Hawaii Holomua, Volume III, Number 142, 19 January 1893 — E PELU I NA KULI. [ARTICLE]
E PELU I NA KULI.
Iloko o keia mau la oke kupilikii o ka manao a me ke anoninoni o ka noho'na, hookahi wale no a makou puuhonua e hoomanao aku ai i na hoamakaainana e hiki ai ke hoo-
luolu mai a e hoopau aku hoi i na haawina o ka luuluu a me ke kaniuhu. oia no ke pelu ana o na kuli a haawi aku i na leo pule hooki ole imua o ke Aloalii o Ka Mana Kahikolu, ka puu kalahala hookahi a o ka puuhonua lokomaikai hoi o ko ke ao nei a pau. E lokahi ka pule ana aku—mai ke Alii Kiekie loa o ka aina a ke kupa haahaa loa. a e loaa no auanei he maha a he palekana mai Kona punawai hemolele mai o ke aloha. "He malu ma ka honua, e aloha i na kanaka!”