Hawaii Holomua, Volume I, Number 17, 28 ʻApelila 1894 — ILIO KUPANAHA. [ARTICLE]
ILIO KUPANAHA.
Oiai au a me ko'u hoa e iho mai ana ma ke alanui Nuuanu a kokoke i ke alanui Kukui, i ke ahiahi Poakahi nei, hora 8 paha ia a oi, lohe iho la au a me ko'u hoa i ka uwe o kekahi holoholona liilii, a ua ku iho la maua hoolohe no kona uwe hou mai, aole i liuliu iki mahope mai oia manawa, uwe hou mai la oia, a i ko'u hookolo ana aku, loaa aku la he ilio keiki aole i kaakaa na maka, me kekahi puolo i nakiikii ia ma kona ai, a i ko'u nana pono ana iho i ke ano o keia puolo, loaa iho la i kalo kumu a me ka Awa lau ulu hou me kekahi mau mea a'u i ike ole ai mamua, o ka ilio ua haawi ia e a'u i ka poe makemake hanai holoholona. Auhea oe e ka mea nana keia mau hana ku i ka pegana, e haalele oe ia mau mea ino. KEIKI HAWAII.