a hoomaka e hoi mai; e kali ana ke kuke me ka haohao ana no ka lolohi o Keoki, a e pai

pai ana ka makua i ke kuke e wikiwiki i ka ai, pane aku ke kuke, aole i hoi mai o Keoki me ke kamano.

A i ka hoi ana mai o Keoki, ike oia ma ke alanui he wahi ilio, he hinai ma kona waha a he kihei ulaula maluna iho o kona kua, a lilo oia i ka akaaka i ka nana loihi ana i ua ilio kupanaha nei. A hele mai, hui oia me kekahi keiki a akaaka pu laua; a kamailio pu no kekahi mea, a nana laua a ike ike kaa bipi e kahuli ana, a hooho laua, “E, o, pau ke kaa i ka nahaha,” a manao o Keoki i ka huhu paha ke kuke ia’u no ka loaa ole o ke kamano. A hooholo