Hawaii Holomua, Volume III, Number 286, 17 ʻAukake 1893 — ILOKO O KA ULUMAHIEHIE. [ARTICLE]

ILOKO O KA ULUMAHIEHIE.

Mai kinohi inai o ka wa i hookahuli ia ai o ke Aupuni o ke Aliiaimoku e Kuhina Kivini, aole loa makou iloko o na manao kūwalawala o ke poo mamua no ka hoohui aina a hiki i keia la. Aka. eia no makou iloko o na hookaau ana o ke kuilima pu me ko kakou Aliiaimoku o na kipona aloha o ka hoomanawanui a me kekahi pauaho ole no ka hopena e ili mai ana maluna o kakou a me ko kakou aina aloha. I a hala na la o ka uluaoa hiapaiole o hoohui aina ma, me ko makou naue no nae iloko o ka nahenahe malie o k*a ulumahiehie, e alo ana i ka ehuehu mai na hailiili a me na hakuepa alapahi a lakou. Iloko no oia naue malie o makou i ka nahenahe, ua hiki ia makou ke kaena ae, ua lanakila oe e Hawaiil A iloko hoi o ka hopuhopualulu i haulehia ai o hoohui aina ma. Ua haulehia lakou rae na manaolana ole o ke ko o ko lakou manao awahua o ka hoino ia oe e Hawaii. e hiki ole ai i ke p«K> o ka h«x>hui aina ke ala hou mai, a aia i ka poho o kou lima e Hawaii e ike ia ai ko lakou auhee iloko o ka pouli o ke kalaiaina. e like me ke auhee ana o ka pouli i ka malamalama i ka wa i hookumu ia ai ka lani a me ka honua.