Hawaii Holomua, Volume I, Number 45, 9 April 1894 — He Manao Lili. [ARTICLE]

He Manao Lili.

Ua minamina makou i ka hiki ole i ka makou peni ke uumi iho no na olelo kumakaia aina a me lahui, a ka nupepa “Leo” i hoopuka mai ai i keia kakahiaka e kauoha ana i na kanaka Hawaii—aole e komo pu iloko o na hana o keia ahiahi, a i oi loa aku hoi ko makou kahaha a me ka hiki ole ai makou ke manaoio iho, i kekahi kanaka naau lolelua elike me ke Alii Ahaolelo D. W. Pua, ua makemake oiae unuhi hou mai i kona inoa mai ka papa hoonohonoho i kakauinoa ia ai o na hana. He mau manao kuhihewa loa keia o ka “Leo” a me ke Alii Pua e kue nei i ka mea a lai'a i ike mua ole ai e hooholo ia ana e ka halawai, i ka wa hoi e hoike ia mai ai o ke kumuhana no ke kakoo i ka makemake a me na pono o Hawaii, ina he mau kumuhana ia e loaa io ana o ka pono pilipaa o keia lahui, mai ka lawe lima nui ia ana aku e ka mana ikaika hoowalewale a me ka aihue o ke kipi haahaa loa a ka poai 0 na mikanele e paa nei i ko kakou aupuni i keia la. Ina he mau kumuhana ia o ka hoihoi hou :a mai ia kakou o ia mau pono kumu, e haawi ana kakou i ka elelo hooholo o ka lokahi e loaa kela mau jxmo; a ina he kumuhana ia e loaa ai ka poino. aole kakou e haawi i ka “ae,’ aka, e hoole aku rae ka manao paa o ka naau aloha 1 kou aina hanau. Aole loa makou i ike, pehea la i hiki ole ai i keia poe Hawaii kakaikahi o ka naau paakiki ke ike iho. aole lakou i onou ia aku e inu i ka laau make, a e inu no nae lakou i

kumu e make ai mai ko lakou | mau lima ponoi ae* Aole e hana ia ana kekahi o ia ano hana ma ka halawai o keia ahiahi, koe wale iho no ke koho ana o ke kanaka i ka aoao ana e makemake ai a e loaa ai ka pono lahui, aia malaila kakou a pau e haawi ai i ka ikaika kokua o hookahi puuwai, a kue aku i na enemi pakaha o Hawaii aina a me Hawaii lahui, a na mikanele apokaka hoi e lumai nei la oe e Hawaii malalo o ko lakou mau kapuai, a o ka hopena ia o ko kakou noho aupuni lahui ana malalo o ka inoa aloha i ka aina hanau—*'ke Aupuni Moi o ko Hawaii Paeaina/