Ke Alaula, Volume V, Number 10, 1 January 1871 — Page 40

40 KE ALAULA.

KA WAI E OLA'I.
Leo: "THE WATER OF LIFE."--Songs of Gladness.

1. Na Ie-su mai ka wai e ola'i; I-nu, i-nu, i-nu; Na Ie-su mai ka wai e ola'i; I-nu na hoa a-lo-ha. He-le pu mai i ke ku-mu wai; I-nu, i-nu, i-nu; He-le pu mai i ke ku-mu wai, I-nu a ola mau--- Ke hea nei Ie-su he-le mai; I-nu, i-nu, i-nu; E he-le pu mai na ma-ke-wai, E i-nu ka wai e o-la'i. Ke ka-he ka wai ho-o-la, Ka-he, ka-he, ka-he; Ke ka-he ka wai ho-o-la, Ke ka-he nei nou a no'u pu.
2. Ala me Iesu ka home ao,
Komo, komo, komo.
Aia me Iesu ka home ao.
Komo na hoaaloha.
Ala malaila ka waiwai mau,
Komo, komo, komo.
Aia malaila ka waiwai mau,
Komo na hoaaloha.
Ke hea nei Iesu komo mai,
Komo, komo, komo.
E komo pu mai e na pokii,
E komo ia home maikai.
He nani ka home lani,
Nani, nani, nani.
He nani ka home lani,
Ka home ao nou a no'u pu.
3. Na Iesu mai ka lei alii,
Nani, nani, nani.
Na Iesu mai ka lei alii,
Nani na hoaaloha.
He aupuni mau, he lei maikai,
Nani, nani, nani.
He aupuni mau, he lei maikai,
Nani, na hoaaloha,
Ke hea nei Iesu hele mai.
Nani, nani, nani,
E hele pu mai e na pokii,
E kau ka lei nani alii,
He lei nani ko ka lani,
Nani, nani, nani,
He lei nani ko ka lani,
Ka lei alii nou a no'u pu.
4. Aia me Iesu ka malu mau,
Malu, malu, malu,
Aia me Iesu ka malu mau,
Malu na hoaaloha.
Hele pu mai a malu pu.
Malu, malu, malu,
Hele pu mai a malu pu,
Malu na hoaaloha.
Ke hea nei Iesu hele mai,
Malu, malu, malu,
E hele pu mai e na pokii,
E malu a mau loa no.
He nani ka malu lani,
Nani, nani, nani,
He nani ka malu lani,
Ka malu mau nou a no'u pu.

KA MOLE.

                He wahi holoholona liilii keia, kohu iole ke nana'ku. Aole nae i like kana mau hana me ko ka iole. He holo mama ka iole; aole pela keia. Aia iloko o ka lepo kona wahi i noho ai, a malaila wale no e imi ai i kona ola. O na aa o na laau a me na hua kanu kona ai, a o na koe kana ia. Ua oleloia e kekahi poe aohe maka ko ka Mole. Aka ua kuhihewa lakou. He mau maka elua no, he makalii loa nae, a ua hunaia malalo o kona hulu. Palahalaha a ikaika na wawae o mua, a liilii na wawae o hope. Pela no hoi ke kino. Nui ae o mua, emi mai o hope. Ua hanaia pela e ke Akua i hiki pono ai iaia ke eli hele iloko o ka lepo me ke keakea ole ia. He mau ano okoa ko na Mole. Ulaula kekahi e like me ke gula; eleele kekahi, a pela aku. O keia ano ma ke kii, ua kapaia he Mole ihu-hoku, no ke ano e o kona ihu, e wanawana ana e like me na kukuna o ka hoku. Aia ma Amerika Akau kona wahi e ikeia'i. Ua ikeia no hoi kekahi ano Mole ma na aina o Europa.

HEAHA KA KAKOU MEA E KUKULU AI?

