Hawaii Holomua, Volume III, Number 173, 6 Malaki 1893 — NA KEIKI HOE WAAPA. [ARTICLE]

NA KEIKI HOE WAAPA.

Maialo o ka noho mana aupuni ana o ke Ahiaimoku, ua ai lakou i kahi loaa uuku o ko lakou luhi me ka hoomanawanui a me ke keakea ole ia. aka. i ke au o keia mana aupuni hou. ke hoomaopopo nei makou e kau ia aku ana i laikini maluna o kela a me keia o lakou e hooikaika nei e loaa kahi ola o ka noho ana o keia mau 1 a hune o ka aina. Ua ike no kakou he wahi hana uuku keia o kahi loaa, nolaila, oke kau ia ana o ka auhau maluna o keia mau oiwi o ka aina, he kumu no ia e kau aku ai o ka hune a me ka nele maoli maloko o I ko lakou mau home a mawaena hoi oko lakou mau ohana. Aloha wale oukou e na keiki o na aekai, ka poe na iakou e hoomanui nei ke anu. ka wela a me ke koekoe o ka ho oilo. a me ka hahana o ka la iloko o na makahiki i hala hope aku la. Ano ke pahola aku nei ka Hawaii Holomua i ka lima akau o ka manaolana, e hele pololei aku a*ia mailoko aku o kona puuwai hamama a loaa oukou j akahi, me ke noi ae i ka lokomaikai o na Mana Lani e haawi iho i na kokua ana ia oukou i maha ai ka noho ana o ka wahine a me na kamalei a oukou a pau. Me oukou ko makou aloha pili paa, na Keiki haulani o ka Papapa'i a ma na hookele wiwo ole hoi o ka kakou Hiwahiwa, iloko o keia mau la o ko kakou nohona inea nu ke kuokoa oka aina a me ko kakou Aliiaimoku.