Hawaii Holomua, Volume III, Number 291, 25 ʻAukake 1893 — I AI PAHA A PUUA? [ARTICLE]

I AI PAHA A PUUA?

Ma kekahi puka ana o ka La Kuokoa mainua aku nei, ua | hahaki ae oia i ke kanawai eono o ke Akua imua o ke akea raa ka olelo ana: Oiai o Koraisina J. H. BIount e noho ana i Honolulu nei, mamua o kona hoi ana aku nei, ua olelo aku ka oia i ka Moiwahine, aole loa e hoihoi hou ia ana oia maluna o ka Nohoalii o Hawaii nei e like rae ia mamua aku o ka la o kona hookahuli ia ana. O keia kekahi ona hoopunipuni haahaa ino loa, a me he mea la nialalo aku o ka nohoalii o Satana, aole he hoopunipuni hou aku e like me keia a na ksfhunapule hookamani i hoopuka ae ai. No ka mea, oiai o Blount e noha ana i Honolulu nei mai Maraki mai, aole loa oia i kakau, aole hoi i kamailio i kekahi mea e pili ana no ka hopena o kana hoike e pili ana no Hawaii nei, aole i kekahi oka poe hoohui aina. a aole no hoi i ka aoao o ke Aliiaimoku a me ka Lahui. Nolaila, mai hea mai la i loaa mai ai keia hoopunipuni i ka La Kuokoa? He makemake anei e hana pela i hoike ia aku ka mea oiaio? Ina o kou makemake ia. eia mai ka oiaio: Mai ai ln»u a puua, o lalau hewa auanei ka waha.