Home Rula Repubalika, Volume I, Number 11, 6 Ianuali 1902 — Page 7
HOME RULA REPUBALIKA, POAKAHI, IANUARI 6, 1902. 7
J. M. Maunakea
Loio, Luna Hooiaio
Keena Helu 20 me 21
Hale o ka Ona Miliona
Huina o na Alanui Papu
a me Kalepa
Honolulu, T. H.
L. J. SUN
KE TELA KUMU LOLE
ALANUI NUUANU
Kokoke i ke Alanui Pauahi
Na Lole nu paikini o na Lede, na paleili o na Wahine, na Paku Makika, Pale Uluna, Paleili a me na Muumuu. E loaa mau no i na wa a pau.
Aole kaki wale ke ku ole i ka makemake.
HUI MOKUAHI O WAIKA
HOOLAHA
Mai ka la 1 aku o Dekemaba, e uku mua ia na uku ukana a pau loa, koe na mea i hooponopono mua ia ma ke keena oihana o ka Hui, kihi o na alanui Papu a me Moiwahine.
5-9ts C. L. WIGHT, Peresidena
HUI CITY MILL
[KAUPALENAIA.]
Hale Kahi Laau ame Wili Raiki
Na pono a me na Lako Kukulu Hale
E KUKULUIA NO NA HALE MA KA AELIKE E UKU LIILII MA KA MAHINA.
He Haahaa na Kumukuai
A he oluolu i na Hawaii
KEENA HANA:—Kihi o na Alanui Moiwahine ame Kekaulike
5-tf Pahu Hale Leta 951
Hui Kuai Pipi
METROPOLITAN, LTD.
108 Alanui Moi
G. J. WALLER (Wala) Luna Hoohana
Kuai Nui a Kuai Liilii
Hoolako i na Halekuai Pipi
A me na Moku
HUI MOKUAHI O WAILA
Hoolaha i ka Poe Hoouna Ukana
Ke hoikeia aku nei ka lohe i na poe hoouna ukana a pau loa, e hoomaka ana ka loli ana o na uku ukana e like me ka papa kuhikuhi hou mai ka la 1 aku o Dekemaba, 1901. E loaa no na hoakaka ana e pili ana i na uku ukana ma ke keena o ka Hui, kihi o na alanui Papu a me Moiwahine, Honolulu.
C. L. WIGHT.
2ms Peresidena
VABINE LAU ONAONA.
Auhea la Vabine,
Lau onaona o ka uka;
A'u i kui a lawa,
I lei na ka manao.
Hui—Ua kuhi au a he pono,
Ka ulili noho kahakai;
I ke kuhikuhi puuone,
Aole au ilaila.
Pau ole ko'u hoohihi,
Ia kuini manu hoohie;
Kahuli leo nahenahe,
Pili lau i-o ka uka.
E hia mea li'a mau,
A loko e hana nei;
O ku'u pua Pisiliana,
Aia i ka waokele.
I anoi au e ike,
Ia hau kololio i ke kula;
Kahi manu ahai lono,
Na huna wai ohelo,
D. P. E.
HE MOOLELO KAAO HAWAII.
NO
KELIIKAU O KAU.
Ka Mano Kae'ae'a o Hawaii nana i hoonahoa a kaiehu aku i ke Aliiwahine Kaahupahau mailuna aku o ke kahua kaua ma ka nuku o Puuloa ma Ewa, Oahu, a nolaila keia olelo kaulana: "Mehameha Puuloa, ua make o Kaahupahau."
O keia mano aliio kalani ka mea nana i lawe ae ia Keliikauo-kau i kino mano a hoonoho ia aku la i kino aka makani unihipili maluna o kona makuahine ponoi, a na keia kalani no i haawi aku i kekahi hoailona ia keliikau-o-kau i kona wa e hoi ai a keehi paa iluna o ke kauoha, oia hoi na kiheahea kai maluna o ke kino mai luna a lalo, a o ka malo pua-kai ka i ka hope, a mamua ae nae o ka hoi ana iho e noho pono iho iluna o ka haka kino hihio makani mai ka waha ae a o keia no ka manawa e ike ia aku ai ke kahe-a-wai ana mai o ke koko ma ka lae me he mea la ua moku i ka pahoa, e hilihili ana ma na maka a me na papalima, ame ka ihu, a e kahe ana keia koko a ili i ka umauma, a he manawa keia i makemake ia no ka inu awa, a me na huaolelo ninau no ka pono a me ka hewa no ka hele ana ma na lae kahakai, a me ka holo ana ma na waa i ka lawaia. Ua like no ke ano o keia me Hiiaka-wawahilani ke hoi mai a noho iho iluna o ke kahu. Ma keia ano, ua lilo keia mano unihipili i mea nui a punahele ia Kalani mai kona loli ana a e i kino mano a hiki wale no i kona nui ana i aneane aku he ekolu mau anana ka loa a oi aku i kahi wa.
