Hawaii Holomua, Volume III, Number 34, 19 August 1893 — HAIOLELO A MRS. LIOE, IMUA O NA HOA O KA HUI ALOHA AINA A NA WAHINE O WAIMEA, S. KOHALA. HAWAII. [ARTICLE]

HAIOLELO A MRS. LIOE, IMUA O NA HOA O KA HUI ALOHA AINA A NA WAHINE O WAIMEA, S. KOHALA. HAWAII.

Ma ka la 5 o Iulai, ua haiolelo o Mrs. Lioe, imua o ka Hui Aloha Aina a na wahine o Waimea, S. Kohala, Hawaii, a ua nui ka mahaloia. He hui kela i kukulu ia mamuli o na hoolala ana a Mrs. M Stillman, Kakauolelo o ka Hui Aloha Aina o Honoluin, a ke holomua nei keia hui i na lede o ka aina mauna nei. A no na hunahuna gula o ke aloha aina oiaio o Mrs. Lioe, e ike ia no ia malalo ibo nei: “E ka Lunahoomalu a me na hoa lawe hana pu o ka Hui Aloha Aina a na wahine o ka aina kauna nei, aloha oukou: — “Ano, ua ili iho maluna o’u ka hanohano i keia la o ka hoike ana aku i kekahi mau mea e hoolana ia ai ko kakou manao no ka pono o ko kakou aina hanau. ko kakou Moiwahine i aloha nui ia, a me ke kahua hoi o ka kakou hana e hana nei i keia mau la, oia hoi ke aloha aina. No ke aloha i ko kakou aina, ua kukulu makou i keia hui me ka nana ole i ka nui o na hemahema a alai ana mamau o kakou, he mea ole na waha-a ana a me na pahenehene ana mai a ka poe aole me kakou; aka, aia ko kakou mau manao ikaika imua, e kaulona ana hoi ko kakou mau maka iluna i ka Mea Mana Loa, e haliu mai Kona mau maka aloha maluna o na papalina aloha o ko kakou aina hanau nei, a ke pii mau nei hoi ka leo o ka kakou mau pule imua Ona i kela a me keia manawa o ko kakou mau halawai ana. “E o’u mau hoa, i hookahi a'u mea e noi aku i ka oluolu o ko oukou mau puuwai aloha aina oiaio. E hoomau aku kakou i ka malama mau ana i keia hana maikai a hoea mai ka hopena a kakou e li-a mau nei oia hoi ka lanakila, aka ke hoolilo e mai nei no nae noi na liona oia mea ma ko kakou aoao oia hoi, ke papuhea mai nei na makani puahiohio o ka ehaeha maluna o na aekai aloha o ko kakou aina kulaiwi nei, a ke okuku mai nei hoi na ao opua o ka manaolana pomaikai mai o a o no na kakai mauna lipolipo o Hawaii nei. "Nolaila, ia’u e hooike ai i ko'u mau manao kanaenae o ke aloha aina ke nonoi ae nei au i na mana lani kiekie loa mai pa mai kona mau kukana olino nani maluna o ka hopena a kakou i makemake ole ai no ko kakou aina makualani nei a na na kahikolu o na kahikolu e kiai mai ia Hawaii imiloa a me kakou a pau loa nolaila, e hoolana i ko oukou manao e na Lede o ka “Hui . Aloha Aina o ka Ua-kipuupuu nei. O ka pono ke hanaia, a haule mai na lani. “