Hawaii Holomua, Volume III, Number 23, 3 June 1893 — KOHALA I HUIIA I KE A-E O KAPAAU. [ARTICLE]

KOHALA I HUIIA I KE A-E O KAPAAU.

E Kohala iki, Kohala nui, Kohala ua Apaapaa - o Pili, o Kalahikiola, na puu haelelua - Eia mai ka uku he Aloha a nui loa: - E Kohala: O na lokomaikai lehulehu wale a oukou i pahola mai ai maluna iho o na makamaka a pau i akoakoa pu aku ma kahi a oukou i koho he wahi ia e hoonani ai i ka inoa o ke Akua Kiekie Loa, ua komohia pu aku ko oukou makamaka nei na haawina i hiki ole ia'u ke hoopoina iho, i ka manomano o ko oukou noho alii ia ana e ka lokahi; no laila, I mau ka "lele o Kohala me he lupa 'la," mai wehewehe i ka lei o ka lokahi a me ke kaulahao o ka manaolana; a no ka hana a oukou a kakou pu hoi i luhi pu ai ka hauoli nui ana no ke Ola e ola ai. Maluna o oukou na kini a pau o Kohala ka manaolana me ka mahalo nui o kuu lunaikehala no ka nui o ko oukou lokomaikai i uhi ia maluna o'u; ma na mea o ka uhane a me na pono o ke kino "ka halelewa o ka uhane," - ua piha a hu me ke aloha a me ka maluhia o na hana ma ia la a'u i ike maka ai, me ke anaina nui a ulumahiehie i hoopiha i ka hale me ka ohuohu, me ke kamumumu o ke aheahe malie wale no. No laila, e hauoli e Kohala, aia no ke Keiki Hipa ma na Ipuka Gula o [ ] Hou me ka makau ehookipa I *a kipa a pam lohe I kmiaieai. Keeao ae « maha fkO ka awe, k* eha. ka- ’ pikw ip **** aeaa aa e bb)ol ae M8&