Hawaii Holomua, Volume III, Number 26, 24 June 1893 — KA OIAIO. [ARTICLE]

KA OIAIO.

Aole loa e hiki i na mikanele ke hoole i ka oiaio o ka makou ; olelo ai no ko lakou kue i ka Lahui Hawaii, a me ko lakou haiao ;me ka naau hoopunipuni a piha maalea. Ua olelo ae na mikanele, he lahui hoomanakii keia, he poe hupo loa a me ka naaupo, a ua hoo mauakii pu hoi me ka Moiwahine Liliuokalani. aua olelo pu ae no hoi, he pelapela na home o keia lahuikanaka e noho ai. Aole anei keia o ka oiaio o ka makou i hoike aku ai no ko kakou enemi loa ia e na mamo ana mikanele, a heaha aku ka ino i koe i oi ae i keia e hai naia mai ai nou e ka ili-ulaula? He pono anei i& lakou ke ku ma na awai a ao mai ia kakou, a o lakou na kahuhipa oiaio a kakou e j hoolohe aku ai? Aole anei ua manao nui lakou i ke d«la a ua kapae i ka hooikaika ana i ka hana a ke Akua? Aole hoi lakou he mau kahuhipa no ke Akua e ola ai kakou? Pela nol E makaala kakou a mai puni i ka lakou mau hoomaiimali i keia wa. No ka raea;aolehe paa pu o ka poe aloha aina oiaio e like me lakou e hana mai nei.