Ke Alaula, Volume V, Number 2, 1 Mei 1870 — Page 8

8 KE ALAULA.

 

KOA MAIKAI.

Leo: "DARE TO DO RIGHT!" - Golden Center.

1. Ko -a mai-kai , Ko - a maa nei . Nau kou e ha- na , a-o-le na hai ,

Ko-a i-kai-ka , a-lo-ha pu nau , Na na a- nela e a-lo-he mai .

HUI.

Koa, koa , ko - a mai-kai , koa , koa , ko -a mau ae , Koa ko -a mau ae , ko -a mau ae .

 

2. Koa maikai, koa mau oe,
Mai pili oe i ka pono o hai;
Kupaa a mau ma ka pono no ou,
Ku w iwo ole, a paio mau no.

            HUI.- Koa , koa , koa maikai , &c.

3. Koa maikai, ko a m a u ae,

Na ke Akua e kokua mai ,

Nana i ike na pi l ikia ou,

Nana e pale na i no a pau .

            HUI.- Koa , koa , koa maikai , &c.

4. Koa makai, koa mau ae ,

Eia imua ka Luna kiai,
Nana e helu na hana maikai,

Nana e uku ke koa mau ae .

            HUI.- Koa , koa , koa maikai , &c.

5. Koa maikai , koa mau ae ,
Pili ia Iesu , i kou Alakai ,

He ola , he lei, a he hale alii ,

Ke ili nou loa , ke koa maikai .
            HUI.- Koa , koa , koa maikai , &c.

WAIKOLOA.

 

HALEKAA KAUA HOOKUIKUI O KA WA KAHIKO.

            I ka wa ia Iesu i noho ai ma ka honua nei, a mamua liho, a mahope mai, o keia kekahi o na mea kaua o ka lahui naauao o R oma. O na kulanakauhale o ia wa, ua kukuluia a puni i na pa pohaku nui, kiekie. A no ka mea, aohe a lakou mau pukuniahi o ia wa e wawahi aku ai i na pa me ka poka a me ka pauda, nolaila ua imi lakou i ka mea ka i ko lakou ike. I ka wa e kaua aku ai i kekahi kulanakauhale, ua hanaia he hale paa e like me keia a oukou e ike nei, a kauia maluna o na huila nui. Maloko na koa kahi e paapu ai, a e hoopahu aku ai i ua halekaa nei a kokoke i ka pa nui o ke kulanakauhale. A maluna loa o kahi puoa ka puka kiei, kahi o nana aku ai na lunakoa, a hoopololei i ka hele ana o ke kaa. A mawaenakonu hoi, ua kauia ka pauku laau nui, kaumaha, i hoopaaia e n a apo hao paa loa; a i kaulewaia hoi e na kaulahao. A ma ka welau o ua laau nui nei mawaho o ka halekaa, u a ka piliia he pauku hao nui i hanaia ma ke ano o ke poo o ka hipa kane. Aia a pili aku ua halekaa nei a kokoke loa i ka pa e manaoia'na e wawahi, alaila, lalauia ka welau o ua laau nei maloko o ka hale, huki hope ia e na koa, a hookuu hou ia e kui ikaika aku i ka pa. Pela e hookuikui aku ai lakou a wawahiia kauwahi o ka pa, a ina ua lanakila ka lakou hana, o ko lakou komo aku no ia luku i ke kulanakauhale.

            I ka wa i hoopioia'i o Ierusalema, e na puali koa o Ro ma, malalo o ke alakai an a o Ti t o o na halekaa o keia ano kekahi o ko lakou mau mea i hoohana aku ai.

 

NO KA AWA.

            Heaha ke kumu o ka mahuahua ana o ka inu awa i keia mau makahiki ? A he mea anei e pono ai n a kanaka ? Eia kuu pane, ana'ku i ka ninau mu a . He mea mau i kanaka, mai ka wa ia Noa i hoohaumia iaia iho i ka inu ana i ka waina a ona, a hiki loa mai i keia wa, ka ma kemake i ka mea e ona ai. Luuluu ke kanaka i ka hana paha, ka noho wale paha, kaumaha ka eha, a i ke kaumaha wale o ka naau paha , o kona imi koke aku no ia i ka mea e ona ai. Aole no ka ono maoli o ka awa ke kumu e makemake ai, aka no ka loaa ana i ka ona mahope, oia no ke kumu o ka inu ona ia m ea muemue, ono ole.

