Hawaii Holomua, Volume I, Number 1, 6 Ianuali 1894 Edition 02 — NA KAHUNAPULE INOINO LOA. [ARTICLE]

NA KAHUNAPULE INOINO LOA.

Ma ka moolelo Ekalesia Kalavina o 1861, aoao 107, penei kekahi mau olelo i kakauia: ʻUa lilo na kahunapule kekahi, i poe inoino loa ma ka lakou hana ana, aole nae o lakou hilahila." Ua pili eia i na kahunapule o ka Ekalesia Roma, malalo o ua Pope elua, o Urebana VI ma Roma, a me Kelemeneta VII ma Abiona. O ke kumu i inoino loa ai ia mau kahunapule, no ke komo pu iloko o ke kaua a me ka hakaka. No ka mea, kue keia mau Pope kekahi i kekahi, a pela hol ko laua mau kakalalo aku, oil ia kahunapule a me na kauwa. A o ke kaua no ia ma ka hakaka, a nui ka poe maka

Malia paha, he oiaio keia hoike ana mai a kela moolelo. Aka, he 500 a oi makahiki i hala aku nei, ka wa o kela mau hana ino i lawelawe ia e kela mau kahunapule. Ano, i keia makahiki i hala iho la, ma Hawaii nei, owai hoi na kahuna pule inoino loa ma ka lakou mau hana. a i hamole na maka me ka hilahila ole i ka hoopuka i na olelo ino, ka epa, a pela aku. a i komo pu iloko o na ohumu kipi, kipi maoli no hoi, kokua hewa karaima a pela wale aku.

He managua ole au ke puana ae, o Rev. S.E. Bishop, Rev. C. M. Hai, Rev. Olesona, Rev. Emesona, Waiamau, Pati a me kahi poe e ae o lake. O lakou nei a pau, he poe kahunapule no ka aoao hoomana Kalavina. Aohe hilahila iki o kela poe i ke kokua i kela aihue aupuni a Kakina ma. Pehea keia poe kahunapule Kalavina? Inoino loa maoli lakou nei, ke hoohalikelike ae me na kahnuapule Katolika Roma ma Hawaii nei. He oiaio keia la a kakou e ikemaka nei, aole he hana wale aku. Me ka mahalo, Aloha Lahui. Hilo, lan. 1, 1894.