Ke Alaula, Volume III, Number 10, 1 Ianuali 1869 — Page 38

38 KE ALAULA.

ALIA IKI.

                Makana mai kona makuakane he wahi kaahuila-kahi ia Keoni i kona la hanau, i ka loaa ana iaia na makahiki eono. Waiwai loa oia i keia mea maikai e paani ai. I mai kela, "He hiki ia'u ke kii aku i na popo palaoa i ka hale puhi palaoa a e halihali i ka ope a ko'u makuahine, a e kokua hoi i ko'u makuakane." He maikai ia, oluoluia ike ana i na keiki e makaukau mau ana e kokua i na makua i na wahi hana i hiki ia lakou.
                Elua la i ninau pinepine ai oia i kona makuahine, "Heaha ka'u e halihali ai nau ma kuu wahi kaa?" Hoole mai kona makuahine, "Aole koke kekahi hana, aole o ke kali o mahope.
                A i ka ha o ka la mahope ae ua hala o Keoni me kona kaa liilii i kahakai me kekahi poe keiki, a paani nui ilaila. Loaa ia lakou he mau honu liilii, a hooili ia lakou maluna o ke kaa, a a holoholo i o a ia nei. Lealea paha na wahi honu liilii i ka holo kaa, aole paha; aka o na keiki, lealea loa lakou.
                Pae mai ka leo o kona makuahine e kahea ana iaia, a kahea hou no. Lohe no o Keoni i ka leo kahea a kona makuahine, aka, no ka piha loa o kona manao i ka paani, aole oia i haliu ae a hoolohe aku. Alaila imi mai kona kaikuahine a pane mai penei, "E Keoni, makemake o mama ia oe e hoi aku a kii i kekahi ia kamano ana i kuai ai." "Aole o'u makemake," wahi ana. "Ua kena mai o mama; heaha kou mea e hookuli nei?" "Aole hiki," wahi a ka pokii; "eia au ke hooholo nei i ka'u mau wahi honu-liilii." "Ea hoi, e hele mai." "Alia iki i hookahi minute, a hoi aku au," wahi a Keoni. Pehea la ka loihi o ia minute hookahi i kau koho ana mai? He hapalua hora no i noho hou aku ai o Keoni e paani ana.
                E holo nui ana o Keoni me kona kaa, a haule pu aku iloko o kahi kio lepo, a paumaele loa iho la ia mai luna a lalo. "Auwe! auwe! pilikia au la!" Alaila hoomanao ae la oia i kona makuahine. He mea mau no ia i kona wa pilikia, la ia mai luna a lalo. "Auwe! auwe! pilikia au la ! "Alaila hoomanao ae la oia i kona makuahine. He mea mau no ia i kona wa pilikia hoomanao kahi keiki i kona makuahine, aka, i ka wa i kena mai ai kona makuahine iaia e kokua aku iaia, oia ka wa e hookuli ai. Haalele aku ia i kona kaa a hoi aku i ka hale. Pai mai kona luna-ike-hala iaia no kona hookuli i ke kauoha o ka makuahine.
                Luuluu a kaumaha kona naau. Hoi kela a ka hale kuke. Ike mai kona mama iaia, a lawe aku no a holoi i ka lepo o kona maka, a wehe ae i na kapa pulu a paumaele, a hana aloha mai, hookomo i na kapa maemae. Aole i kamailio nui mai kona makuahine, aka he luuluu a kaumaha kona helehelena. Pilikia mau ka manao o kahi keiki.
                Mahope pane mai o Keoni, "E pepehi ana au i ko'u mau wahi honu." Ninau mai kela, "No kou i hoopaa mai ia'u i ole au e hoolohe ia oe a kauoha mai ia oe i ole oe e hele mai? O na wahi honu anei ka i hewa ?"
                Kulou iho ke poo o Keoni ilalo. Hilahila no ia i kona imi ana e hooili aku kona hewa maluna o na wahi honu liilii hewa ole. Ua like aku la ka hana o keia wahi keiki nona na makahiki eono me ko Adamu laua o Ewa. Olelo o Adamu na Ewa ka hewa i ka hoowalewale mai iaia. Olelo o Ewa na ka nahesa ka hewa i ka hoowalewale mai iaia. Pela mau no ka poe hewa, he hooili aku ka hewa maluna o hai.
                Ninau hou aku ko Keoni makuahine, "Manaoio anei oe na na wahi honu ka hewa i hookuli ai oe i ka leo kahea o kou makuahine? He pono anei ke hoopai ia lakou?" Pane mai o Keoni, "Aole, aole no; owau no ka i hewa, owau wale no; a ua hoopai mai no ke Akua ia'u ma ka hoolei ana ia'u iloko o ke kio lepo, a ua hoeha mai hoi oe ia'u ma kau mau hana aloha mai." Kulu iho na waimaka o kahi keiki, a pane mai oia, "E kii koke no au i kau ia i keia na kekahi mea e i hoihoi mai ka ia i ka hale. "E hoounauna mai oe ia'u i kekahi hana kii ukana e ae." Aole ana hana e ae e hoohana aku ai.
                Ua hoomanao mau kela wahi keiki i kela ao ana me ka luuluu a hala kekahi mau la. I ka pane hou ana mai o kona makuahine e hana i kekahi mea, ua eleu loa oia, a hoolohe koke.

