Hawaii Holomua, Volume I, Number 63, 4 May 1894 — Moolelo Hoonaueue Puuwai no SINEDERILA; A I OLE IA, KA Opio Kamaa Aniani. [ARTICLE]

Moolelo Hoonaueue Puuwai no SINEDERILA; A I OLE IA, KA Opio Kamaa Aniani.

Ka Moolelo Kaili Puuwai o Heleue maloko o ke Anaina Hulahula. Ka Manu Nunu hooko kauoha mai ka He-Kupapau mai o kona makuahine. I ka manawa a ka makuahine i haawi aku la i kana kauoha ia Isabela no ke kii ana i ke kaikamahine opio Sinidarela o Kalihi. aia he mau minute o ka pihoihoi nui e lelele ana ka hauh o na mea kino elua maloko o kela rumi nui, a o ke kaii aku i ka hiki mai o ka mea nona kela kino i anoi nui ia, oia : ka na Lani e hoiko mai nei i : ke ao opua kau awakea o ia la kalae malie o ka Makalii, e hoike io ia ana ke kumuhana hoohui aina upepe o na ihu, malalo o ka mana a me ka pule anaana a na aumakua inu awa. Ua lohe mua no ke kaikamahine opio Sinidarela i na huaolelo moakaka a ko koikialii hookipa. oiai oia i puka ai mai loko mai o kona rumi a ku iki ma ka ipuka, a ma keia hele

kino ana aku a Isabela ehooko i ke kauoha no kona komo e halawai me ke keikialii hookipa, ua pane aku la oia iaia,— “Ma ke kauoha a ke keikialii hookipa o ka Moi o Arabia nei, ua makemake ia oe e komo aku iloko o ke keena o ka rurni hookipa nui, a e halawai like ana ko olua umu helehelena ano, a nana e hoike mai i ka mauao nui o kana huakai pili oihana o ke kipa aua mai ianei.” “Ae, e hooko aku aua au i ka olelo kauoha a ke keikialii hookipa, i keia manawa, ano, me ka hookaulua ole. Hehoomanao ko’u, he mau helehelena kona i halawai hke maua ma kekahi wahi, koe nae ka hoomaopopo loa ana—o ka inakahiki hea la ia o ke ao nei o ko maua hui lauua pu ana. E oluolu oe e hoike aku i ka malihini hanohano, e makaukau ana au iloko o na minuie pokole me ka liookaulua ole.” Ua huli hoi koke aku la o Isabela iloko o ka rumi nui, a hoike i ka hoomakaukau o Sinidarela iaia iho a puka mai iloko o na minute ix>kole. O ka uwila o ka malamalama, ua po-ha mai ia maluna o ka honua, a e hooko ia aku ana e ke kaikamahine wawae liilii o Paliuli i kekahi manawa o keia la, oia kana i hele aku ai mahope oka hale ma kekahi wahi ana i huna ai i kona mau lako lole auapanapa o ke anaina hulahula a me ke kokoolua o ke kamaa aniani, komo iho la oia ia mau kahiko hoonani oke kino, a opeope hoi i ke j kamaa aniani maloko o kona | poli me ka makaukau no ka puka aku e hui launa pu me ke keikialii hookipa. Oka anoai nui oke kumuhana hoohui aupuni a ka malihini e kali nei maloko o kela ; rumi no ke kaikamahine, aia ka manao pihoihoi ke hookikiua pu la iloko o ka puuwai hana ino oka makuahine kolea, ina paha he wahine keia e alakai aku ana iaia e halawai me na pomaikai o keia honua, a e noho hoi iloko oka hanohano, he mea pono loa a ku i ke kaulike ka hoomanao hou ole ana iaia (luahine suolo) a me kana mau kaikamahine naau lili e hiki ole ai i kekahi kino uhane ke poina a hiki i ko lakou hopena i keia Poakahi ae, Mei 7, M. H. 1874. oia ka wa e pohole ai ka ihu o ka hapa Pua o Kina.