Hawaii Holomua, Volume III, Number 224, 18 May 1893 — AOLE POLOLEI KELA. [ARTICLE]

AOLE POLOLEI KELA.

Wahi a kekahi mea kakau o ke Kuokoa Pahemo La o kela mau la aku nei, ma kekahi hapa o kana mau ohikui ana malalo oke poo, “Ke Kulana Aupuni.” Eia mai kahi hua olala loa e akaaka ia ai oe e ce Kanekani. “No ke kue ana o ka Moiwahine i ka mea ana i hoohiki ai, (Kumukanawai) nolaila, e hoopau ia oia e pouo ai, a ua hewa oia ia hana ana pela.” E, auhea oe e ua hoa luhi nei. a ina he heluhelu Baibala oe. alaifa, e ike auanei oe i ka malili o ua mau hua haule la au, a penei ka pahuna hala ole: He oiaio, ua mee o Kalani Kaulilua i ke kapu a Niolopua, a pii ae o Kalam Liliuonamoku i ke Kalaunu, a ua hoohiki io oia iua Kumukanawai elau pu la. Aka, oiai oia ma ka Nohoalii o Hawaii, aia oia ia wa me aona lahui ponoi e halalo pono ana ina aoao a pau o ua mana elau pu la, a i ka mohala pono ana ae nei o kona mau aweawe a mana ae nei maluna o kela ame keia ano a hiki wale i ke kau koho ba!ota, ua ike iea ia kona pono oie, aole oka Moi wale no kai ike. aka, o na makaainana pu kekahi. Oiai, ua ike ana lohea ia na leo ma na biia kanawai i ka Ahaoleloo 1892 iho nei— * I Kumukanawai hou.” mai na apana lehulehu mai no ia a puni ka Paeaina. Noiaila manao iho nei ka Moi, ua pono keia mau leo noi. ahe pono no e hoololi i kana hoohiki. Alaila o Kona hoolohe aku i ka leo o ka hapanui o Kona lahui me Kona ike pu ana iho no ua hewa Kana mea i hoohiki ai, a lawelawe Oia ia mea e nooooo me ke kukala ole ana, ua hewa anei Oia ? Alia, e pane mai oe 1 keia. — Ua hoohiki o Iehova ika aina o Kanaana no na mamo a Iseraela, a e hoihoi ana i kela lahui nui mai Aigupita ae a komo i Kanaana. Aka, ua kue hou oia i kana mea i hoohiki ai pela, no ka mea, ua ike iho la ke Akoa ua hewa kela lahui, a nolaila aole lakou i komo i ua aina la. Alaila, ua hewa anei ke Akua i kona kue ana i kana heo* hiki no kona ike ana oa hewa kana mea i hoohiki ai? Pane mai oe. - ■

keia kumu, ua lokahi na makaainana Pelekane a kipaku ia Kimo 11. mai ka nohoalii aku o Pelekane.’’ - Wahi hou iho no au. E, auhea oe. heaha ka like oia mea haule au i lawe ae la a oku imua o ka lehulehu. a ku ae la oe mahope me ko mauao e na!o ana. aole oe e nalo. he aniani kilohi no ko makou keena. ua pau loa ko aka ia nei. Aohe like o la Kimo II. i hana ai e hke Liliuokalani, a e hoolohe iho oe, a p>enei ka like ole: O ua Kimo II. la o Pelekane, he Moi io uo ia ma ka nohoalii, a he kumukanawai hoi ko Pelekane i hanau ia mai me ka maemae. a ua lokahi ka lahui Pelekane e malama la me ka maemae. Aka, mahope iho, aia he poe kakaikahi loa iloko 0 ka malu o ke Aupuni e ake ana e iiui i ko lakou pono wale iho no, me ka lohe ole o ka lahui h«)lookoa 1 keia mau hana. ua hoomaka ae la oia e nookahuli i ke kumukanawai ma kona manao wale iho no me ke kokua ia e kekahi poe kakaikahi loa, a kue hoi i ka makemake o ka lehulehu, a nolaila, ua ala mai ka lehulehu a lokahi e kipaku iaia mai ka nohoalii aku, aua ko io aua apono ia ia hana ana pela. O Liliuokalani hoi ke Aliiaimoku o Hawaii uei, aia no ke Kumukanawai a ka iehulehu i makemake ole ai ke mau la pela, a ua lokahi ka lehulehu i ke ahewa ana i kela mana oka elau pu Nolaila, no ka lahui holookoa ka makemake e hoopau. a e hoololi paha i ua mana elau pu la, ahe hoolohe ana mai ka ke Alīiaimoku, a makaukau iho la ma ke kaana ana e hooko aku ia leo, a niniau e iho ai a eha ana ka pua o Koaie. A penei ka hoopokole ana: 1 — 0 Kimo II. o Pelekane wale iho no ma kona manao me na wahi kauna heiu kai makemake e hookahuli i ke kumukanawai. 2 —O ke Aliiaimoku Liliuokal ani me ka lahui kai m.ikemake e hoopau i ka mana elau pu —Auhea iho la ka like o kau nihoniho e paewa nei ? Pane hou mai oe. Manao paha oe he hupo loa makou, a he hoe waa paehewa, he lapuwale. He nui iho no na mea akaaka au i olohewa mai ai, aka, aia a pau pono mai, i nui ka hauoli o ke kahua kilo hoku o Waolani. Aloha nui oe e ka hoa kakelekele papa-pai. Meneme.ne Ai.u.