Hawaii Holomua, Volume III, Number 234, 2 Iune 1893 — LALAU KA MAMO A OPAKEHELU. [ARTICLE]
LALAU KA MAMO A OPAKEHELU.
Ma kahi welu hoolei wale ia a na laisnpa o ka nahemo ana mai inehinei. ua wahanui mai la i ka olelo olalau a kekahi haole o Gilimana ka inoa, e hoike ana i kona manao koho wale e pili ana i ka Kuhina Blount mau hoike ike Aupuni o Amerika. E haa ana ka mamo a Opakehelu i ka hauoli olalau no kona piha loa i na kuko, a ua manao iho la he oiaio kana mau mea i ike ai ma ka moeuhane, a hoao mai la e okomo iloko o ka noonoo ona kanaka. Oka oiaio maoli no nae, aole mea i ike i ko Blount mau mauao “koe wale no ka Peresidena Kalivilana a me kona Kuhina Nui” a aole no hoi i hoike ia na Kauoha iaia no kana mea e hana ai. Nolaila. o kela mau olelo mahaoi a kela haole, ua lilo ia i mea alakai lalau i na wahi kumakaia.