Ke Alaula, Volume V, Number 1, 1 ʻApelila 1870 — Page 4

ʻaoʻao PDF (464.18 KB)

4 KE ALAULA.

KA AINA MA O.
Leo: THE LAND BEYOND THE RIVER .- Golden Censer.

1. He ai-na na-ni kamahao , Ma o, ma o, ma- lu-na , U- li na owa-wa me na puu , Ma o, ma o, ma- lu-na . A- ne ho-e-a mai la, Ko-lai-la ka-ha- kai la, Me ko-na no- lae-lae la, Ma o, ma o, ma- lu-na . HUI.

E hoe ka- kou , E hoe a mau , Ko-ke-ke pau ka i -no, A ko -mo i ke awa a ku , ma ia ka-ha- kai o- li -no.

2. Aohe mea hoeha mai
Ma o, ma o, m aluna ;
He pomaikai a mau loa'e
Ma o , ma o, maluna;
E like me ka ua
Ke aloha o ke Akua
A nani o na pua
Ma o, ma o, maluna.

HUI- E hoe kakou, e hoe a mau, &c.

3. He la po ole nani mau
Ma o, ma o, maluna ;
He lei mae ole no kakou
Ma o, ma o, maluna ;
Hua'e na hua ono
A mau loa'e na pono
A paa kuonoono
Ma o, ma o, maluna.
HUI-E hoe kakou.& c.

4. A ku ma ko Ziona puu
Ma o, ma o, maluna ;
E mau na oli o kakou
Ma o, ma o, maluna ;
A ma na lira lani
E mole a hookani
A mau no ka hoonani
Ma o, ma o, maluna .

HUI- E hoe kakou, & c .
WAIKOLOA.

 

KO HE RODE PEPEHI ANA I NA KEIKI LIILII.

            Heaha la ka kela wahine E kukuli nei ? Ke uwe nei oia no ka make o kana wahi bebe i pepehiia. Aia hoi ma kona kua iho kekahi makuwahine e uwe ana a e puliki paa ana i kana wahi keiki. A aia hou ma o loa aku kekahi kanaka e paa ana i kekahi keiki. Ke paa nei kekahi lima i ka wawae o ke keiki, a o kekahi lima i kona kino, a ua hapaiia ua wahi keiki nei a iluna loa o ke poo o kahi kanaka. E aha ana ua kanaka nei i ke keiki? E pepehi ana a make, a e kiola wale ana me he opala la. Aloha ino ua mau keiki nei! Nawai hoi keia luku ana i na keiki liilii ? Na kekahi Alii ino ma ka aina o Iudea i ka wa i hanau a o Iesu. O Herode kona inoa. A heaha ke kumu o kana hana ana pela? No kona manao ino e pepehi ia Iesu. Ua lohe o Herode ua hanau o Ie su ma Be t elehema o Iudea. Ua imi aku oia e pepehi iaia, aole nae i loaa. Nolaila, kena aku la oia i kona mau luna e pepehi i na keiki liilii a pau ma Betelehema a ma na wahi e puni kokoke ana. O na keikikane wale no nae, no ka mea he keikikane kana mea i imi ai. Aole hoi o na keikikane a pau loa, aka o na keikikane malalo o na makahiki elua wale no. No ka mea ua maopopo no iaia aole i hala na makahiki elua mai ko Iesu, hanau ana a hiki i kela manawa. I manao paha o Herode, ina e make na keikikane a pau malalo o na makahiki elua, aole e pakele o Iesu. Nani ke aloha ole o ua Alii nei. He mea ole ka iaia ka make ana o na keiki he nui wale, a me ka uwe ana o na makua a pau, ke loaa ka mea hookahi ana i manao ai. Makehewa nae ua hana ino nei. Pau na keiki i ka make, aole nae i make o Iesu. Ua malama ke Akua iaia. Na ka anela i hai e aku i ka manao ino o ua Alii ne ia Iosepa laua o Maria, na makua, a holo malu laua me ke keiki i ka aina o Aigupita.

 

" KUU IESU. "

            He wahi luahine ka i hele pinepine mai i ko makou kula Sa b a t i . He wahine naaupo no ia; no ka mea, aohe i loaa iaia ka pomaikai o ke aoia iloko o na kula i kona wa kamalii. Iloko nae o ke kula Sabati, ua noho malie loa ia, me ka hoolohe pono i ka ke kumu e ao ana. Paanaau mau kona pauku ma ka ke Akua olelo.