            Nolaila he ninau kupono keia: He maikai anei ka ona ? Ke pane aku nei au me ke kanalua ole, aole aole lea. No ke a ha hoi ?" wahi a ka mea puni ona. Eia no na kumu e maopopo ai :

1. He mea hoopau manawa.

2. He mea hoopau w ale i ke dala.

3. He mea hoemi i ka ikaika o ke kanaka.

4. He mea hoowela i na kuko ino o ke kanaka, a hooeueu iaia i ka hana i na mea hiki ole iaia ke hana, ina aole i hooponiuniuia oia e ka mea

5. Ke o lelo mai nei ka Bai bala , oia hoi ka ke Akua olelo, "Aole e loaa ke aupuni o ke Akua i ka poe hewa. Mai kuhihewa oukou ; aole ka poe moe ipo, aole ka poe hoomanakii, aole ka poe moe i ka hai, aole ka poe moe a ikane aole ka poe Sodomi, aole k a poe aihue, aole ka poe ona, aole ka poe akiaki,aole ka poe alunu, aole e loaa ia lakou ke aupuni o ke Akua "- 1: Kor. 6:9-10. Ma keia olelo e maopopo lea ai ka hewa o ka ona. Nolaila ua maopopo lea, o na mea a pau e ona ai, ua kupono i ka ke Akua poe kanaka e waiho aku. Ua kupono i na mea, a pau e waiho aku, no ka mea he mea e poino ai ke kanaka ma na mea o keia ao , a ma na mea o kela ao he kue loa.

            Ke pane mai nei pahu kekahi, "Ae, ua maopopo ka hewa o ka inu ana a ona, a ka aole i maopopo ka hewa o ka inu liilii ana."

            Eia ka mea maopono me ia mea. O ka inu liilii ana oia no ka mea e alakai aku ai i ke kanaka a lilo i mea ona loa.

            Aole hiki ke hoonoho i palena e kaawale ai ka ona iki ana a me ka ona loa ana. Pela no ma ka inu liilii ana i ka waina, ka barani, ka gini, ka wiseke, ka b ia , a me ka awa, e alakaiia kekah i poe a lilo ako lakou i poe ona pinepine.

            Pela no ka hope ma na aina a pau. He hope pilikia i ka hapa nui o ka poe inu liilii i na mea e ona ai.

            E nana hoi i ka olelo a Solomona:

"Mai noho; pu oe me ka poe inu waina,

Me ka poe hoopalapala i ko lakou kino iho.

Ia wai la ka uwe ana? Ia wai la ka poino ?

Ia wai la ka hakaka ? Ia wai la ka nuku wale a na ?

Ia wai la na palapu loaa w ale? Ia wai la na maka ulaula?

I ka poe e hoomau ana ma ka waina ,

I ka poe e hele a na e imi i ka waina i kawiliia.

Mai naha e i ka waina i kona ulaula ana,

I kona aleale ana ma ke kiaha,

I kona hu ana a maikai.

Mahope iho, e nahu mai, me he nahesa la,

A e pa mai me he moo ihoawa la.

E nana auanei kou maka i na wahine e,

A e hai aku kou naau i na mea ino.

E ino ana oe me he mea la i moe iho mawaena konu o ka moana,

E like hoi me he mea la i moe m a kahi oioi loa o ka moku."

            Pela io no ka inu ana i ka awa, he ino a he pilikia ka hope. Nolaila; e na makua a me na pokii, e w aiho aku kakou i ka awa. He laau make ia. He mea ia e hoopalupalu ai i ko oukou mau kino; he mea e makapo ai kekahi poe; he mea no e make ai kekahi poe.

            E ala e Hawaii e Keawe, e Maui o Kama , e Oahu o Kahuihewa, a me Kauai o Kalanipo, e kue i keia mea e hookauwa ana i kekahi poe o kakou. L. L. N.

 

"UA LOHE KE AKUA IA OE."

            E hele ana kekahi keiki uuku ma ke alanui i kekahi la. Aole i hiki aku kona mau makahiki i ka eono. Lohe aku la oia i kekahi keiki, o Wili kona inoa, e hoopuka ana i na olelo ino. Pane koke aku la oia nei, "E Wili, ua lohe ke Akua ia oe." Oiaio no. E hoomanao oukou, e ka poe heluhelu i keia, o na hua ino, pelapela, kuamuamu, lawe wale i ka inoa o ke Akua, ke lohe mau nei oia i kela hua keia hua a oukou i hoopuka ai. Aole e nalo ko oukou hewa imua ona. E waiho loa aku oukou i na hana a pau o ia no.

 

KE ALAULA,

He Nupepa Hoikeike Kii ,

Hoopuka mau ia ma Honolulu, i kela malama keia malama o ka PAPA HAWAII, no na Kamalii Hawaii.

            25 keneta ka uku no ka makahiki no ka pepa hookahi ; 20 keneta ka uku no na pepa he iwakalua a oi aku paha ma ke ope hookahi , ME KA HOOKAA MUA IA MAI.

A. O. POLEPE. Luna Hoopuka .