Hawaii Holomua, Volume III, Number 180, 16 Malaki 1893 — HEAHA AKU LA KOE? [ARTICLE]

HEAHA AKU LA KOE?

Ua ike ia maloko o kekahi mau nupepa o kakou na olelo hoinoino a hoonaikola ina kanaka Hawaii ' Ponoi. Me ka hana ole ia aku o ! keia poe, ua hailuku mai la no nae ! i ka lakou mau lepo maluna o ke 1 kulana laelae a me ka inoa kamahao oke kanaka Hawaii. Mai ka hoomaka ana mai o keia kulana hookahuli aupuni a hiki i keia la, ua noho kakou me ke ai-'ahai. me ka malama loa i ka maluhia. Aole loa i noala ia kekahi hana kue wale aku i ka mana a me na kanawai 0ke Aupuni Kuikawa, aka, o na hana maikai a kilakila ka ke kanaka Hawaii i hana ai. Aka, me keia mau haawiua maikai a pau, ua lilo loa iho la no ia i mea maikai ole i lea mea opukeemoa, a nolaila makou i puana ae nei ika ninau ma ke poo o keia kukulu manao —heaha aku la koe? Heaha aku ka mea i koe a ke kanaka Hawaii e hana ai? Aole anei oia i hoomanawanui i ka eha a me ke kahe ana o ke koko o Leialoha mai ka poka mai aka menemene ole oiai e hooko ia aua ke kanawai o ka maiuhia? Aole anei oia i uumi 1 kona kuakoko i ka hanini ana o ke koko o Kailikole oiai oia e hooko ana i ke kanawai malama maluhia oka aina? Aheaha houaku la ka mea i makemake ia? Heaha hou ka mea hiki ike kanaka e hana i maha ai ka inaina o keia poe pakaha? Ai ka manawa hea hoi e keua ai ko lakou makewai anunu a limakoko? E umiapuaa maoli anei? Ke puana aku nei makou—ina o ka manao ia a o ka mole ia o ka makemake —alaila. e like me ka malamaiama oka la, pela no makou e puana aku nei he moeuhane palaualelo ia a he lapuwale o na lapuwale.