Ma keia wahi o ko kakou nanea e waiho kakou i ke kamailio ana no ka mea nona keia nanea, a e olelo ae hoi kakou no kekahi mano hookalakupua i hele mai ai mai Hawaii mai a make maloko o ka nuku o ke awa o Puuloa ma Ewa ae nei; nolaila, e oluolu ae e hooheno iho kaua e ke hoa i keia mau lalani mele malalo iho nei, a e loaa no ka inoa o ua mana la, oia hoi o:—
A ka Hipa i ka Hipa
I na u o Lewa
Lele ana o Kukamaikiakea
Keke na niho o Laniwahine
Opi ke a-lalo ke a-luna
Hoi aku au a Lihue
Nana aku ia kai o Ewa
E au ana Mikololou
A paa ka nahu'na o Papio
Paa ke au mimihi Leinaka
Paa ka manao hopu i ka lima
O Mikololou ka inoa o ua mano la i hele mai ai a make me Puuloa, nolaila e pono e kamailio ae kakou nona, i maopopo ai ke kumu o ka hiki ana mai o Keliikau o Kau.
Na hoakaka no ka Mano Mikololou, ua oleloia ma keia moolelo na Pauai ame Paukupahu i Puna, Hawaii, keia Mano o Mikololou, a o ka mano alii nona ka lae o Leleiwi a hiki i ke kai o Makaoku e pili la me kahi mokupuni hoopapa o Mokola ka inoa, a oia no ka mano alii o Kaneialehia, a ua oleloia he kapu loa kona mau makalae ma kona kai makai o Keaukoha ma Waikea-kai, ma Hilo Bay, Hawaii, aole loa hookahi kino kanaka maoli i nahuia e ka mano ma keia wahi, mai ka wa kahiko loa mai ahiki wale no i keia au hou. Aole loa e hiki i kekahi mano kamaaina a malihini paha ke nahu i ke kanaka, no ka mea he mana nui ko Kaneialehia, oiai, he elua ona mahele. Mai ke kai aku o Makaoku a hiki i ka lae o Makahanaloa a holo loa aku i Hilopaliku, hoi aku ke nahu a ka mano. A mamuli o ko Kaneialehia manao aloha, ua ike oia i ka maalo ana ae o keia wahi mano uuku ma kumupali iloko o ka hua o ke kai, a ma kona nana pono ana aku, ua ike aku la oia he wahi mano kanaka unihipili—maopopo koke aku la no iaia he wahi mano unihipili he "Aikahu" a he mea ino keia ano he "unihipili hemo ole" a he wahi olelo aai loa keia ma ia ano o na unihipili ma na ike a ka poe Kahuna lapaau.
Aia no ia wa, ua lawe ae la ka mano alii Kaneialehia ia Mikololou i wahi mano lawelawe malalo ona me he keiki hookama la paha ke ano, a ua noho o Mikololou malalo o ia ano a hiki i kona nui ana, a e hoolohe ana hoi i na olelo apau a ke alii, aole nae oia i ae ia e maalo aku ma ke kai kapu o ke alii ma kahi i olelo mua ia ae nei.
Ua olelo ia no hoi ma keia moolelo, ua haawi aku o Kaneialehia i kona kai me na makalae mai Leleiwi aku a hiki i Keauhou e pili pu la me Hopoe ma Puna, a o na aina maloko o keia kihi ame kela kihi oia hoi o Papai a me Paukupahu, Papuaa, Haena Paki, Aalamanu a hiki i Keauhou. Aia ma keia mau aina, ua nui wale na kahu o na mano Mikololou nei e hoi iho ai a noho iluna o na kane a me na wahine, a ua maluhia hoi ka hele ana o na mea apau ma kahakai, ame na lawaia maluna o na waa me he nahu ole ia la e ka mano, aia nae, mamuli o ka nui loa o na kahu ana e noho ai, ua ulu ae la na manao pono ole a me ka ohumu i kekahi poe kahu ina loaa a me na waiwai o kahi poe e aku, a ua kena aku la lakou ia Mikololou e nahu i ka mea i manao ino ia, a ma keia kumu i hoomaka mai ai o Mikololou e aki (nahu) i ke kanaka me ka hoolohe ole i na olelo ao a Kaneialehia me ka manao paha e nalo ana kana mau hana i kela mana nui e nana mai la.
I ka hala ana o kekahi mau la mahope iho o ko Mikololou nahu ana i ke kanaka mua loa, aia hoi, i kekahi la, ua hoi iho