KE KEIKI I NALOWALE.
HE KAAO OIAIO

                Ua puni ia Beni Patona na makahiki ekiku a i kana manao iho ua kokoke oia e kanaka makua. He keiki makemake ole keia i ka noho i ka hale ; he lealea oia e hele i ke kula nahelehele, a i kahi paha o ka poe mahiai. Puni loa oia i ka makemake lio, a o kana olelo akena penei: "Aia a kanaka makua au, e malama au i kaa nui a me na lio hanohano eha e kauo ia'u a e holo kiki loa, i ole e henehene kanaka i ko'u mau lio, e like me ka lakou e henehene nei i kahi lio pupuka a kuu kupunakane."

He Makuakane Hoomaloka.

                He kanaka malama lio hanohano no kona makuakane, a he inu waina me ka hookipa no i na hoa hoomaloka. I kona lohe ana i na olelo kaena a kana wahi keiki o Beni, pai aloha aku oia i kona wahi poo me ka olelo iho, "Heaha la ia i ka'u wahi keiki! He hiki ole no i kou makuahine e hoolilo ia oe i kahunapule e like me kona hiki ole e kaohi mai ia'u. He maikai no ka haipule no na wahine, aka he mea makehewa ia no kane.

Kona Makuahine Haipule.

                Ehaeha loa ka naau o kona makuahine haipule i kona ike ana i ke ano haanui a me ka hookiekie o kana wahi Beni, i alakai mau ia e kona makuakane a me kana mau hoa hoomaloka. He mea makemake loa i keia keiki na kii nani; nolaila kuai kona makuahine i na kii. O kekahi, he kii e hoike ana i ko Petero hoola ana i ke kanaka oopa ma ka ipu ka o ka luakini. Moakaka loa keia kii, me he la e ike maopopo ana oe ia Petero a e lohe maoli ae i kona leo e pane ana i ke kanaka oopa penei: "Ma ka inoa o Iesu Kristo no Nazareta e ku oe, a e hele." O kekahi makani a ma na ale o ke kai i ko lakou holo ana maluna o ka loko wai o Galilaia; a me he mea la e lohe maoli ia ana kona leo e pane ana i na ale o ka moana, "Hamau, e noho malie."

Ko Beni Hoahanau, o Paule.

                He wahi hoahanau hanauna ko Beni i hele mai e ike iaia, o Paulo kona inoa. He keiki maimai ia, a ua maopopo i ka poe makua i ike iaia aole no e loihi loa kona mau la e noho pu mai me na makua, no ka mea ua kokoke mai no ka lima menemene ole o ka make iaia. He mea pinepine no i kahi Paulo iki ka noho loihi me ka nana mau aku i na kii e kau ana. Hoolohe oia me ka maka aa loa i ke kamailio ana o Mrs. Patona no ko Iesu noho ana i ka wa keiki, me kona hele ana i Ierusalema i ka loaa ana iaia i na makahiki he umi-kumamalua, a iloko o ka luakini ua ao aku i na kahuna naauao, e kamailio ana no ke aupuni o kona Makua a me kana hana i hooiliia mai maluna ona. Hai hou aku no oia i na keiki elua no ko Iesu hele ana i ka mahinaai ma ka Mauna o Oliveta, a me kona pule ikaika ana a kulu iho ka hou me he mau kulu koko la no ka nui o kona ehaeha, a me kona halihali ana i ke kea kaumaha, a me ke kakiaia ana o kona mau lima ma ka puu o Calevari, a paa i ka laau. Hai hoi oia no ka pouli ana o ka la, ke olai ana, a me ka make ana o ke Keiki a ke Akua. Wehewehe hoi oia no ke ala hou ana mai o Iesu, me ka pii ana i ka lani me ka hoopuniia mai e ka puali o na anela, a me ke komo ana'ku iloko o na ipuka o ka lani.
                Me na maka alohilohi pane mai o Paulo, "he nui kuu aloha ia Iesu, a mai ka wa i haalele mai ai ko'u makuahine a lilo oia i anela, ua makemake loa au e hele a halawai me kuu Hoola. He nawaliwali au, aole no he loihi ka wa e noho ai au maanei. E make opiopio ana au, aka o Beni ke noho loihi ana e lilo i kanaka makua. He lana ko'u manao e hai nui aku o Beni i na mea a pau i ka nui o ko Iesu aloha ia lakou a me kona make ana e hoola ia lakou."
                O ka pii mai no ia o ka ulaula i na papalina o ua o Beni, a hoole loa mai, "Aole loa au e hapai ana ia hana. He hoowahawaha au i ka oihana haiolelo, a ua olelo hoi o papa aole no au e lilo ana i kahunapule."

Make o Paulo.

                Hala ae kekahi mau mahina, e emi mau ana no ka ikaika o Paulo. I kekahi kakahiaka aole i noho oia ma kona noho ma ka papa aina, a ua hamau na leo a pau. Haalele o Beni i ka hale a hele aku me Lowa, ka ilio, ma na kula e paani ai. A liuliu iho hoi mai o Beni me ke kapa nahaehae a me ka lepo o kona maka. Halawai mai kona makuahine me ia ma ka ipuka hale a hoopaa akui kona lima a pane mai, "Ia oe i hele ai, e kuu keiki, hiki mai ke Akua maanei."