Hawaii Holomua, Volume III, Number 12, 18 March 1893 — NA OLELO A KA LAPUWALE NUI. [ARTICLE]

NA OLELO A KA LAPUWALE NUI.

I ko makou manawa e kapa aku ai i keia mea kino (uhane ole anei?) he lapuwale, e hoomanaoia, ke olelo nei makou he lapuwale ia malo nei makou he lapuwale ia mamuli o ke ano o na olelo o kana welu kumakaia, aole hoi ma kona ano maoli iho a pilikino paha. Ua hoopuka ia ae kekahi mau olelo ino a piha lepo maloko o ua welu nei o ka Poakolu i hala iho la, e hoole ana i ka makemake o ke Akua e hoolohe mai i na leo pule no ke aupuni i hookahuli ia. Aole o makou makemake e kope mai i kana mau olelo, aole no ko makou hemolele a maemae, aka, no ka mea oia no ke koe nei iloko o makou he wahi hiona o ka hoopailua i na olelo pelapela. Aka, he ninau ka makou: Pehea la i maopopo ai i keia welu a me kona mea kakau ekaeka na makemake ole ke Akua e hoolohe mai i na leo pule no ke Aupuni o ke Alii? He Pople anei keia mea kakau i hiki ai iaia ke koho wale ae no e like me kona makemake? O keia anei ka poe a ka Haku Lani i apono mai ai na lakou e hoike ae i na mea a ka Uhane Hemolele e hooko aku ai? He keu o ka nui o ka manaoino o keia poe ia oe e Hawaii.