Hawaii Holomua, Volume III, Number 166, 22 February 1893 — KA HUAKAI POKOLE A KO MAKOU KAKAUOLELO NO NA WAIEHA. [ARTICLE]

KA HUAKAI POKOLE A KO MAKOU KAKAUOLELO NO NA WAIEHA.

Mamuli o ko makou ake nui e hooholomua ia kakou nupepa ka Hawaii Holomua, ka PuKuniahi o keia mau la e kani nakolokolo nei iwaena o na kaiaulu o Hawaii, ka ahailono wiwo ole hoi nana e hoike mau nei i ka lamaku o ka oiaio no ke kulana o ko kakou Aupuni iloko o keia mau la pilihua ana o ke Aliiaimoku a me ka Lahui Hawaii. A o ka pepa hooKahi wale iho no nana e rula a e hoonaueue mau nei i na puuwai o ka poe pakaha aina; a noiaila, ua holo aku oia e hui a e launa me ko makou lehulehu o ka aina i ka lihihhi o ka pua Lilia a e o mau ia nei me ka mahiehie penei: "Kuu pua Lilia la i Wailuku Ua inu i ka wai o lao Ua ao kaua e ka lauwai Ua hoike mai e ka HOLOMUA, ua lawe pu aku oia me kekahi o ka makou mau nupepa Puka la i piha kuliu i na nuhou; a ua hoolana ia na naau luuluu o ko na Nawaieha mau Makaainana Aloha Aina a Aloha Alii no hoi. Ka Huakai Moana. Ua kau il i ia maluna o Kinau no ka aina malu a ke ao, a o Nawai hoi a Eha, ma ka hora 2 auina la oka Poalua, Feberuari 14, he maikai ke ani ana a ke kolonahe makani makai mai; a e oni malie ana na aui nalu, a e haulani ana na kue-hao o ua alahaka aumoana la. Nana iho no hoi i ua Aliiwanikeau kai la: "Maikai Kauai i ka malie Malino ke kai i Honokalani.” la makou makai aku o ka hale kukui. huli mai la nana ia uka, e hii ia ae ana ke Kulanakauhale alii e ke ao opua, hu mai la ke aloha i na keiki paahana oniu metala a me kuu Kahikina Kelekona oluolu. Kalele iho la ko’u mau maka i ka hainaka a'u i palulu ae ai. a kulu iho la ka waimaka uwe ka opua. Kaalo ae la ma ke alo iho o ka hoe hole, a ike iho la i na aui aie a kela ui kaulana i keha ae ai, penei: Aia i Leahi Kaimana Hila Ka hokua o ka ale kai Mamala, I keia wa i kuu pau aku ai ka wiliki i ka ikaika hoohana o ka mahu, a ua ike pu ia iho la ka oni o ua aianui moana la. Aole i emo, maaio ana mahope ka lae o Laeahi, a Ke nana iho, me he lio kakele la i ka ua mea o ka holo launa ole. Hora 6 p.m. paha, kaalo ana ke Kiahoomanao a kela ui o Kona i uo iho i knna manai: A ka iae o Kalaau Pau ka pono a Kakina. E a hopipi ana ke kukui o ka hale kukui, oiai e hula ana no, a e holoholo mai ana no hoi kanaka me ke kiani ana mai ia makou, me he la ua eehia lakou ia makou i kaaio ae ai. (Apopo.) s *