                E paani ana elima keiki ma kahakai. Ua hoiliili lakou i na ala hinuhinu me na pupu nani, a ua kakau i ko lakou inoa ma ke one maikai a keokeo; aka mahope mai, molowa lakou i ko lakou paani, a kokoke hoi lakou i ko lakou home. Ia manawa, kokoke lakou i kekahi paila pohaku, alaila uwa mai kekahi, "Ea, e hana kakou i papu, a o kela moku mawaho e kapaia he moku no ka enemi, a na kakou e ki-pu aku."
                "Ae, ae, e hana kakou i papu," wahi a Eduwa, ka lua o na keikikane. Hele na keikikane ma kahi o na pohaku, a hoomaka e lawe i kekahi wahi ma kapa kahakai, a kahea koke i na kaikamahine, "E Ana, a me Iane, e hele mai a kokua ia maua."
                "Aole; mal hana katou i papu," wahi a Iane.
                "Ae, e hana no kakou i papu," wahi a na keikikane. "Heaha kekahi mea hiki ia kakou ke kukulu? Aole paha pono ke hana i hale ma kahi kokoke i ka wai?"
                "Aole, aka e hiki ia'u ke hai aku ia oukou i ka mea hiki ia kakou ke hana, a oi kona maikai mamua o ka hana papu."
                "Heaha ka mea hiki ia kakou ke hana? I hale hoomalamalama i ka poe hooholo moku," wahi a na kaikamahine; "a e hiki ke kukuluia ma kahi kokoke i kahakai, e like me ka papu. A hiki ia kakou ke kapa i kela moku mawaho, he moku nalowale iloko o ka poeleele, a e kau kakou i kukui i holo ma ke ala pololei."
                "Ea, maikai paha keia mamua o ke kapa ana ia he enemi, a hana i papu e wawahi ai iaia? E nana i ka nani o kona i noho ana, a me ka moe malie ana maluna o ka wai pahee. O kona mau pea ua like ia me na eheu o ka manu e olepalepa ana, a na lakou e hooholo iaia me ka nani. Makemake anei oukou e hana ino iaia, a e hoopau i kona mau aoao me na pu kuniahi, a haehae i kona mau pea a weluwelu, a pepehi i na kanaka maluna ona? Ke manao nei au ina pakele ka moku i ka wa pouli a weliweli, alaila olioli kakou. Aole, aole! mai kukulu i papu; aka, e kukulu kakou i hale hoomalamalama, no ka mea, maikai ae ka hoopakele mamua o ka pepehi." Kamailio na kaikamahine me ka leo lokomaikai a me ka manao ikaika, a o ko lakou huaolelo a me na manao maikai, ua komo iloko o ka lakou mau hoa, a haalele lakou i ka manao mua.
                "Ae," wahi a na hoa, "e kukulu kakou i hale malamalama, aole i papu;" a hana lakou pela. "Ae, ua maikai ke ola mamua o ka wawahi."
                E na keiki, e noonoo i keia mea, a ae aku e hele pu ia me oukou i na la a pau o ko oukou ola ana, a e hooikaika ma ka hoopakele i na makamaka, mamua o ka hoopau i na enemi. Aka ina hiki mai ka enemi, e huli ana i mea e poino ai oe, e hoole aku me ka makau ole. F. M.

NA HAAWINA KULA SABATI NO 1871.
[Hoopuka mua ia ma "Ke Kumu Kula Sabati," Kikako.]
NA OLELO A IESU KA MESIA.

