Hawaii Holomua, Volume III, Number 158, 10 Pepeluali 1893 — PELA I'O ANEI? [ARTICLE]

PELA I'O ANEI?

O ka poe o ka poai e ake nei a e hooikaika nei e hoohui ia keia mau Paemoku me Amerika Huipuia, ke kaena mau nei lakou no Amerika Ke dala o keia aina, i noho ona ia hoi ena kanaka oia lahui. O ka olelo ae pela a koi mai oia ke kahua kupono e loaa ai ka mana ia lahui e hoohui aina, he mau hana huhewa ia. Oke dala Amerika i lawe ia mai iloko o keia aina, oia no ke dala i komo mai raa o ka poe kaahele wakaikai honua alu iho la mawaena o kakou. A e nana hoi kakou ia C. K. Bihopa, i kona hiki mua ana mai, he kanaka ihhune loa ia aole ana kenikeni ma kona pakeke, aka, mamuli o ka ulia pomaikai ua mare oia me kekahi aliiwahine waiwai, a mailaila mai kona waiwai; a o ka olelo ae i keia manawa he dala ahe waiwai Araerika ko Eihopa no kona hanau ia aua ma Amerika, he manao pupule a kohu ole loa ia. Pela pu no me Ealuwina, Wilikoki, Damona, Kakela ame kahi poe e iho, ke oleloia nei he waiwai Amerika ko lakou, no ka mea, he mau makuakane haole ko lakou nakahi. aka. o keia poe nae ua hanau ia lakou ma Hawaii nei, a ua hoomaka lakou e imi i ka waiwai iloko o ka nohona ilihune, a i keia manawa ke kaena nei i ko lakou kuonoono mamuli o ka lepo o Hawaii nei. He mea kupanaha keia, aka. o keia nae kekahi o na kumu koi ikaika a kahi poe e koi mainei e hoohui aina. O ka mea oiaio, ua waiwai kekahi poe e kapa nei ia lakou be Amerika mamuli o ka maalea, a ma o ka lokomaikai o ke kanaka Hawaii. ua hao a pakaha ia ko lakou mau aina. a ua haawi lakou i na kokua i ka malihini, a i keia mauawa, ke iawe ia nei ko lakou aina hanau me ka manao ia e haawi a lilo ia hai, me ka olelo mai he kuleana ko lakou e hana pela, no ka mea, no Amerika ka waiwai o keia aina.