Hawaii Holomua, Volume I, Number 48, 12 April 1894 — Moolelo Hoonaueue Puuwai no SINEDERILA; A I OLE IA, KA Opio Kamaa Aniani. [ARTICLE]

Moolelo Hoonaueue Puuwai no SINEDERILA; A I OLE IA, KA Opio Kamaa Aniani.

Ka Moolelo Kaili Puuwai o Helene malpko o ke Anaina Hulahula. Ka Manu Xunu hooko kauoha inai ka He-Kupapau mai o kona makuahine. I ka lohe ana o ka Moi i keia lono ua loaa ka wahine nona kela kamaa aniani, ua hoopiha ia oia ika liauoli palena ole ma o kana keiki la ka hooilina Moi o k<ma kalaunu, a oia kana i telepone koke aku ai i kana keiki ka hooilina Moi me keia lono ohohia, a haawi kauoha hoi me ka awiwj nui i kona aha kuhina a me na hoa o ka ahakukamalu, e akoakoa mai lakou iloko o ka halealii me na kahiko piha oka lakou mau oihana pakahi, malalo o ka hanohano o na papale mahiole o na pookanaka maluna o na poo, a me na malo la-i ma ko lakou mau puhaka a hele olohelohe na kino. He mau minute keia o ka pihoihoi no ka hoomakaukau ana i na lako hoonani o ka halealii, aia ke Alii ka Moi ke noho mai la iluna o kona noho kalaunu me ka hanohano nui a kali i ka hiki aku o ka malihini waliine kamaa aniani, ka iwi aoao ponoi hoi o kana keiki e mukii paa ia aku ana o na hue lo malaio o ke aloha no kela mau kiina wawae palanehe poino ole a ke kaikamahine opio Sinidarela i ke ahiahi mamua aku o nehinei i haawi ia ai ke anaina hulahula maloko oka aumi ikealii nui. Ua huli hoi hou aku la ka elele lawe kauoha no ka hale o Sinidarela ma me ke kaa-alii o ka Moi, a i ka wa i hiki aku ai o ke kaa me ka ukali ponoi hoohanohano o ke keikialii, aia na ohana lehulehu o kela mau kauhale e kali ana me na ma-

nao pihoihoi mawaho o ke!a ipuka-pa, a o wawalo ana keia mau olelo iluna o ka lewa mai ka waha ae o na mea a pau: ‘*0 ka wahine io ka keia a ke koikialii maloko o kana kuahaua akea, o kekahi o na kaikamahine uha-palaoa io waliwali a Keinohoomanawanuil Auwe no ka hoi ka laki o ka pupuka-ino nui wale e, o ka apakau ana ae nei a loaa ka hapakue e like me ke kuapuu o ka mokupuni o Maui, hc mokupuni hiki ole ia Arabia ke hoao aku i kana kumuhana o ka pakika-kikala a anapuu ka hoki, ke ole e pau mai kona naau ika ai ia e kanaka o ia wahi e like me ko Kapena Kuke. Alia nae hoi, e kali ae kakou i ka ae ia mai o ka lakou nei kumuhana pohole o ka ala-ala-palu” I ka hiki ana aku o ke kaaalii i hele a ohuohu me na lei lehua paukuku a Mine ma i Kapuuhemo ae nei, mawaho o ka hale o Iila ma, ua lele koke aku la ka ukali ponoi o ke keikialii, a imua o na ohua o kela hale mawaho oka lanai, ua heluhelu aku la ka ukali ika palapala hoolauna a ka Haku Puukuo ke aloalii, aia malalo o kana alakai ana e malama ia ai kena maluhia a hiki imua o kc Alii ka Moi, no ka hooko ana i ke kumuhana mare liilii i keia po me ke keikialii Kamumukauha.