Ke Alaula, Volume III, Number 10, 1 Ianuali 1869 — Page 40

40 KE ALAULA.

HE MELE MAKAHIKI HOU.
BRIGHT MANSIONS.—Golden Censer.

1. A-la'e ka-kou, a o-li no, ia ha-pe-nu-la ke-ia, E hu-i pu a ha-le-lu, E o-li le-a le-a. HUI. E hu-i mai a ka-ni ae, La ha-pe-nu-ia ke-ia, E pau na u, me na luu-luu E pau na pi-li-ki-a. ki-a.
2. E oli ae,a pomaikai.
Ua pau ka makahiki;
He makahiki hou no nei,
E mele oli like.
HUI.- E hui mai, a kani ae, &c.
3. E hoomanao, a hoomaikai,
Na keiki hiwahiwa,
I ke Akua nona mai
Ka oli hape-au-ia.
HUI.- E hui mai, a kani ae, &c.
4. Ala'e, ala'e, hoohiki ae
Ma keia la hauoli.
E lilo ae i poe maikai.
I poe oli oi.
HUI. - E hui mai, a kani ae, &c.
5. E pau na hewa, na kue,
Na olelo ano ino,
E imi kukahi mai
Ma keia la olino.
HUI.- E hui mai, a kani ae, &c.
6. Ma keia makahiki hou,
Ala'e a hooikaika.
I hee a pau ka naaupo,
I hoomaikaiia'e la.
HUI. - E hui mai, a kani ae,
La hape-nu-ia keia.
E pau na u, me na luuluu,
E pau na pilikia.
WAIKOLOA.

KULA POKII.

SABATI I.
NO KA LUA KUPAPAU.—IOANE XIX: 38-42; LUKA XXIII. 55,56.

1. Owai ka i lawe ia Ie su a hoomoe ma kona lua kupapau?
O Iosepa, no Arimata ia.
2. Mahea kela lua kupapau?
Aia ma kekahi mahinaai.
3. Ia wai i hele ai o Iosepa e nonoi ai no ke kino o Iesu ?
Hele ia io Pilato la, ke kiaaina.
4. Wahi aku o Iosepa i ke kino me keaha la?
I ka lole ie keokeo.
5. Heaha kana i hookomo pu ai me ke kino o Iesu?
He mau laau ala.
6. Eliia anei ia lua kupapau ma ka lepo?
Aole; he pao i kalaiia iloko o kekahi pali pohaku.
7. Heaha ka lakou i pani iho ai ma ka ipuka o ka lua kupapau?
He pohaku nui.
8. Owai ka i ike i ke kanuia ana?
He mau wahine makamaka o Iesu. Hoi lakou a hoomakaukau i mau mea ala hou e hookomo pu me ke kupapau.

SABATI II.
NO KE ALA HOU ANA.—MAREKO XVI: 1-6; LUKA XXIV: 3-10; MAT. XXVIII: 9-10.

1. Ehia la a hoi hou mai na wahine me ka aila ala e poni ia Iesu?
Elua la.
2. Heaha ko lakou ninau kekahi i kekahi?
Pehea la kakou e komo ai i ka lua kupapau.
3. Nawai la i olokaa i ka pohaku nui?
Na ka anela.
4. I ka ike ana o na wahine ua hamama ka lua, aole hoi ke kino o Iesu, pehea lakou?
Kaumaha loa lakou a manao iho ua aihueia kona kino e na enemi.
5. A nana iho lakou, heaha ka lakou i ike ai?
He mau anela elua.
6. Pehea la ko laua ano?
Ua like ka helehelena me ka la, a o ke kapa ua hulali e like me ka hau.
7. Pehea na wahine i ka ike ana i na anela?
Makau loa lakou, a haalulu.
8. Pehea ka pane ana mai o na anela?
Mai makau oukou; ua ala o Iesu, a ua hele aku e like me kana i olelo mua ai.

SABATI III.
NOKE ALA HOU ANA.—MAREKO XVI: 1-6; LUKA XXIV: 3-10; MAT. XXVIII: 9,10.

