Hawaii Holomua, Volume III, Number 256, 5 July 1893 — "O KE AUPUNI I MOKUAHANA IAIA IHO AOLE IA E KU." [ARTICLE]
"O KE AUPUNI I MOKUAHANA IAIA IHO AOLE IA E KU."
O keia mau niimala olelo e kau ae la maluna, oia no kekahi o na puana kamahao a oiaio no hoi. O ka ike ana aku i kekahi kulana a kahua mana hookele Aupuni e mokuahana ana mawaena iho o lakou, o ka ike ana aku no ia i ke alahele e hoea aku ai i kahi o ka hiolo ame ka lilo i mea ole. He mea maa mau no mawaena oka poe i kukulu i ka lakou mau hana a me ko lakou kahua maluna o ka puuone. e ike ia ana, aia i ka mauawa e nou ai ka makani a e kui ai ka hekili, e helelei ana ua kahua la, no ka mea, aole i kukulu ia ko lakou hale maluna oka pohaku. A oia ka makou e hoomaopopo aku 4 uei no kekahi hale i kukuiu ia maluna o ka puuone, ke mokuahana nei mawaena o lakou iho a aole loa c hiki ana ke ku, aka, e hiolo ana a helelei a lilo hoi i mea ele.