Hawaii Holomua, Volume III, Number 155, 7 February 1893 — KA LAHUI OIWI. [ARTICLE]

KA LAHUI OIWI.

Owai la ka lahui oiwi? Owai ka lahui nana ka mamo e noho nei mahope iho o ka eha ana o ka ili i ka maka oka ihe? Owai ka lahui nona na Alii i hanau ia mai ka po mai? A owai hoi ka lahui i kuakoko pu la me ke aloha a makee Alii? Ke kamailio mai nei ka nupepa lapu i kapaia o ka Avalatai;ja, ma ke ano hoahewa mai ia makou no ko makou makee Alii ano ke kupaa mahope oke kulana Aupuni Moi. He hewa anei ia? No makou iho, aole makou e hoahewa wale aku aua iaia no kona makee a kakoo ike kulana Aupuni Repupahka, no ka mea, ua maopopo ia makou, ua hanau ia iloko o kona mau aakoko ke aloha a makee ia ano Aupuni; a oka hiipoi ana o ka mamo ana makua i hoomanawanui ai a i eha ai no ia ano Aupuni, o kekahi no ia ona hana a haawina hanohano a kilakila a ke kanaka e hana ai. Pela no hoi makou. Ua ka ih o ko makou mau kupuna i ka maka oka ihelaumeki, no ka paio ana aku i ka poe e kue mai ana i ko anakou mau Alii mai ka po mai; ua okomo ia iloko lilo o ko makou puuwai-ke aloha a me ka makee no ko makou Aliiaimoku —a he hewa anei ko makou aloha i ko makou Alii? Mamuli anei oko lakou makemake e ae wale aku ai no makou e alakai ia me be mau puaa la i omau ia ka ihu i ka huluniu? Ina pela ka manao o&a mea kakau o ka nupepa Avalataisa a me kona poai, alaila. ke hoike aku nei makou me ka oiaio loa. ua hoka ia iloko o kona waihona kuhihewa. Aole loa makou i hanau ia e lilo wale no malalo o‘ na alakai ana a ka luda Isakariota, aka, aia makou ma ka onipaa i na manawa a pau, a p>ela pu me ka lahui oiwi o ka aina.