Hawaii Holomua, Volume I, Number 48, 12 ʻApelila 1894 — Adimarala Woka. [ARTICLE]

Adimarala Woka.

E hoike ana ka nupepa Chronide o Kapalakiko i keia mau olelo e pili ana ia Aelimarala Woka, penei : O Adimarala J. A. Woka, ke aliikoa pani ma ko Adimarala Irwin wahi, ua hiki mai nei oia i keia kulanakauhale mai W asinetona mai i ka la i nehinei, no ka holo aku i ka Paeaina Hawaii a lawe i ke kulana Aliikoa Kiekie o na aumoku kaua Amerika no ka moana Pakipika, a ma keia mokuahi ae oia e haalele mai ai i keia awa a holo aku no kona kahua hou o ka hana me kona mau ukali oihana. Ua kipa aku kekahi mau poe lehulehu e ninau i ke ano nui o kana huakai no Hawaii nei, a ua pane mai oia me keia mau huaolelo : “Aole ka’u he huakai malu e holo nei no Honolulu, mawaho ae o ko’u hiki aku ilaila

a lawe i ke kulana alakui kiekie no na aumoku kaua Amerika ma ke awa o Honolulu ma kahi o Adimarala Irwin, oiai e pau ana kona manawa o ka hookohu pili oihana i Aperila 15. a e hiki e au ilaila mamua ae oia manawa. He oiaio, he i kauoha kekahi me a’u a e ' hooko la aku ana, aka, aole au i ike a inaopopo mua i ke ano o ! ke kauoha a hiki mai ia ma- i nawa.” Ua ulono ia ae kekahi lono e pili ana i ke awa o Puuloa. ! a oia ka Adimarala Woka i pane hou mai ai: “O ke awa o Puuloa. he awa hoolulu moku kaua ia no Amerika i aelikeia raa o kekahi kuikahi la i hanaia me Hawaii he mau makahiki i hala hope ae nei, aka, aole nae i hooko ia kela kuikahi ma o ko Amenka mau aumoku, no ke kumu hiki ole i na moku ke komo aku iloko, mamuli o ka papau loa o kona nuku-awa ma kahi he elima kapuai wale no ka hohonu. Ina he kumuhana keia e hooko ia aku ana e ke Aupuni Amerika, alaila, e makemake ia ana kekahi huina dala nm mai ka Waihona ae no ka hoohana koke aku, alaila, e waiwai auanei kela hoopaa kuikahi o Amerika nei me Hawan. E hoike ana kekahi lono o ka la 23 o Maraki ma Nu loka, i ka wa a Adimarala Woka i hoomakaukau ai no kana huakai holo mai i Kapalakiko no Hawaii nei, penei: “O ka hookohuia ana o Adimarala Woka no ka lawe ae i ke kulana alakai i ka mana kaua moana o Amerika ma ka • Paeaina o Hawaii, ua maopopo mua iaia na ouli a me na kumuhana i makemakeia ai oia no ia kulana oka hilinaiia. Ua pinepine na manawa o kona halawai loihi ana me ka Peresidena a me ke Kuhina Kaua Moana, a he mea kanalua ole i ke koho aku ke ano nui o ka lakou mau kukakuka ana, oia no ka ninau e pili ana ia Hawaii no ka Amenka olelo hooholo e kali nui ia nei o ka puka mai. Me he mea la ma keia hookohu i haawiia aku ia Adimarala W oka, ua paa pu aku oia i ka hopena o kekahi kumuhana i maopopo ole kona ano i keia manawa, ana hoi e hooko aku ai i kona wa e hiki ai i Honolulu a lawe i ke kulana alakai aliikoa kiekie o na aumoku kaual' Pakele ke kumu Puhi Ohe H. Berger mai pau iko ahi ina he moe ino ko ka po. Oiai oia i kaawale iki mai ai mai kahi i haule ai ka ipukukui, ma kahi anae hookani ana i ka ogana, he mau pepa mele kai pau aku. he aneane no i ka hanen dala oi a emi mai paha na hoolilo kahi i poino.