1. Pehea i pane hou aku ai na anela i na wahine?
E nana mai i kahi a Iesu i moe ai, a e hele e hai aku i kana mau haumana ua ala io.
2. Pehea na wahine?
Piha loa i ka olioli, a holo mama loa lakou e hai.
3. I ko lakou holo ana, owai ka i loaa ia lakou?
O Iesu no?
4. Ua like anei ia me mamua?
Aole; ua nao e iki paha, aole i nawaliwali e like me ka la i amo ai oia i ke kea.
5. Pehea na wahine i ka ike ana iaia?
Hauoli loa lakou, a hoopaa aku i kona mau wawae, a kapa aku iaia o ko lakou Haku, o ko lakou Akua; makau iki no nae.
6. Pehea ko Iesu pane ana mai ia lakou?
Mai makau oukou, e hele a e olelo aku i ko'u mau hoahanau e halawai aku ana au me lakou.
7. Pehea na wahine?
Holo koke lakou a hai aku i na haumana, "ua ike makou i na anela, a ua ike makou ia Iesu, ua ala mai ia, a e halawai ana me oukou."

SABATI IV.
MARI MAGEDALENE.—IOANE XX: 1-19.

1. Ehia la Maria i haiia mai ia kakou ma na haawina i hala?
Elua, - o Maria ka makuahine o Iesu, a me Maria ke kaikuahine o Lazaro.
2. Owai ke kolu o na Maria?
O Maria Magedalene.
3. Owai ka i puka mua i ka lua kupapau mamua ae o na wahine e ae?
O Maria Magedalene.
4. I kona hiki mua ana aole o Iesu ma ka lua kupapau, pehea kana hana?
Holo mama loa oia a hai aku ia Ioane a me Petero, ua aihueia paha ke kino o Iesu.
5. Pehea o Ioane laua o Petero?
Holo laua i ka lua kupapau, mama o Ioane, a puka mua ilaila.
6. Pehea laua?
Komo laua i ka lua kupapau me ka ike ole i na anela, a hoomanao o Ioane i ka Iesu i olelo ai, "e ala hou ana au."
7. A hoi aku laua, pehea o Maria Magedalene?
Noho mai oia mawaho o ka lua kupapau e uwe ana.
8. Nana hou aku oia ma ka lua kupapau, a heaha kana i ike ai?
Ike i na anela elua, a ninau mai laua, "no keaha la e uwe ai oe?"
9. Pane hou mai kekahi mea mahope ona, "heaha kau mea e uwe ai?" heaha ko Maria manao?
Manao o Maria o ka mea ia i mahi i kela mahinaai.
10. A pane hou mai kela, "e Maria," alaila ike oia i keaha?
Ike oia o Iesu no ka ia!
11. Owai ka mea i ike mua ia Iesu mahope mai o kona ala hou ana?
O Maria Magadelene.

O KA NAAU KEIKI.

                Ua like ka naau o keiki me ke aniani nana maka. O ke aka o kela mea keia mea e hele mai imua o ua aniani la, oia ka ke aniani e hoike mai ai.
                E hoomanao kakou, o ka olelo haumia, a me ka hailiili, a me ka olelo wahahee, i hoopuka ia e ka lehelehe o ka makua, e like auanei ia me ka wai kai i hoolei ia maluna o ke kila i hoohinuhinu ia. E kiko kukai hao ia auanei ua kila hinuhinu la. Aole no e pau ia oe ua lepo la i ka holoi aku. E anai iho oe ia hao me ka ikaika loa, aole e like kona hinuhinu me ka wa i kinohou.

NA HANA ANA O KE KINO.

                Oia ka moekolohe, ka hookamakama, ka hoohaumia, ka makaleho, ka hoomanakii, ka hooipoipo, ka inaina, ka hakaka, ka ukiuki, ka huhu, ka hoopaapaa, ka mokuahana, ka manao kue, ka huahiwa, ka pepehi kanaka, ka ona ana, ka uhauha ana, a me na mea like. O ka poe e hana i ua mea la, aole e hooiliia no lakou ke aupuni o ke Akua.—Gal.

KE ALAULA.
He Nupepa Hoikeike Kii,
Hoopuka mau ia ma Honolulu, i kela malama keia malama e ka PAPA HAWAII, no na Kamalii Hawaii.

                25 keneta ka uku no ka makahiki no ka pepa hookahi; 20 keneta pakahi ka uku no na pepa he iwakalua a oi aku paha ma ke ope hookahi, ME KA HOOKAA MUA IA MAI.
O. H. KULIKA, Luna Hoopuka.