Hawaii Holomua, Volume III, Number 143, 20 January 1893 — E HAIPULE. [ARTICLE]
E HAIPULE.
E ka I, ka Mahi, ka Palena. ka Palaoa, ka Palalaui, ka Lopa, a o kakou no a pau e na ewe io a koko ponoi o ka aina kulaiwi, mai ka la hiki ma Haehae a ka la komo i Lehua, mai na lae auaukai a hoea i na koauka i pulupe mau i na pakaua kilihuue —Aloha! Aloha kakou a nui me ka pumehana. I keia la kaniuhu—ke hoea aku nei makou ka Hawaii Holomua imua o oukou, ko oukou koo i na manawa a pau. a ke kalahea aku pei i ka hua i ka umauma—e pelu i na kuli kela a me keia pakahi o kakou a pau loa. e haliu aku na maka iluna, a e haawi aku i ka kakou mau leo pule oiaio o ke aloha me ka hooki ole no ko kakou Aliiaimoku, ko kakou aina a me kakou na makaainana—a na ke Akua e kokua mai ia kakou a me ko kakou aina.