Ian. 1--Ke Kauwa a ke Akua. Is. 42:1-9
8--Ka Elele a ke Akua. Mal. 3:1-5
15--Ka Wanana a Simeona. Luka 2:25-35
22--Ka Haiolelo a Ioane. Luka 3:1-9
29--Na Rula a Ionae. Luka 3:9-18
Feb. 5--Ka Poe Hoolohe ia Iesu. Ioane 1:9-18
12--Ka Hanau Hou. Ioane 3:1-11
19--Hoolaia e Kristo. Ioane 3:12-21
26--Ma ka Luawai o Iakoba. Ioane 4:1-15
Mar. 5--Ka Hoomana Oiaio. Ioane 4:16-30
12--Ke Kaula ma kona Aina Hanau. Luka 4:16-30
19--Na Hoopomaikai a Iesu. Mat. 5:1-12
26--Ka Paakai, ka Malamalama, a me ke Kanawai. Mat. 5:13-20
Aper. 2--Ka Huhu a me ka Hoohiki Ino. Mat. 5:21-26; 33-37
9--Ka Lokoino. Mar. 5:38-48
16--Ka Manawalea a me ka Pule. Mat. 6:1-15
23--Ka Haawina Lilia. Mat. 6:19-34
30--Ka Rula Gula. Mat. 7:1-12
Mei 7--Ka Puka Ololi. Mat. 7:13-23
14--Na Kukulu Hale Elua. Mat. 7:24-29
21--Na Elele mai Ioane mai. Luka 7:8-30
28--E hele mai i o'u la. Mat. 11:20-30
Iune 4--Na mea Aie Elua. Luka 7:36-50
11--Ka Lulu Hua. Mareko 4:1-20
18--Ke Kikania. Mat. 13:24-30
25--Ka Hua kupu Malu, ka Hua Makeke, a me ka Hu Berena Mar. 4:26-32; Mataio 13:33
Iulai 2--Ka Hoole Kino. Mar. 8:31-38
9--Owai ka mea Kiekie. Mar. 9:33-42
16--Ke Kauwa Aloha Ole. Mat. 18:21-35
23--Ka Huakaihele i Ierusalema. Luka 9:51-62
30--Inoa Kakauia ma ka Lani. Luka 10:17-24
Aug. 6--Ka Samarita Lokomaikai. Luka 10:25-37
13--Ke koho ana a Maria. Luka 10:38-42
20--Ka Makamaka i ke Aumoe. Luka 11:5-13
27--Ke Kanaka Waiwai Noonoo Ole. Luka 12:13-23
Sepa. 3--Ke Kali ana no ka Haku. Luka 12:35-48
10--Ka Laau Fiku Hua Ole. Luka 13:1-9
17--Ke Kahuhipa Maikai. Ioane 10:1-18
24--Kamailio Iesu ma ka Papa-aina. Luka 14:7-14
Oka. 1--Ka Hipa Auwana a me ke Kala Haule. Luka 15:1-10
8--Ke Keiki Hoomaunauna. Luka 15:11-32
15--Ka Pauku Apuka. Luka 16:1-12
22--Ke Kanaka Waiwai me Lakaro. Luka 16:19-31
29--Ka Pule a ka Wahine Kanemake. Luka 18:1-8
Nov. 5--Ka Parisaio a me ka Lunaauhau. Luka 18:9-14
12--Na Keiki i Alohaia e Iesu. Mar. 10:18-16
19--Ke Lii Opiopio Paniwaiwai. Mar. 10:17-31
26--Na Paahana ma ka Pa-waina. Mar. 20:1-16
Dek. 3--Na Keiki Elua. Mat. 21:23-32
10--Na Mahiai Lokoino. Mat. 21:33-44
17--Ka Ahaaina Mare. Mat. 22:1-14
24--Ke Kanawai i Oi Loa. Mar. 12:28-34
31--Na Wahine Puupaa he Umi. Mat. 24:1-13

                “Owai ka mea i ana i na wai maloko o ka poho o kona lima?" Isa. 30:12.
                Heluhelu iho la kekahi keiki i keia pauku, alaila i aku la oia i kona makua, "E papa, ina e holo ana wau maluna o ka moku, a haule i ka moana, aole paha wau e make."
                Pane aku la kona makua, "Heaha ke kumu o kou manao ana pela?"
                "No ka mea," wahi ana, "o ka haule no hoi ia iloko o ka poho lima o ke Akua."

                O ka poe i lalau ma ka aoao o ka hewa, a me ka lawehala, ua hoopilikiia lakou.