Ke Alaula, Volume III, Number 1, 1 April 1868 — Page 4

Page PDF (395.15 KB)

4 KE ALAULA.

 

HANA NO NA KA LANI.
Something to do in Heaven.—GOLDEN CENTER.

1. Ha- na no ma ka la- ni na kei- ki lii- lii. O- le no ho- na- ne- a ma o; Ha- na no ka na- au, Ka u- ha- au noo- noo, Me na li- ma lii- lii o la- kou. Ma ko ka- ha- kai no, ka- hi o- li a mau, Ha- na po- no na kei- ki lii- lii.
2. He hana na maikai ka lakou e paa ai,
He kaapuni i na puu uli mau.
A e ao ia mai na ku Akua maikai,
Me ua hana oluna a pau.
HUI—Hana pono lakou, hana pono lakou, (a pela aku.)
3. He mau leo maikai, me na mele pokii Ku lakou la a mele a mau,
He mau hana aloha mao a maanei,
HUI—Hana pono lakou, (a pela aku,) WAIKOLOA.

KULA POKII.

SABATI I.
NA POPO BERENA A ME NA LA. -

1. I kekahi hele ana o Iesu ma ka waonahele, owai ka i ukali aku iaia?
He mau tausani kanaka elima, me na wahine, a me na keiki he nui loa.
2. Heaha ka Iesu i ao aku ai ia lakou?
Ao aku oia no kona Makua ma ka lani, a no kana hana i hele mai ai ike ao nei.
3. Heaha kekahi hana aloha a Iesu ia lakou ?
Hoola oia i ko lakou poe mai a pau.
4. I ka molehulehu ana mai, pehea aku na haumana?
Olelo lakou, Ua po, e hoihoi aku paha oe i na kanaka.
5. Ike o Iesu ua nele na kanaka i ka ai ia la a po, pehea kana pane ana'ku i na haumana?
E haawi oukou i ai na na kanaka.
6. Pehea mai lakou?
He elima wale no a makou mau popo berena, a elua wahi ia liilii: pehea e maona ai keia aha kanaka nui?

SABATI II.
HOONOHOIA KA AHA KANAKA MA KA WEUWEU.

1. Pehea la ka pane ana o Iesu?
E homai ia'u ka berena a me ka ia.
2. A pehea hou?
E hoonoho aku oukou i na kanaka ma ka weuweu.
3. Pehea na wahi keiki o keia lehulehu?
Ua luhi loa, a pololi loa paha lakou.
4. A pau kela aha kanaka i ka hoonohoia, heaha ka Iesu i hana ai?
Lawe oia i ka ai a me ka ia, a nana aku i ka lani a hoomaikai aku.
5. A pehea i hanai aku ai i na kanaka?
Haawi oia i apana berena, a me ka ia, ia Petero, me ka olelo, "E hanai aku oe i na kanaka mao," a ia Ioane hoi no na kanaka mao aku.
6. Pehea kona mahele ana i ka berena a me ka ia?
Mahele aku oia i na haumana a pau, me ke kauoha e haawi aku i na kauoha.

SABATI III.
NUI MOE AE KA BERENA.

1. Lawa anei na keiki a pau o keia kula i ka hookahi apana berena uuku?
Aole lawa.
2. Pehea i kela mau apana berena a Iesu i haawi ai?
I ka wawahi ana'ku, oia mau no ka nui, a wawahi hou ia aku, oia mau hou no ka nui.
3. A pehea i ka ai ana?
Paina no lakou a pau, na kane, na wahine, a me na keiki, a maona lakou a pau.
4. Heaha ka i koe ma ka mauu ?
He mau apana berena uuku, he nui loa.
5. Pehea ka Iesu kauoha?
Kauoha i na haumana e lawe i na hinai a malama i na hakina i koe.
6. Ehia iho la hinai i piha?
He umi-kumamalua.

SABATI IV.