            Ma kekahi ahiahi manao iho la au e hele i ka hale o ua wahi wahine nei. Loaa aku la oia ia'u e noho ana iloko o kona wahi papaa hale,e humuhumu ana. Aloha mai la kela ia'u; aloha aku la no hoi au iaia. Haawi mai la kela i noho no'u, a noho iho la au. Ninau aku la au, "Auhea kou kane?" I mai la keia, "Aohe a'u kane; ekolu ae nei makahiki o kona hele ana." I aku la au, "Ahe, ua holo ka kou kane ma ka moana; ua hele paha i ke o kohola." I mai la ua wahi luahine nei, "Aohe i hele ma ka moana." Alaila hoomaka iho la ia i kona moolelo, a hai mai la ia i kona pilikia nui no ka ona mau o ua wahi kane nei ana. He kane maikai no ma kekahi mau mea; he kane aloha no. Aka, o ka ona kona hewa nui. A no kona ona, pilikia loa ka noho ana o ka ohana. A ma kekahi la ona hou no ua kane nei, a pane aku la i ka wahine: "E, e hele ana au, a hele loa; aohe au e hoi hou mai." O ka nalowale loa no ia o ua kane nei, a pilikia loa iho la ka wahine. A hiki i ka wa i loaa ai i na makamaka, na lakou i malama iaia.
            Nui ke aloha o kela wahine i ka makamaka nana ia i malama ; aka ; ua oi loa kona aloha ia Iesu. Ua loaa ke kokua nui iaia, o Iesu. Mahope o kona hai ana i keia moolelo ia'u, i mai la oia, "Nui loa kuu aloha i kuu Iesu. I kuu pilikia ana, pule au iaia, a kokua mai oia. Ina e kaumaha kuu naau, pule au iaia, a maha ae la au. Ua ike lea au, ua kokua mai oia ia'u." I iho la au, he luahine waiwai loa kela. Aohe oia pilikia i ka ilihune; aole oia kaumaha i ka waiwai. Pomaikai ka poe i loaa ia lakou o Ie s u . Aohe hiki i ko ke ao nei e kaili aku i ko lakou pomaikai.

 

O OE, E KE AKUA, K E IKE MAI IA'U.

            Iloko o ke kula a Mi. R alapa Wela, i kekahi la, o ka haawina aia no ia e pili ana no ko ke Akua maka ike mau. Ua kau aku o Mi. Wela i na huaolelo ma ka papa eleele, "O oe, e ke Akua, ke ike mai ia'u." Alaila paa ae la oia iluna he ipu-wai aniani iloko o laila e holo ana he ia gula. Olelo mai o Mi. Wela, " E na keiki, e nana i keia ia e holoholo nei. Ike anei oukou iaia ano ? Hooho na keiki, Ae. Ano ike anei oukou iaia? Olelo mai lakou a pau. Ae, ae. Hiki anei iaia ke pee mai ia oukou aku? Aole. No ke aha ? No ka mea ua ike pono makou maloko o ke aniani." "Pela," olelo mai o Mi. W ela , " ua ike mai ke Akua maloko o ko kakou mau naau. Aole hiki ia kakou ke pee mai kona mau maka aku." E kuu poe heluhelu, i na manawa a pau a oukou e ike ai i ka ipu-wai aniani a me kona ia g ula , e hoomanao i na olelo o keia haawina uuku, " O oe, e ke Akua, ke ike ia'u."

 

BERENA MAIKAI.

            I kekahi manawa ua hookomo kekahi wahine pono i kana Baibala Hemolele mawaena konu o kekahi palaoa e kaawiliia'na a hoomakaukauia'na no ka imu. Ua hana oia pela e huna ai mai kekahi kahunapule Pope, iaia i hele ai ma kahi o ka wahine me ka makemake e loaa kana Baibala a puhi ike ahi. Ua imi no ke kahuna Pope i ka buke i papaia, aka ua nana ole oia iloko o ka palaoa palupalu, a nolaila ua hoopakele ka wahine i kana Baibala. Hauoli nui oia.

            Ua like ka Baibala me ka berena. He ai kupono no ia no ka uhane. U a okiia na apana nunui no na haumana ui a makua no ka lakou mau haawina ma na kula Sabati. O na pauku liilii oia ka ai no na waha o ka poe uuku. Ua ai anei oe i na pauku Baibala ?

 

            Mai makemake aku i ko ke ao nei, aole hoi i na mea o keia ao. Ina e makemake aku ana kekahi i ko ke ao nei, aole iloko ona ka makemake i ka Makua."

 

KE ALAULA,

He Nupepa Hoikeike Kii ,

Hoopuka mau ia ma Honolulu, i kela malama keia malama o ka PAPA HAWAII, no na Kamalii Hawaii. 25 keneta ka uku no ka makahiki no ka pepa hookahi ; 20 keneta ka uku no na pepa he iwakalua a oi aku paha ma ke ope hookahi , ME KA HOOKAA MUA IA MAI.

A. O. POLEPE. Luna Hoopuka .