1. Kupaianaha ko Iesu hanai ana i kela poe ma ka waonahele, pehea hoi kona hanai ana ia lakou?
Oia kupanaha like no.
2. Heaha kana ai i haawi mai ia kakou o Hawaii nei?
He poi, he kalo, uala, ko, maia, ipu laiki, a me ka berena.
3. No hea keia mau ai a pau ?
Na Iesu no i hooulu i keia mau mea a pau mai loko o ka lepo.
4. He Akua anei o Iesu?
He Akua no - he hookahi no me ka Makua.
5. Ina e hooulu ole kela i na mea ai, pehea kakou?
E make no kakou a pau.
6. Pehea na manu liilii a pau?
Ua hanaiia no lakou i kela la, keia la.
7. Pehea ina i nele ko makuahine i ka ai ole ma kona hale i kekahi la?
Aole no e make makou i ka wi; e malama no ka Haku ia kakou a pau.
8. Mamua o ka ai ana i ka aina kakahiaka a awakea a ahiahi paha, heaha ka hana e pono ai?
E hoomaikai mua aku i ke Akua no kona hoolako ana mai.

NA KEIKI ME KE KUPINAI.

I kekahi manawa elua mau keiki—
He mau keiki lapuwale no;
Mamua o ka u haele ana i ke kula,
Aoao laua ou haele lalau wale.

O kahi a laua i puana ai,
Au noho hoonanea ai hoi,
He wahi e loheia ai ke "Kupinai;"
Aole nae laua i ike ia mea.

Wahi a Beola ia Sibuba,
"Aole no kaua o loaa ana;"
Aka hoi, pane mai ke Kupinai
Me ke ahealie: "E loaa ana."

"Ko makou noi au," wahi a Baola,
"Ke lohe mai nei kekahi;"
Nana ae la oia, a pane mai ke Kupinai:
"Lohe mai nei kekahi."

"O! heaha ka hewa," wahi a Sibuba,
"Noho malie, aole e makau;"
A hoomaka koke laua e paani,
Pane mai ia ke Kupinai: "E makau."

"Heaha ka pono," wahi a Sibuba.
"Kaua e hele i ke kula;"
Ua hoomaka mai la kona makau,
Pane mai ke Kupinai: "Hele i ke kula."

U hawanawana like ae la laua,
"O! ina kaua e ikeia e na kumu;"
Lohe mai no ke Kupinai ia laua,
A pane nahenahe mai: “Ikeia e na kumu.”

"Heaha ka kaua e hana'i?" wahi a Sibuba,
"Pono ole no e hoopunipuni;"
A lohe pu no laua i ke Kupinai
E pane mai ana: "Ole no e hoopunipuni."

"Aole kaua e pono e lohi loa,
Kaua e wikiwiki i pono ai;"
Aia hoi ke Kupinai me ka leo hea,
Pane mai la: "E wikiwiki i pono ai."

Holoi ae la o Beela i na waimaka,
A pane ae, "Wau, aole hana hou penei;"
Pane mai la ke Kupinai me ka leo aloha,
I ka i ana: "Aole hana hou penei."

"Ae, ou haele kaua i ke kula,"
Wahi a laua; a holo mama aku,
A hiki pono no laua i ka manawa,
Mamua o ke komo ana o ke kula.

E hoomanao oukou, e na kamalii a pau,
Aole he ike mai o ke Kupinai,
Aia nae maluna ka mea ike hookahi
I kau mea e hana ai, a i kou e olelo ai. M.

KE ALAULA,
He Nupepa Hoikeike Kii,
Hoopuka ana ia ma Honolulu, i kela malama keia maluna o ka PAPA HAWAII, no na Kamalii Hawaii.

                25 keneta ka uku no ka makahiki no ka pepa hookahi; 20 keneta pakahi ka uku no na pepa he iwakalua a oi aku paha ma ke ope hookahi, ME KA HOOKAA MEA IA MAI,
O. H. KULIKA, Luna Hoopuka.